ବଢୁଛି ମହିଳା ଅପରାଧୀଙ୍କ ସଂଖ୍ୟା

ଯାଜପୁର ଅଫିସ,୪ା୪: ରାଜ୍ୟରେ ମହିଳା ଅପରାଧୀଙ୍କ ସଂଖ୍ୟା ବଢ଼ିବାରେ ଲାଗିଛି ା ସେମାନେ ବିଭିନ୍ନ ଅପରାଧରେ ଅଭିଯୁକ୍ତ ସାବ୍ୟସ୍ତ ହୋଇ ଜେଲ୍‌କୁ ଆସୁଛନ୍ତି ା ୨୦୧୦ରୁ ଅଦ୍ୟାବଧି ଦୋଷୀ ସାବ୍ୟସ୍ତ ଓ ବିଚାରାଧୀନ ଭାବେ ୭୬୨୨ ଜଣ ମହିଳା କଏଦୀ ରାଜ୍ୟର ୮୭ କାରାଗାରରେ ଅଛନ୍ତି। ସେମାନଙ୍କ ମଧ୍ୟରୁ ୧୪୩୧ ଜଣ ଦୋଷୀ ସାବ୍ୟସ୍ତ ହୋଇଥିବା ବେଳେ ୬୧୯୧ ବିଚାରାଧୀନ କଏଦୀ ଭାବେ ଜେଲରେ ଦିନ କାଟୁଛନ୍ତି। ୨୦୧୦ରେ ରାଜ୍ୟର ବିଭିନ୍ନ ଜେଲରେ ସମୁଦାୟ ୪୯୦ ଜଣ ମହିଳା କଏଦୀ ଥିଲେ ା ୨୮ା୨ା୨୦୨୨ ସୁଦ୍ଧା ସେହି ସଂଖ୍ୟା ବୃଦ୍ଧି ପାଇ ୭୦୪ରେ ପହଞ୍ଚିଛି। ଅର୍ଥାତ୍‌ ଗତ ୧୨ ବର୍ଷରେ ୨୧୪ ଜଣ ମହିଳା ଅପରାଧୀଙ୍କ ସଂଖ୍ୟା ବଢିଛି। ଏହାସହ ଗତ ଫେବୃୟାରୀ ୨୮ ସୁଦ୍ଧା ୩୬ ଜଣ ମାଆ ଏବଂ ୦ ରୁ ୬ ବର୍ଷ ପର୍ଯ୍ୟନ୍ତ ୩୮ ଜଣ ଶିଶୁ ଜେଲରେ ଅଛନ୍ତି। ଚଳିତ ବିଧାନସଭାରେ ବିଧାୟକ ମୋହନଚରଣ ମାଝୀଙ୍କ ଏକ ପ୍ରଶ୍ନର ଉତ୍ତରରେ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର ଏହି ତଥ୍ୟ ଉପସ୍ଥାପନ କରିଛନ୍ତି ା ବିଶେଷକରି ସାଇବର ଅପରାଧ ସମେତ ଚୋରି, ହତ୍ୟା ଆଦି ମାମଲାରେ ମହିଳାମାନଙ୍କ ସମ୍ପୃକ୍ତି ରହୁଥିବା ମତପ୍ରକାଶ ପାଇଛି।
ଦିନଥିଲା ନାରୀମାନେ ସାମାଜିକ ବାସନ୍ଦ ଡରରେ ମୁହଁ ଖୋଲି ପାରୁ ନ ଥିଲେ। ଯେତେ ଆଇନ ପ୍ରଣୟନ ଓ ସଚେତନତା କାର୍ଯ୍ୟକ୍ରମ କରାଯାଉଥିଲେ ମଧ୍ୟ ନାରୀ ନିର୍ଯାତନା କମୁ ନ ଥିଲା। ଏବେ ନାରୀମାନେ କ୍ରମଶଃ ଶିକ୍ଷିତ ଓ ସଚେତନଶୀଳ ହେବାରେ ଲାଗିଛନ୍ତି। ନାରୀମାନଙ୍କ ସାକ୍ଷରତା ହାର ମଧ୍ୟ ଆଶାନୁରୂପ ଭାବେ ବୃଦ୍ଧି ପାଇଛି ା ତେବେ ଉଚ୍ଚଶିକ୍ଷିତ ମହିଳାମାନଙ୍କ ମଧ୍ୟରେ ବେକାରି ସମସ୍ୟା ଉଗ୍ରରୂପ ନେଇଛି। ରାଜ୍ୟରେ ଶତାଧିକ ଶିଳ୍ପ କାରଖାନା ପ୍ରତିଷ୍ଠା ହୋଇଥିଲେ ମଧ୍ୟ ସେଠାରେ ମହିଳା ନିଯୁକ୍ତି ସଂଖ୍ୟା ନଗଣ୍ୟ। ଯେଉଁ କେତେଜଣ ଶିକ୍ଷିତ ମହିଳା ନିଯୁକ୍ତି ପାଉଛନ୍ତି ସେମାନଙ୍କ ମଧ୍ୟରେ ଅଧିକାଂଶ ରାଜ୍ୟ ବାହାରର ବୋଲି ଅଭିଯୋଗ ହେଉଛି। ଏଭଳିସ୍ଥିତିରେ ଶିକ୍ଷିତ ବେକାର ଯୁବତୀମାନଙ୍କ ମଧ୍ୟରୁ କେତେଜଣ ସାଇବର ଅପରାଧରେ ଜଡିତ ରହୁଛନ୍ତି। ବିଭିନ୍ନ ସୋସିଆଲ ମିଡିଆରେ ନକଲି ଆଇଡି ତିଆରି କରି ଲୋକଙ୍କୁ ଠକିବା ଏବେ ସାଧାରଣ କଥା ହୋଇଛି। ଏପରିକି ଲୋକଙ୍କୁ ଫୋନ କରି ବିଭିନ୍ନ ଆଳ ଦେଖାଇ ଆକାଉଣ୍ଟରୁ ଟଙ୍କା ଗାଏବ କରିବା ଅଭିଯୋଗ ଏବେ ଚିନ୍ତାର କାରଣ ହୋଇଛି। କେବଳ ସେତିକି ନୁହେଁ ଯୁବତୀ, ମହିଳାମାନେ ଡ୍ରଗ୍ସ ବେପାର ଏବଂ ଦୋକାନରୁ ସୁନା ଗହଣା ସହ ବିଭିନ୍ନ ମୂଲ୍ୟବାନ ସାମଗ୍ରୀ ଚୋରି କରୁଥିବା ନେଇ ଖବର ଶୁଣିବାକୁ ମିଳୁଛି। ଏହିକ୍ରମରେ ମହିଳା ଅପରାଧୀଙ୍କ ସଂଖ୍ୟା ବଢି ଚାଲିଛି। ବିଶେଷକରି ମୟୂରଭଞ୍ଜ, ବ୍ରହ୍ମପୁର, କଟକ, ବାଲେଶ୍ୱର, ଖୋର୍ଦ୍ଧା, ସୁନ୍ଦରଗଡ଼, କଳାହାଣ୍ଡି, ବଲାଙ୍ଗୀର, ଭଦ୍ରକ ଆଦି ଜିଲାରେ ମହିଳା ଅପରାଧୀଙ୍କ ସଂଖ୍ୟା ଅଣାୟତ୍ତ ହେବାରେ ଲାଗିଛି।
ରିପୋର୍ଟ ଅନୁସାରେ ୨୦୧୦ରେ ୪୯୦, ୨୦୧୧ରେ ୪୪୩, ୨୦୧୨ରେ ୪୭୬, ୨୦୧୩ରେ ୬୪୧, ୨୦୧୪ରେ ୫୩୮, ୨୦୧୫ରେ ୬୪୨, ୨୦୧୬ରେ ୫୩୮, ୨୦୧୭ରେ ୫୬୦, ୨୦୧୮ରେ ୬୦୪, ୨୦୧୯ରେ ୫୮୭, ୨୦୨୦ରେ ୬୬୦, ୨୦୨୧ରେ ୭୩୯ ଏବଂ ୨୦୨୨ରେ ଗତ ଫେବୃୟାରୀ ସୁଦ୍ଧା ୭୦୪ ଜଣ ମହିଳା ଅପରାଧୀ ରାଜ୍ୟର ବିଭିନ୍ନ ଜେଲରେ ରହୁଛନ୍ତି। କୌଣସି ମହିଳା କଏଦୀ ଜେଲକୁ ଆସିବା ପରେ ଗର୍ଭବତୀ ହୋଇନାହାନ୍ତି। ୨୦୧୩ରେ ମହିଳା କଏଦୀମାନଙ୍କ ମଧ୍ୟରୁ ଜେଲ କର୍ମଚାରୀଙ୍କ ଦ୍ୱାରା ଅସଦାଚରଣ, ଯୌନ ନିର୍ଯାତନାର ଶିକାର ହୋଇଥିବା ଏକମାତ୍ର ଅଭିଯୋଗ ହୋଇଥିଲା। ଏ ସଂକ୍ରାନ୍ତରେ ଜାତୀୟ ମାନବାଧିକାର ଆୟୋଗଙ୍କ ନିର୍ଦ୍ଦେଶକ୍ରମେ ତଦନ୍ତ କରାଯାଇ ସରକାରଙ୍କ ତରଫରୁ ଅଭିଯୋଗକାରିଣୀଙ୍କୁ ୧ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରାଯାଇଥିଲା।
ସୂଚନାଯୋଗ୍ୟ, ରାଜ୍ୟରେ ୯୨ଟି ଜେଲ ରହିଛି। ସେଥିମଧ୍ୟରୁ ୫ ସର୍କଲ ଜେଲ, ୯ ଡିଷ୍ଟ୍ରିକ୍ଟ ଜେଲ, ୨ ସ୍ପେଶିଆଲ ଜେଲ, ୬ ସ୍ପେଶିଆଲ ସବ୍‌ଜେଲ, ୬୭ ସବ୍‌ଜେଲ, ୧ ମହିଳା ଜେଲ, ୧ ଖୋଲା ଆକାଶ ଜେଲ ଓ ୧ ମଡେଲ କନଭିକ୍ଟ ଜେଲ୍‌ ରହିଛି। ଉପରୋକ୍ତ ଜେଲ୍‌ରେ ମୋଟ ୨୦,୦୨୭ ମହିଳା ଓ ପୁରୁଷ କଏଦୀଙ୍କ ପାଇଁ ବ୍ୟବସ୍ଥା ରହିଛି ା ଗତ ଫେବୃୟାରୀ ସୁଦ୍ଧା ୧୯,୫୭୧ ଜଣ କଏଦୀ ବିଭିନ୍ନ ଜେଲରେ ରହିଛନ୍ତି, ଯାହାକି କ୍ଷମତାଠାରୁ ୯୭.୭୨% ା ସମ୍ପ୍ରତି ୫ ଜେଲ କାର୍ଯ୍ୟକାରୀ ହୋଇ ପାରିନାହିଁ। ସେଥିରୁ ଗଞ୍ଜାମ ଜିଲା ପାତ୍ରପୁର ସବ୍‌ଜେଲ ଫାଇଲିନ ବାତ୍ୟା ଯୋଗୁ ନଷ୍ଟ ହୋଇଥିବାବେଳେ ତାହା ଏବେ ମରାମତି ଚାଲିଛି। ସେହିପରି ରାୟଗଡ଼ା ଜିଲାର କାଶୀପୁର ସବ୍‌ଜେଲ ମ୍ୟାନ୍‌ପାୱାର ଅଭାବରୁ ବନ୍ଦ ପଡିଛି। କୋରାପୁଟ ଜିଲା ଲକ୍ଷ୍ମୀପୁର ସବ୍‌ଜେଲ୍‌ ଏବଂ ମାଲକାନଗିରି ସବ୍‌ଜେଲରେ ସିଆର୍‌ପିଏଫ୍‌ଙ୍କ ଶିବିର ଚାଲିଥିବାରୁ ତାହା କଏଦୀଙ୍କ ପାଇଁ ବନ୍ଦ ରହିଛି । ସୁନ୍ଦରଗଡ଼ ଜିଲା ରାଜଗାଙ୍ଗପୁର ସବ୍‌ଜେଲରେ ପାଣି ଅଭାବରୁ କଏଦୀମାନଙ୍କୁ ଗତ ୧୭ା୧ା୨୦୧୭ ତାରିଖରୁ ଅନ୍ୟତ୍ର ସ୍ଥାନାନ୍ତରଣ କରାଯାଇଛି ବୋଲି ରିପୋର୍ଟରେ ଦର୍ଶାଯାଇଛି। ଅନ୍ୟପକ୍ଷେ ଜେଲ୍‌ମାନଙ୍କରେ ୩୨୨ ନିର୍ବାହୀ ଅଧିକାରୀଙ୍କ ମଧ୍ୟରୁ ୮୦ ଏବଂ ୧୮୭୨ କର୍ମଚାରୀଙ୍କ ମଧ୍ୟରୁ ୪୦୨ ପଦବୀ ଖାଲି ପଡିଛି।

ହର୍ଷବର୍ଦ୍ଧନ ବେହେରା


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?