ଯନ୍ତ୍ରଣା ଦେଉଛି ଜାତୀୟ ରାଜପଥ

ଭୁବନ, ୨୩।୯(ଡି.ଏନ.ଏ.) ସୁବ୍ୟବସ୍ଥିତ ସଡ଼କପଥ ଉପରେ ନିର୍ଭର କରେ ଅଞ୍ଚଳର ବିକାଶ। ଆନ୍ତଃରାଜ୍ୟ ଏବଂ ଆନ୍ତଃଜିଲା ପରିବହନ ବ୍ୟବସ୍ଥାକୁ ଅଧିକ ସୁଦୃଢ଼ କରିବା ଲାଗି ଜାତୀୟ ରାଜପଥ (ଏନ୍‌ଏଚ୍‌)ର ଉନ୍ନତୀକରଣକୁ ସର୍ବଦା ଦିଆଯାଉଛି ପ୍ରାଥମିକତା। ରାସ୍ତା ସମ୍ପ୍ରସାରଣ, ଡ୍ରେନେଜ୍‌ ବ୍ୟବସ୍ଥା, ଆଲୋକୀକରଣ ବାବଦରେ ଖର୍ଚ୍ଚ ହେଉଛି ବିପୁଳ ଅର୍ଥ। ହେଲେ ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ (ଏନ୍‌ଏଚ୍‌ଏଆଇ)ଙ୍କ ଅବହେଳା ଯୋଗୁ ଢେଙ୍କାନାଳ ଜିଲା ଭୁବନ ସହର ଦେଇ ଯାଇଥିବା ୫୩ନଂ. ଏନ୍‌ଏଚ୍‌ର ୩ କି.ମି. ରାସ୍ତା ମରଣଯନ୍ତା ପାଲଟିଛି। ଖାଲଖମାରେ ଭର୍ତ୍ତି ଉକ୍ତ ରାସ୍ତାରେ ଦୁର୍ଘଟଣା ନିତିଦିନିଆ ହୋଇଥିବାବେଳେ ବର୍ଷାଦିନେ କାଦୁଅ ଏବଂ ଗ୍ରୀଷ୍ମରେ ଧୂଳିଧୂଅଁା ଜନଜୀବନକୁ ଅସ୍ତବ୍ୟସ୍ତ କରି ପକାଉଛି। ବାରମ୍ବାର ଦାବି ସତ୍ତ୍ୱେ ଏନ୍‌ଏଚ୍‌ଏଆଇ କିମ୍ବା ଏନ୍‌ଏସି କର୍ତ୍ତୃପକ୍ଷ ଏଥିପ୍ରତି ସାମାନ୍ୟତମ ଧ୍ୟାନ ଦେଉନାହାନ୍ତି। ଏହାକୁ ନେଇ ଅସନ୍ତୋଷ ତୀବ୍ର ହେଉଥିବାବେଳେ ଐତିହାସିକ ବଳଦଯାତ୍ରା ଏବଂ ଦଶହରା ପୂର୍ବରୁ ଏହାର ମରାମତି ଦିଗରେ ପଦକ୍ଷେପ ନିଆ ନ ଗଲେ ଆନ୍ଦୋଳନ ତୀବ୍ରତର କରାଯିବ ବୋଲି ଚେତାବନୀ ଦେଇଛନ୍ତି ଅଞ୍ଚଳବାସୀ ଏବଂ ବ୍ୟବସାୟୀ ସଂଘର କର୍ମକର୍ତ୍ତା।
ଭୁବନ ଏନ୍‌ଏସିର କଲେଜ ଛକ-ଦୁର୍ଗାବଜାର-କାଳୀବଜାର- ନୂଆଭୁବନ- ତହସିଲ କାର୍ଯ୍ୟାଳୟ ଦେଇ କୋର୍ଟ ଛକରେ ସଂଯୋଗ ହେଉଥିଲା ଏନ୍‌ଏଚ୍‌ ୫୩। ଏହି ରାସ୍ତା ଦେଇ ଦୈନିକ ହଜାର ହଜାର ଭାରିଯାନ, ଯାତ୍ରୀବାହୀ ବସ୍‌ ଚଳାଚଳ କରୁଥିଲା। କିନ୍ତୁ ସହର ମଧ୍ୟ ଦେଇ ଯାଇଥିବା ବ୍ୟସ୍ତ ବହୁଳ ସଡ଼କ ପଥରେ ଦୁର୍ଘଟଣା ବଢ଼ିବାରୁ ଅଞ୍ଚଳବାସୀଙ୍କ ଦାବି ଅନୁଯାୟୀ ନିର୍ମାଣ ହେଲା ବାଇପାସ୍‌। ଏବେ ଏନ୍‌ଏଚ୍‌ ୫୩ କଲେଜ ଛକ-କୋର୍ଟ ଛକ ଦେଇ ସିଧାସଳଖ କାମାକ୍ଷାନଗରକୁ ସଂଯୋଗ କରୁଛି। ଉକ୍ତ ରାସ୍ତାରେ ଅଧିକ ଯାନବାହନ ଚଳାଚଳ କରୁଛି। ହେଲେ ପୂର୍ବରୁ ସହର ଦେଇ ଯାଇଥିବା ଜାତୀୟ ରାଜପଥ ମରାମତି କରାଯାଉ ନ ଥିବାରୁ ଖାଲଖମାରେ ଭର୍ତ୍ତି ହୋଇ ଏହା ଶୋଚନୀୟ ହୋଇପଡ଼ିଛି। ବର୍ଷାଦିନେ ଗର୍ତ୍ତରେ ଆଣ୍ଠୁଏ ପାଣି ଜମି ରହିବା ଫଳରେ ଯାତାୟାତ ଅଧିକ ବିପଦସଙ୍କୁଳ ହେଉଛି। ଖରାଦିନେ କାଦୁଅ ସବୁ ଧୂଳିରେ ପରିଣତ ହୋଇ ଜନଜୀବନକୁ ଦୁର୍ବିଷହ କରିପକାଉଛି। ରାସ୍ତା ପାର୍ଶ୍ୱରେ ଶିକ୍ଷାନୁଷ୍ଠାନ, ସରକାରୀ, ବେସରକାରୀ କାର୍ଯ୍ୟାଳୟ, ଶତାଧିକ ବ୍ୟବସାୟିକ ପ୍ରତିଷ୍ଠାନ ରହିଛି। ତେଣୁ ଏହା ଉପରେ ଦୈନନ୍ଦିନ ଶତାଧିକ ଛାତ୍ରୀଛାତ୍ର, ବ୍ୟବସାୟୀ, ଜନସାଧାରଣ ନିର୍ଭର କରୁଛନ୍ତି। ଭାରିଯାନ, ବସ୍‌ ମଧ୍ୟ ଚଳାଚଳ କରୁଛି। ରାସ୍ତାରେ ସୃଷ୍ଟି ହୋଇଥିବା ଗର୍ତ୍ତରେ ପଡ଼ି ଅନେକ ସମୟରେ ସାଇକେଲ ଚାଳକ, ବାଇକ୍‌ ଚାଳକ ଦୁର୍ଘଟଣାର ଶିକାର ହେଉଛନ୍ତି। ଭାରସାମ୍ୟ ହରାଇ ଭାରିଯାନ ଓଲଟି ପଡ଼ିବା ନଜିର ରହିଛି। ଏ ନେଇ ଅଞ୍ଚଳବାସୀ ଜିଲାପାଳ, ଏନ୍‌ଏଚ୍‌ଏଆଇଙ୍କୁ ଅବଗତ କରାଇଥିଲେ ମଧ୍ୟ ସୁଫଳ ମିଳୁନାହିଁ। ରାସ୍ତାର ଉଭୟ ପାର୍ଶ୍ୱରେ ଥିବା ଡ୍ରେନ୍‌ ପୋତି ହୋଇଯାଇଥିବାରୁ ବର୍ଷାପାଣି, ନର୍ଦ୍ଦମାଜଳ ନିଷ୍କାସନ ହୋଇ ନ ପାରି ଘରେ ପଶୁଛି। ଆଗକୁ ଅଞ୍ଚଳର ଐତିହାସିକ ପର୍ବ ବଳଦଯାତ୍ରା ଏବଂ ପ୍ରସିଦ୍ଧ ଦଶହରା ପର୍ବ ଥିବାରୁ ରାସ୍ତା ମରାମତି ନ ହେଲେ ସମସ୍ୟା ବଢ଼ିବ। ତେଣୁ ଯୁଦ୍ଧକାଳୀନଭିତ୍ତିରେ ଅକ୍ଟୋବର ୧୫ ପୂର୍ବରୁ ଏନ୍‌ଏସି କର୍ତ୍ତୃପକ୍ଷ ଏବଂ ଏନ୍‌ଏଚ୍‌ଏଆଇ ସମନ୍ବୟ ରକ୍ଷା କରି ରାସ୍ତା ନିର୍ମାଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।

ଏନ୍‌ଏଚ୍‌ଏଆଇ ଗୁରୁତ୍ୱ ଦେଉନି
ବାଇପାସ୍‌ ନିର୍ମାଣ ହେବା ପରେ ଏନ୍‌ଏଚ୍‌ଏଆଇ କର୍ତ୍ତୃପକ୍ଷ ସହର ଦେଇ ଯାଇଥିବା ରାସ୍ତା ଉନ୍ନତୀକରଣ କଥା ଭୁଲିଯାଇଛନ୍ତି। ଏହାକୁ ରାଜ୍ୟ ସରକାରଙ୍କୁ ହସ୍ତାନ୍ତର କରାଯାଉନାହିଁ। ପୂର୍ବରୁ ଏନ୍‌ଏଚ୍‌ କାର୍ଯ୍ୟରେ ନିୟୋଜିତ ଠିକାସଂସ୍ଥା ଏହାକୁ ମରାମତି କରୁଥିଲା। ଏବେ ସେତକ ବି ହୋଇପାରୁନି। ଏଥିପ୍ରତି ଗୁରୁତ୍ୱ ନ ଦେଲେ ଆନ୍ଦୋଳନ କରାଯିବ।
-ସମୀର କୁମାର ସାହୁ, କାଳୀବଜାର ବଣିକ ସଂଘ ସଭାପତି

ଜିଲାପାଳଙ୍କୁ ଅବଗତ କରାଯାଇଛି
ଭୁବନ ସହର ଦେଇ ଯାଇଥିବା ଜାତୀୟ ରାଜପଥ ୫୩ର ମରାମତି ପାଇଁ ଜିଲାପାଳଙ୍କ ଦୃଷ୍ଟି ଆକର୍ଷଣ କରାଯାଇଛି। ଖୁବ୍‌ଶୀଘ୍ର ଏହାର ମରାମତି କରାଯିବ। ସେହିପରି ଡ୍ରେନେଜ୍‌ ସମସ୍ୟାର ସମାଧାନ ପାଇଁ ୧୫ ଓ୍ବାର୍ଡରେ ୧୫ ଜଣଙ୍କୁ ନିଯୁକ୍ତି ଦିଆଯାଇଛି। ସେମାନେ କ୍ଷେତ୍ର ପରିଦର୍ଶନ କରି ରିପୋର୍ଟ ଦାଖଲ କରିବା ପରେ ପରବର୍ତ୍ତୀ ପଦକ୍ଷେପ ନିଆଯିବ।
-ଦୁର୍ଯ୍ୟୋଧନ ସାହୁ, ଏନ୍‌ଏସି ନିର୍ବାହୀ ଅଧିକାରୀ

ଠିକାସଂସ୍ଥା ସହାୟତାରେ ମରାମତି କରାଯିବ
ଶୋଚନୀୟ ହୋଇପଡ଼ିଥିବା ଏନ୍‌ଏଚ୍‌ ୫୩ର ମରାମତି କରିବା ଲାଗି ଅଭିଯୋଗପତ୍ର ମିଳିଛି। ଏ ସଂକ୍ରାନ୍ତରେ ଜିଲାପାଳଙ୍କୁ ଅବଗତ କରାଯାଇଥିଲା। ଜିଲାପାଳ ଆସି ବ୍ୟକ୍ତିଗତ ଭାବେ ତଦାରଖ କରି ଯାଇଛନ୍ତି। ଜାତୀୟ ରାଜପଥ ନିର୍ମାଣ ଦାୟିତ୍ୱରେ ଥିବା ଠିକାସଂସ୍ଥା ସହାୟତାରେ ଏହାର ମରାମତି କରିବା ଲାଗି ଆବଶ୍ୟକ ପଦକ୍ଷେପ ନିଆଯିବ।
-ଜ୍ୟୋତିଶଙ୍କର ସାହୁ, ଉପଜିଲାପାଳ


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ମାଡ଼ି ଆସୁଛି ବାତ୍ୟା: ହାଇ ଆଲର୍ଟରେ ରାଜ୍ୟ ପ୍ରଶାସନ,୨୪ ଘଣ୍ଟିଆ ଡ୍ୟୁଟିରେ ୧୦ ବରିଷ୍ଠ IAS ଅଧିକାରୀ

ଭୁବନେଶ୍ୱର,୧୮ା୧୧: ସମ୍ଭାବ୍ୟ ବାତ୍ୟା ‘ଅକ୍ୱାନ’ର ସଫଳ ମୁକାବିଲା ତଥା ଜରୁରୀକାଳୀନ ପରିସ୍ଥିତିକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ପକ୍ଷରୁ ତ୍ୱରିତ ପଦକ୍ଷେପ ଗ୍ରହଣ କରାଯାଇଛି । ପରିସ୍ଥିତି…

ଧାର୍ମିକ ପୀଠରେ ଆକ୍ରମଣ ମାମଲା: କେନ୍ଦୁଝରରେ ଆଦିବାସୀଙ୍କ ବିଶାଳ ପ୍ରତିବାଦ

କେନ୍ଦୁଝର,୧୮।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ଘସିପୁରା ଥାନା ଅଧୀନ ବସନ୍ତପୁର ଗ୍ରାମରେ ଆଦିବାସୀଙ୍କ ପବିତ୍ର ଧାର୍ମିକ ପୀଠ ଜାହେରାରେ ଆକ୍ରମଣ ଓ ଭଙ୍ଗାରୁଜା ଘଟଣାର ପ୍ରତିବାଦ…

ଚାଷୀ ପ୍ରଶିକ୍ଷଣ ପାଇଁ ଆସିଥିବା ୨୫ ଲକ୍ଷ ଟଙ୍କା ହଡ଼ପ ଅଭିଯୋଗ, ଭିଜିଲାନ୍ସ ହେପାଜତରେ ୨ ଅଧିକାରୀ

ବାଲେଶ୍ୱର,୧୮ା୧୧(ମୃତ୍ୟୁଞ୍ଜୟ ପଟ୍ଟନାୟକ): ସରକାରୀ ଟଙ୍କା ହେରଫେର୍‌ ମାମଲାରେ ବାଲେଶ୍ୱର ଜିଲା କୃଷି ବିଭାଗର ପୂର୍ବତନ ଉପନିର୍ଦ୍ଦେଶକ ସରୋଜ କୁମାର ଗିରି ଓ ଏନ୍‌ଜିଓ ନିର୍ଦ୍ଦେଶକ ତୁଷାର କାନ୍ତ…

ଖୋର୍ଦ୍ଧାରେ ୨ ଦିନ ସମସ୍ତ ସ୍କୁଲ ଛୁଟି

ଖୋର୍ଦ୍ଧା,୧୮ା୧୧(ପ୍ରଭାତ ପାଣିଗ୍ରାହୀ): ବାତ୍ୟା ‘ଅକ୍ୱାନ’ ପ୍ରଭାବରେ ରାଜ୍ୟରେ ୧୭ରୁ ୨୩ ନଭେମ୍ବର ମଧ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେବାର ପାଣିପାଗ ପୂର୍ବାନୁମାନକୁ ଦୃଷ୍ଟିରେ ରଖି ଖୋର୍ଦ୍ଧା…

ଏହି ଜିଲାରେ ୩ ଦିନ ସମସ୍ତ ଶିକ୍ଷାନୁଷ୍ଠାନ ବନ୍ଦ

ଛତ୍ରପୁର,୧୮ା୧୧(ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ପ୍ରଭାବରେ ଗଞ୍ଜାମ ଜିଲାରେ ପ୍ରବଳରୁ ଅତି ପ୍ରବଳ ବର୍ଷା ଆଶଙ୍କା ଥିବାରୁ ଜିଲା ପ୍ରଶାସନ ପକ୍ଷରୁ ଆଗୁଆ ସତର୍କତାମୂଳକ ପଦକ୍ଷେପ…

ଅଚାନକ ଡହ ଜଳଭଣ୍ଡାରରେ ପହଞ୍ଚିଲେ ଆର୍‌ଡିସି ବିଜୟ ଅମୃତା କୁଲାଙ୍ଗେ, ସ୍ଥିତି ସମୀକ୍ଷା କରି…

ଭଞ୍ଜନଗର,୧୮ା୧୧(ବାବୁଲା ପ୍ରଧାନ): ଗଞ୍ଜାମ ଜିଲାବାସୀ ଗତବନ୍ୟାରୁ ମୁକୁଳି ନ ଥିବାବେଳେ ପୁଣି ଏକ ସମ୍ଭାବ୍ୟ ବାତ୍ୟା ଆଶଙ୍କା ସୃଷ୍ଟି ହୋଇଛି। ଆସନ୍ତା ୧୯ ଓ ୨୦ ତାରିଖ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?