ଝାରସୁଗୁଡ଼ା ଅଫିସ,୧୪ା୬: ଝାରସୁଗୁଡ଼ା ଜିଲା କୋଲାବିରା ଥାନା ଅନ୍ତର୍ଗତ ୪୯ନଂ. ଜାତୀୟ ରାଜପଥ ସନ୍ୟାସୀପାଲି ଛକରେ ସୋମବାର ଏକ ଟ୍ୟାଙ୍କର ଧକ୍କାରେ ଜଣେ ବାଇକ୍ ଚାଳକଙ୍କ ମୃତ୍ୟୁ ହୋଇଛି। ସେ ହେଲେ ସନ୍ୟାସୀପାଲି ଗ୍ରାମର ଦୀନବନ୍ଧୁ ମାଝି (୫୦)। ସ୍ଥାନୀୟ ଲୋକେ କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ କରିଥିଲେ। ଫଳରେ ରାସ୍ତାର ଉଭୟ ପାର୍ଶ୍ୱରେ ଯାନବାହନ ଅଟକି ରହିଥିଲା। ଖବରପାଇ ମାଜିଷ୍ଟ୍ରେଟ୍ ଅତିରିକ୍ତ ତହସିଲଦାର ଜେ. କେର୍କେଟା, କୋଲାବିରା ଥାନା ଆଇଆଇସି ସୁକୁମାର ତ୍ରିପାଠୀ, ଏଏସ୍ଆଇ ପ୍ରହ୍ଲାଦ ପ୍ରଧାନ ପ୍ରମୁଖ ପହଞ୍ଚତ୍ ଆନ୍ଦୋଳନକାରୀଙ୍କୁ ବୁଝାଶୁଝା କରିଥିଲେ ା କ୍ଷତିପୂରଣ ବାବଦକୁ ଜିଲା ରେଡ୍କ୍ରସ୍ ପାଣ୍ଠିରୁ ୧୦ହଜାର ଟଙ୍କା ପ୍ରଦାନ ପାଇଁ ମାଜିଷ୍ଟ୍ରେଟ୍ ପ୍ରତିଶ୍ରୁତି ଦେଇଥିଲେ। ଏହା ବାଦ୍ ଅଧିକ କ୍ଷତିପୂରଣ ପାଇଁ ଦୁର୍ଘଟଣା ଘଟାଇଥିବା ଟ୍ୟାଙ୍କର ମାଲିକଙ୍କ ସହିତ ଆଲୋଚନା କରିବାକୁ କହିବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏ ନେଇ ମୃତକଙ୍କ ପୁଅ ଦୀପକ କୋଲାବିରା ଥାନାରେ ଲିଖିତ ଅଭିଯୋଗ ପରେ ପୋଲିସ କେସ୍ (ନଂ୭୪/୨୧)ରେ ମାମଲା ରୁଜୁ କରିଛି। ଦୁର୍ଘଟଣା ଗ୍ରସ୍ତ ଓଆର୍୦୨ବିଜି-୫୮୧୯ ତେଲ ଟ୍ୟାଙ୍କର ଓ ଓଡି୨୩-୩୨୧୨ନଂ ବାଇକ୍କୁ ପୋଲିସ ଜବତ କରିଛି। ଦୀନବନ୍ଧୁ ଗାଁରୁ ସନ୍ୟାସୀପାଲି ଛକକୁ ଆସୁଥିବା ବେଳେ କୁଚିଣ୍ଡାରୁ କୋଲାବିରା ଯାଉଥିବା ଖାଲି ତେଲ ଟ୍ୟାଙ୍କର ବାଇକ୍କୁ ଧକ୍କା ଦେଇଥିଲା। ଦୁର୍ଘଟଣା ପରେ ଟ୍ୟାଙ୍କର ଚାଳକ ଫେରାର ହୋଇଯାଇଛନ୍ତି।
