ଦୁନିଆର ସବୁଠାରୁ ମହଙ୍ଗା ପାଣି। କେବେ ଭାବିଛନ୍ତି କି ପାଣି ବୋତଲର ମୂଲ୍ୟ ମଧ୍ୟ ଲକ୍ଷ ଲକ୍ଷ ଟଙ୍କା ହୋଇପାରେ। ଦୁନିଆରେ ଏମିତି ଏକ ପାଣି ବୋତଲ ଅଛି ଯାହାର ଦାମ୍ରେ ୨ ବିଏଚକେ ଫ୍ଲାଟ ଏତେ ବଡ ସହରରେ କିଣାଯାଇପାରିବ। ଦୁନିଆର ଏହି ମହଙ୍ଗା ଜଳର ନାମ ହେଉଛି ଆକ୍ୱା ଡି କ୍ରିଷ୍ଟାଲୋ ଟ୍ରିବୁଟୋ ଏ ମୋଡିଗ୍ଲିୟାନି। ଏହାର ଗୋଟିଏ ପାଣି ବୋତଲର ମୂଲ୍ୟ ୪୫ ଲକ୍ଷ ଟଙ୍କା। ଏହି ବୋତଲରେ ସମ୍ପୂର୍ଣ୍ଣ ୧ ଲିଟର ପାଣି ମଧ୍ୟ ନାହିଁ । ବରଂ ଏହି ବୋତଲରେ କେବଳ ୭୫୦ ମିଲି ପାଣି ଆସିଥାଏ । ଆକ୍ୱା ଡି କ୍ରିଷ୍ଟେଲୋ ଟ୍ରିବୁଟୋ ଏ ମୋଡିଗ୍ଲିଆନି ଜଳର ଏକ ବୋତଲର ମୂଲ୍ୟ ୬୦,୦୦୦ ଡଲାର ଅର୍ଥାତ୍ ୪୫ ଲକ୍ଷରୁ ଅଧିକ। ଏହି ଜଳ ଫ୍ରାନ୍ସ ଏବଂ ଫିଜିର ଏକ ପ୍ରାକୃତିକ ସ୍ରୋତରୁ ଆସିଥାଏ ।
ଏହି ପାଣି ବୋତଲ ପଛରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେବାର ଅନେକ କାରଣ ଅଛି। ଏହାର ଏକ କାରଣ ହେଉଛି ଏହାର ସ୍ବତନ୍ତ୍ର ବୋତଲ, ଯାହା ୨୪ କ୍ୟାରେଟ ସୁନାରେ ନିର୍ମିତ। ଏହି ବୋତଲକୁ ଦୁନିଆର ସବୁଠାରୁ ପ୍ରସିଦ୍ଧ ବୋତଲ ଡିଜାଇନର୍ ଫର୍ନାଣ୍ଡୋ ଆଲ୍ଟାମିରାନୋ ଡିଜାଇନ କରିଛନ୍ତି। ସେ ଦୁନିଆର ସବୁଠୁ ଦାମୀ ବୋତଲ କଗନାକ ଡୁଡୋଗନ ହେରିଟେଜ ହେନେରୀ ଚତୁର୍ଥକୁ ମଧ୍ୟ ଡିଜାଇନ କରିଥିଲେ। ବୋତଲ ବ୍ୟତୀତ ଏହି ଜଳର ସ୍ବାଦ ମଧ୍ୟ ଅଲଗା ଏବଂ ଏହା ସାଧାରଣ ଜଳ ଅପେକ୍ଷା ଅନେକ ଗୁଣ ଅଧିକ ଶକ୍ତି ଦେଇଥାଏ।
