କର୍ଲାମୁଣ୍ଡା,୨୨ା୪(ଡି.ଏନ୍.ଏ.): ଭାରତ ସରକାରଙ୍କ ପଞ୍ଚାୟତିରାଜ ମନ୍ତ୍ରଣାଳୟ ପକ୍ଷରୁ ଦୀନଦୟାଲ ଉପାଧ୍ୟାୟ ପଞ୍ଚାୟତ ସଶକ୍ତିକରଣ ପୁରସ୍କାର ଘୋଷଣା କରାଯାଇଛି। ଏଥିରେ ୨୦୨୦-୨୧ ବର୍ଷ ନିମନ୍ତେ ଓଡ଼ିଶାର ୮ ଜିଲାରୁ ୧୪ଟି ବ୍ଲକ ପୁରସ୍କୃତ ହେବା ପାଇଁ ମନୋନୀତ ହୋଇଛନ୍ତି। ଏହି ମର୍ମରେ କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଉକ୍ତ ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇଛି। ଏହି ଖବର ମିଳିବା ପରେ ବ୍ଲକ ପ୍ରଶାସନକୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି। ତେବେ ଆସନ୍ତା ୨୪ ତାରିଖ ଜାତୀୟ ପଞ୍ଚାୟତିରାଜ ଦିବସରେ ତଥା ସ୍ବାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଆୟୋଜିତ ଆଜାଦି ବା ଅମୃତ ମହୋତ୍ସବ ପରିପ୍ରେକ୍ଷୀରେଏହି ପୁରସ୍କାର ପ୍ରଦାନ କରାଯିବ ବୋଲି ସୂଚନା ଦିଆଯାଇଛି।
ସୂଚନାଯୋଗ୍ୟ, ପଞ୍ଚାୟତିରାଜ ବ୍ୟବସ୍ଥାରେ ଉତ୍ତମ ସେବା ପାଇଁ ଏହି ପୁରସ୍କାର ପ୍ରଦାନ କରାଯାଇଥାଏ।
