ବାଲେଶ୍ୱର ଅଫିସ, ୧।୩ – ବାଲେଶ୍ୱର ଫକୀର ମୋହନ ବିଶ୍ୱବିଦ୍ୟାଳୟ ଆନୁକୂଲ୍ୟରେ ସୋମବାର ଜାତୀୟ ବିଜ୍ଞାନଦିବସ ପାଳିତ ହୋଇଯାଇଛି। ମୁଖ୍ୟଅତିଥି ଭାବେ ଫକୀରମୋହନ ବିଶ୍ୱବିଦ୍ୟାଳୟ ପୂର୍ବତନ କୁଳପତି ପ୍ରଫେସର ମଧୁମିତା ଦାସ ଯୋଗଦେଇ ଆଧୁନିକ ପୃଥିବୀରେ ସମ୍ପ୍ରତି ବୈଜ୍ଞାନିକମାନଙ୍କର ଅଭାବ ନାହଁି, କିନ୍ତୁ ବିଜ୍ଞାନକୁ ବିଶ୍ୱର କଲ୍ୟାଣକର ପରିସ୍ଥିତି ଉଦ୍ଦେଶ୍ୟରେ ଉପଯୋଗ କରିବାର ବିଜ୍ଞାନୀ ମନସ୍କଙ୍କ ଅଭାବ ଲକ୍ଷ୍ୟ କରାଯାଉଛି। ହରିତ୍ ପୃଥିବୀ ନିର୍ମାଣ ବିଜ୍ଞାନ ଦିବସର ପ୍ରତିଶ୍ରୁତି ହେଉ ବୋଲି ମତ ଦେଇଥିଲେ।
ଭାବେ ଡା. ଚୌଧୁରୀ ସତ୍ୟବ୍ରତ ନନ୍ଦ ଯୋଗଦେଇ ବିଜ୍ଞାନ ଏବଂ ପ୍ରକୃତି କିପରି ପରସ୍ପର ପରିପୂରକ ତାହା ଦର୍ଶାଇ ଜିଜ୍ଞାସୁ ମନୋବୃତ୍ତି ଜଣେ ସାଧାରଣ ମନୁଷ୍ୟକୁ ସୁଦ୍ଧା ବୈଜ୍ଞାନିକର ସ୍ତରକୁ ଉନ୍ନୀତ ହେବାରେ ସହାୟକ ହୋଇଥାଏ ବୋଲି କହିଥିଲେ। ସମ୍ମାନିତ ଅତିଥି ଭାବେ ଉତ୍କଳ ବିଶ୍ୱବିଦ୍ୟାଳୟ ପ୍ରାଣୀ ବିଜ୍ଞାନ ବିଭାଗ ଅବସରପ୍ରାପ୍ତ ପ୍ରଫେସର ଭିକାରୀ ଚରଣ ଗୁରୁ ଯୋଗଦେଇ ବିଜ୍ଞାନ ଅନୁସନ୍ଧିତ୍ସୁ ମନ ନେଇ ନିରନ୍ତର ସାଧନା ଓ ପ୍ରୟୋଗର ବିଷୟ। ସମ୍ପ୍ରତି ମନୁଷ୍ୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟାରେ ପାରଦର୍ଶିତା ଲାଭ କରି ଉନ୍ନତିର ଚରମ ସୋପାନ ଆରୋହଣ କରିଛି ବୋଲି ଯେତେ ସାବ୍ୟସ୍ତ କଲେ ମଧ୍ୟ ପ୍ରକୃତିର ଶକ୍ତି ଉପରେ ସିଏ କେବେ ବିଜୟଲାଭ କରିପାରିବ ନାହଁି। ବରଂ ମାଟି, ପାଣି, ପବନ ଆଦି ପ୍ରାକୃତିକ ଉପାଦାନର ସୁରକ୍ଷା ନିମିତ୍ତ ପ୍ରତିଟି ମନୁଷ୍ୟ ବିଶେଷତଃ ଶିକ୍ଷିତ ମନୁଷ୍ୟ ପ୍ରତିଶ୍ରୁତିବଦ୍ଧ ହୋଇପାରିଲେ ପୃଥିବୀରେ ଏକ ସୁସ୍ଥ ଓ ସୁନ୍ଦର ଜୀବନ ବଞ୍ଚତ୍ବା ସମ୍ଭବ ହୋଇପାରିବ ବୋଲି ମତବ୍ୟକ୍ତ କରିଥିଲେ। ସ୍ନାତକୋତ୍ତର ପରିଷଦ ଅଧ୍ୟକ୍ଷ ପ୍ରଫେସର ମୁନେଶ ଚନ୍ଦ୍ର ଅଧିକାରୀ ଜାତୀୟ ବିଜ୍ଞାନ ଦିବସର ମୁଖ୍ୟ ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କ ଉପସ୍ଥାପନା କରିଥିଲେ। କୁଳପତି ପ୍ରଫେସର ସନ୍ତୋଷ କୁମାର ତ୍ରିପାଠୀ, ପଦାର୍ଥ ବିଜ୍ଞାନ ଓ କ୍ଷେପଣାସ୍ତ୍ର ବିଭାଗର ବିଭାଗ ମୁଖ୍ୟ ଡ. ସନ୍ତୋଷ ଅଗ୍ରୱାଲା, ଅଧ୍ୟାପକ ଡ. ବିବେକାନନ୍ଦ ନାୟକ ପ୍ରମୁଖ ବକ୍ତବ୍ୟ ରଖିଥିଲେ। ଏହି ପରିପ୍ରେକ୍ଷୀରେ ପ୍ରତିଟି ବିଜ୍ଞାନ ବିଭାଗରେ ସର୍ବୋଚ୍ଚ ନମ୍ବର ରଖି ଶ୍ରେଷ୍ଠ ବିବେଚିତ ହୋଇଥିବା ଜଣେ ଲେଖାଏଁ ବିଦ୍ୟାର୍ଥୀଙ୍କୁ ସମ୍ମାନିତ କରାଯାଇଥିଲା। ଏଥିସହିତ ବିଜ୍ଞାନ ବିଭାଗର ଛାତ୍ରୀଛାତ୍ରମାନଙ୍କ ଦ୍ୱାରା ବିଶ୍ୱବିଦ୍ୟାଳୟ ପରିସରରେ ଏକ ବିଜ୍ଞାନ ମେଳା ଆୟୋଜିତ ହୋଇଥିଲା। ଏଥିରେ ଅନୁସନ୍ଧିତ୍ସୁ ଓ ଗବେଷକ ବିଦ୍ୟାର୍ଥୀମାନେ ଅଂଶଗ୍ରହଣ କରି ନିଜ ନିଜର ପ୍ରକଳ୍ପ ଉପସ୍ଥାପନା କରିଥିଲେ।
