ନ୍ୟୁଜିଲାଣ୍ଡ୍ର ଗ୍ଲେସିଅର ଅଧାରୁ ଅଧିକ ତରଳି ସାରିଲାଣି। ଯେଉଁଠି ଓସ୍କାର ବିଜେତା ହଲିଉଡ୍ ଫିଲ୍ମ ‘ଲଡ୍ ଅଫ୍ ଦ ରିଙ୍ଗ୍ସ’ ଏବଂ ‘ହବିଟ୍’ ଶୁଟିଂ ହୋଇଥିଲା। ଏହି ଗ୍ଲେସିଅର ନ୍ୟୁଜିଲାଣ୍ଡ୍ର ଦକ୍ଷିଣ ଗୋଲାର୍ଦ୍ଧରେ ଅବସ୍ଥିତ। ବିଶ୍ୱ ତାପମାତ୍ରା ଏବଂ ଜଳବାୟୁ ପରିବର୍ତ୍ତନ ଯୋଗୁ ଏହା ଘଟିଛି। ପ୍ରାୟ ୭୮ ବର୍ଗ କିଲୋମିଟର ପର୍ଯ୍ୟନ୍ତ ଏହି ବରଫ ତରଳି ଯାଇଛି।
ଲିଡ୍ସ ବିଶ୍ୱବିଦ୍ୟାଳୟର ଏକ ଟିମ୍ କରିଥିବା ଅନୁସନ୍ଧାନରୁ ଜଣାପଡ଼ିଛି ଯେ, ଗତ ୪୦୦ ବର୍ଷ ମଧ୍ୟରେ ଏଠାରୁ ୬୨ ପ୍ରତିଶତରୁ ଅଧିକ ବରଫ ତରଳି ସାରିଲାଣି। ଏହି ଟିମ୍ର ଗବେଷକ ଡ. ଜୋନାଥନ କାରିଭିକ୍ କୁହନ୍ତି, ଏହା ଅତ୍ୟନ୍ତ ଆଶ୍ଚର୍ଯ୍ୟଜନକ ଘଟଣା। ସବୁଠୁ ଆଶ୍ଚର୍ଯ୍ୟର କଥା ହେଲା ଏହା ନିକଟରେ ଆଣ୍ଟାର୍କଟିକା ରହିଛି। ଏଠାରୁ ଗତ ୪୦୦ ବର୍ଷ ମଧ୍ୟରେ ୧୧ ପ୍ରତିଶତ ବରଫ ତରଳିଯାଇଛି। କେବଳ ବିଶ୍ୱ ତାପମାତ୍ରା ଏବଂ ଜଳବାୟୁ ପରିବର୍ତ୍ତନ ଯୋଗୁ ହିଁ ଏହା ଘଟୁଛି। ଏହା ସବୁଠୁ ଉଚ୍ଚ ପର୍ବତ। ଏହା ସମୁଦ୍ର ପତ୍ତନଠାରୁ ୧୨,୨୧୮ ଫୁଟ ଉଚ୍ଚରେ ରହିଛି। କିନ୍ତୁ ଏତେ ଉଚ୍ଚତା ବିଶିଷ୍ଟ ହୋଇ ମଧ୍ୟ ବରଫ ତରଳିବାରେ ଲାଗିଲା। ଏଠାରୁ ବହୁତ ବରଫ ତରଳି ସାରିଲାଣି।
ଜୋନାଥନ୍ କାରିଭିକ୍ କହିଛନ୍ତି, ଆମେ ୩ ଥର ଏହା ଉପରେ ଅଧ୍ୟୟନ କରିସାରିଛୁ। ପ୍ରଥମ ୧୬୦୦ରୁ ୧୯୭୮, ୧୯୭୮ରୁ ୨୦୦୯ ଏବଂ ୨୦୦୯ରୁ ୨୦୧୯ ପର୍ଯ୍ୟନ୍ତ। ଯେତେବେଳେ ବୈଜ୍ଞାନିକମାନେ ସେମାନଙ୍କର ତଥ୍ୟ ଦେଲେ ଦେଖାଗଲା ବରଫ ତରଳିବା ଦୁଇଗୁଣ ବଢ଼ିଯାଇଛି। ଗତ ୪୦ ବର୍ଷ ମଧ୍ୟରେ ଏହା ଦ୍ରୁତ ଗତିରେ ତରଳୁଛି।
