ଜାମାଇକା,୧୯।୩: ୱେଷ୍ଟଇଣ୍ଡିଜ୍ର ପୂର୍ବତନ ଅଧିନାୟକ ଭିଭିଆନ ରିଚାର୍ଡସ, କ୍ରିସ ଗେଲଙ୍କ ସମେତ ପୂର୍ବତନ କ୍ରିକେଟରମାନେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସାରେ ପୋତି ପକାଇଛନ୍ତି। ଭାରତ ସରକାର କାରିବିଆନ ଦେଶକୁ କରୋନା ଟିକା ପ୍ରଦାନ କରିଥିବାରୁ ମୋଦିକୁ ଧନ୍ୟବାଦ ଜଣାଇଛନ୍ତି। କରୋନା ବିରୋଧରେ ଏହି ଅଭିଯାନରେ ଭାରତ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। ‘ଭ୍ୟାକ୍ସିନ ଫ୍ରେଣ୍ଡସିପ’ ଅଭିଯାନ ଅଧୀନରେ ସ୍ବଦେଶୀ କରୋନା ଟିକା ବିତରଣରେ ନିୟୋଜିତ ଅଛି। ଏହି ଅଭିଯାନ ଅଧୀନରେ ଭାରତ ଭୁଟାନ, ମାଲଦ୍ୱୀପ, ମରିସସ, ବାହାରିନ, ନେପାଳ, ବାଂଲାଦେଶ, ମିଆଁମାର ଏବଂ ଶ୍ରୀଲଙ୍କା ଭଳି ଅନେକ ଦେଶକୁ ନିଜ ଦେଶରେ ପ୍ରସ୍ତୁତ କରୋନା ଟିକା ଦେଇଛି।
କ୍ରିକେଟ ଜଗତରେ ‘ୟୁନିଭର୍ସ ବସ’ ଭାବରେ ଜଣାଶୁଣା ୱେଷ୍ଟଇଣ୍ଡିଜ ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ ଗେଲ ନରେନ୍ଦ୍ର ମୋଦିଙ୍କୁ ଭାରତ ସରକାର କାରିବିଆନ ଦେଶଗୁଡିକରେ କରୋନା ଟିକା ପ୍ରଦାନ କରିଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି। ସେ ଏକ ଭିଡିଓ ବାର୍ତ୍ତାରେ କହିଛନ୍ତି ଯେ କରୋନା ଟିକା ଦେଇଥିବାରୁ ମୁଁ ଭାରତ ସରକାର, ମୋଦି ଏବଂ ଭାରତବାସୀଙ୍କୁ ଧନ୍ୟବାଦ ଦେବାକୁ ଚାହୁଁଛି। ଆମେ ଏହାକୁ ପ୍ରଶଂସା କରୁଛୁ।
