ମେଗାଷ୍ଟାର ଚିରଞ୍ଜୀବୀ ଆଜି ୫୬ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ସେ ତାଙ୍କ ଆଗାମୀ ଚଳଚ୍ଚିତ୍ରର ନାଁ ଘୋଷଣା କରିଛନ୍ତି। ଚିରୁ ୧୫୩ ନାମକ ତେଲୁଗୁ ଚଳଚ୍ଚିତ୍ରରେ ଗଡଫାଦର ଭାବରେ ନଜର ଆସିବେ ଚିରଞ୍ଜୀବୀ। ଏହା ୨୦୧୯ ମାଲାୟାଲମ ଆକ୍ସନ ଫିଲ୍ମ ‘ଲୁସିଫର୍’ର ରିମେକ। ଏହି ଫିଲ୍ମକୁ ପୃଥ୍ବୀରାଜ ସୁକୁମାରନ ନିର୍ଦ୍ଦେଶନା ଦେଇଥିଲେ। ଫିଲ୍ମର ପ୍ରଥମ ପୋଷ୍ଟର ମଧ୍ୟ ଟାଇଟଲ ସହିତ ସାମ୍ନାକୁ ଆସିଛି। ପୋଷ୍ଟରରେ ଏକ କ୍ୟାପ ପିନ୍ଧିଥିବା ବ୍ୟକ୍ତିଙ୍କ ଛାଇ ଛବି ଦେଖିପାରିବେ। ଏହି ଫିଲ୍ମଟି ପୁରସ୍କାର ବିଜେତା ମୋହନ ରାଜାଙ୍କ ଦ୍ୱାରା ନିର୍ଦ୍ଦେଶିତ ହୋଇଛି।
ଚିରଞ୍ଜୀବୀ ୨୨ ଅଗଷ୍ଟ ୧୯୫୫ ରେ ଆନ୍ଧ୍ରପ୍ରଦେଶର ମୋଗାଲାଥୁରରେ ଜନ୍ମଗ୍ରହଣ କରିଥିଲେ ଏବଂ ତାଙ୍କର ପ୍ରକୃତ ନାମ ହେଉଛି କୋନିଡେଲା ଶିବ ଶଙ୍କର ଭରା ପ୍ରସାଦ। ଚିରଞ୍ଜୀବୀ୧୯୮୦ରେ ସୁରେଖାଙ୍କୁ ବିବାହ କରିଥିଲେ, ଯାହାଙ୍କ ସହିତ ତାଙ୍କର ତିନୋଟି ସନ୍ତାନ ଅଛନ୍ତି। ଏହାର ଏକ ପୁଅ ରାମ ଚରଣ ତେଜା ଅଛନ୍ତି। ରାମ ଚରଣ ଦକ୍ଷିଣ ସିନେମାର ଜଣେ ଜଣାଶୁଣା କଳାକାର।
