ବାଲିକୁଦା,୨୩ା୯ (ତାପସ ସ୍ବାଇଁ): ବାଲିକୁଦା ବ୍ଲକ ଶିକ୍ଷା ଅଧୀନରେ ଥିବା ଅନନ୍ତପୁର ପଞ୍ଚାୟତ କେଉପଡ଼ା ଗ୍ରାମରେ ଥିବା ସରକାରୀ ପ୍ରାଥମିକ ବିଦ୍ୟାଳୟକୁ ଯାତାୟାତ କରିବା କଷ୍ଠକର ହେଉଛି। ମୁଖ୍ୟ ରାସ୍ତାକୁ ସେହି ଗ୍ରାମର ଦେବେନ୍ଦ୍ର ସେଠୀ ଓ ଟୁକୁନା ସେଠୀ ଜବରଦଖଲ ପୂର୍ବକ ରାସ୍ତାରେ ବାଡ଼ ପୋତିଛନ୍ତି। ଫଳରେ ବିଦ୍ୟାଳୟର ଛାତ୍ରୀଛାତ୍ର ରାସ୍ତା ଉପରେ ବସିଥିବା ଦେଖିବାକୁ ମିଳିଥିଲା। ସୂଚନା ଅନୁଯାୟୀ ଏହି ବିଦ୍ୟାଳୟରେ ୨୬ଜଣ ଛାତ୍ରୀଛାତ୍ର ଅଧ୍ୟୟନ କରୁଥିବା ବେଳେ ପ୍ରଧାନ ଶିକ୍ଷୟିତ୍ରୀ ଭାବେ ଯାଜନିକା ସାହୁ ଓ ସହକାରୀ ଶିକ୍ଷକ ଭାବେ ପରୀକ୍ଷିତ ପ୍ରଧାନ ପିଲାମାନଙ୍କୁ ଶିକ୍ଷା ପ୍ରଦାନ କରିଥାନ୍ତି। ବିଦ୍ୟାଳୟକୁ ଆସିବା ସମୟରେ ରାସ୍ତାରେ ବାଉଁଶ ବାଡ଼ ଦିଆଯାଇଥିବା ପିଲା ଦେଖିବାକୁ ପାଇଥିଲେ। ଶିକ୍ଷକ ଏଣୁ ଉକ୍ତ କାରଣ ସମ୍ପର୍କରେ ପଚାରିବାରୁ ଉକ୍ତ ଗ୍ରାମର ଦେବେନ୍ଦ୍ର, ତାଙ୍କ ଭାଇ ଟୁକୁନା ସେଠୀ ସେହି ଜାଗାଟି ଆମର ଓ ସରକାର ଏହାର କାଗଜପତ୍ର ଆମ ନାମରେ କରିଛନ୍ତି। ଏଣୁ ଆମେ ଉକ୍ତ ରାସ୍ତାକୁ ଅବରୋଧ କରିଛୁ। ଯଦି କେହି ଉକ୍ତ ବାଡକୁ ଭାଙ୍ଗିବାକୁ ଚେଷ୍ଟା କରେ ତେବେ ତା’ ନାମରେ ଆମେ ଥାନାରେ ଅଭିଯୋଗ କରିବୁ ବୋଲି ଧମକାଇ ଥିଲେ। ଏପରିକି ଉକ୍ତ ରାସ୍ତାର ଗତିବିଧି ଲକ୍ଷ୍ୟ ରଖିବା ପାଇଁ ଏକ ସିସିଟିଭି କ୍ୟାମେରା ଲଗାଇ ଘରେ ବସି ଏହାର ସ୍ଥିତି ଅନୁଧ୍ୟାନ କରୁଥିବା ଦେଖିବାକୁ ମିଳିଥିଲା।
ଗ୍ରାମବାସୀଙ୍କ ସୂଚନା ମୁତାବକ, ଉକ୍ତ ଜମିଟି ଝୁଡି ଜଙ୍ଗଲ ହୋଇଥିବା ବେଳେ ଏମାନଙ୍କୁ ଲିଜ୍ ସୂତ୍ରରେ ତହସିଲ ପକ୍ଷରୁ ଦିଆଯାଇଥିଲା। ଯାହାର ଅବିଧି ଶେଷ ହୋଇଥିଲେ ସୁଦ୍ଧା ସେମାନେ ବଳପୂର୍ବକ ଏହାକୁ ଜବରଦଖଲ କରିବାକୁ ଚେଷ୍ଟା କରୁଛନ୍ତି। ବିଦ୍ୟାଳୟ ଆରମ୍ଭରୁ ଛାତ୍ରୀଛାତ୍ର ଓ ଶିକ୍ଷକ ଏହି ରାସ୍ତା ଦେଇ ଯାତାୟାତ କରୁଥିଲେ। ଆଜିର ଘଟଣା ପିଲାମାନଙ୍କୁ ରାସ୍ତା ଉପରେ ଠିଆ କରାଇଛି। ଏଣୁ ସରକାର ଏହା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ। ରାସ୍ତା ବନ୍ଦ ହୋଇଯିବା ପରେ ଶିକ୍ଷୟିତ୍ରୀଶିକ୍ଷକ ପିଲାମାନଙ୍କୁ ରାସ୍ତା ଉପରେ ଏକ ଜରି ପାଲ ପକାଇ ଶିକ୍ଷା ପ୍ରଦାନ କରିଥିବା େ ମଧ୍ୟାହ୍ନ ଭୋଜନ ନ ପାଇ ପିଲା ଭୋକରେ ଡହଳ ବିକଳ ହେଉଥିବା ଦେଖିବାକୁ ମିଳିଥିଲା। ଏ ସମ୍ପର୍କରେ ସିଆର୍ସିସି ବଙ୍ଗେଶ୍ୱର ସ୍ବାଇଁଙ୍କୁ ପଚାରିବାରୁ ଖବରପାଇ ଘଟଣାସ୍ଥଳରେ ପହଞ୍ଚତ୍ ବିଇଓଙ୍କୁ ଏ ସମ୍ପର୍କରେ ଅବଗତ କରାଇବା ସହ ଏକ ଚିଠି ନେଇ ଅଫିସ କାର୍ଯ୍ୟାଳୟରେ ଦିଆଯାଇଛି। ଏବିଡିଓ ସଞ୍ଜୟ କୁମାର ଦାସଙ୍କୁ ପଚାରିବାରେ ବିଇଓଙ୍କୁ ତୁରନ୍ତ ଘଟଣାସ୍ଥଳକୁ ଯାଇ ଏହାର ତଦନ୍ତ ପାଇଁ ବ୍ୟବସ୍ଥା କରୁଛି। ହେଲେ କଥା ଉଠୁଛି ଜଣେ ବ୍ୟକ୍ତି ସରକାରଙ୍କ ସମ୍ପତ୍ତିକୁ ଜବରଦଖଲ କରିଥିବା ବେଳେ କୋମଳମତି ପିଲା ରାଜରାସ୍ତାରେ ଠିଆ ହୋଇଥିବା ଦୃଶ୍ୟ ସରକାରଙ୍କ ଶିକ୍ଷା ବ୍ୟବସ୍ଥାର ନଗ୍ନ ଚିତ୍ରକୁ ସମ୍ମୁଖକୁ ଆଣିଛି। କିଭଳି ବିଦ୍ୟାଳୟ ସମ୍ମୁଖ ରାସ୍ତାକୁ ଲିଜ ସୂତ୍ରରେ ପ୍ରଦାନ କରାଯାଇଥିଲା ତାହା ତଦନ୍ତ ସାପେକ୍ଷ ବୋଲି ଦାବି କରିଛନ୍ତି ଗ୍ରାମବାସୀ। ସକାଳ ୧୦ଟାରୁ ଘଟଣା ଘଟିଥିବା ବେଳେ ଅତିରିକ୍ତ ତହସିଲଦାର ବିରଜା ପ୍ରସାଦ ରାୟ, ଅନନ୍ତପୁର ଫାଣ୍ଡି ଅଧିକାରୀ ବୈକୁଣ୍ଠନାଥ ଘଡ଼େଇଙ୍କୁ ନେଇ ଘଟଣାସ୍ଥଳରେ ସା ୭ ଟାରେ ପହଞ୍ଚତ୍ ଅବରୋଧକାରୀଙ୍କ ଘରକୁ ଯାଇ କାଗଜପତ୍ର ମାଗିଥିଲେ। ଏହାର କାଗଜପତ୍ର ମାଗିବା ସହ କ’ଣ ପାଇଁ ଅବରୋଧ କଲ ବୋଲି ଚେତାବନୀ ଦେଇଥିଲେ। ଶନିବାର ଉକ୍ତ ବାଡ଼କୁ ଉଚ୍ଛେଦ ନ କଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଅଧିକାରୀଙ୍କୁ ଜଣାଇଛନ୍ତି। ଗ୍ରାମବାସୀ ତହସିଲଦାରଙ୍କ ବିଳମ୍ବରେ ଉପସ୍ଥିତିକୁ ନେଇ ଅସନ୍ତୋଷ ପ୍ରକାଶ କରିଛନ୍ତି।
