ଢେଙ୍କାନାଳ,୩ା୩(ରତନ ନାୟାର): ଢେଙ୍କାନାଳ ଜିଲା କାମାକ୍ଷାନଗର ଉପଖଣ୍ଡ ଅଁଳାବେରଣି ଜାମୁଝରି ନିକଟସ୍ଥ ଏକ ବିଲରେ ଦନ୍ତାହାତୀ ଜିମିର ମୃତଦେହ ସୋମବାର ସକାଳେ ବନ ବିଭାଗ ଉଦ୍ଧାର କରିଛି। ଦୁଇ ଦନ୍ତାହାତୀ ମଧ୍ୟରେ ଭୟଙ୍କର ସଂଘର୍ଷରେ ଦନ୍ତାହାତୀ ଜିମିର କ୍ଷତବିକ୍ଷତ ଅବସ୍ଥାରେ ମୃତ୍ୟୁ ଘଟିଛି। ବନ ବିଭାଗ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି। ଏହି ହାତୀଟି ଦିନକୁ ୫୦ରୁ ୬୦ କି.ମି. ଚାଲିଥାଏ। ବନ ବିଭାଗ ପକ୍ଷରୁ ଜିଲାରେ ୩ଟି ଦନ୍ତାହାତୀ ଉପରେ ନଜର ରଖିବାକୁ ପାଇଁ ସେମାନଙ୍କ ନାମକରଣ କରାଯାଇଛି। ସଦର ରେଞ୍ଜରେ ଥିବା ଗୋଟିଏ ଦନ୍ତା ହାତୀର ନାମ ମଣ୍ଟୁ , ଆଉ ଗୋଟିକର ନାମ ଡ୍ୟାନି ଓ ଅଣ୍ଡର ଟେକର ଓ ଅଁଳାବେରଣିରେ ମରିଥିବା ଦନ୍ତାହାତୀର ନାମ ଜିମି ରଖା ଯାଇଥିଲା। ଏହା ଫଳରେ ଏହି ୩ ଦନ୍ତାହାତୀ କେଉଁ ଅଞ୍ଚଳରେ ପ୍ରବେଶ କରୁଥିଲେ ବନ ବିଭାଗ ଜାଣୁଥିଲେ।
