ମାଲକାନଗିରି,୨୦ା୯ (ଡି.ଏନ୍.ଏ.):ମାଲକାନଗିରି ଜିଲାରେ ପ୍ରତିବର୍ଷ ଲଗାଣ ବର୍ଷାରେ ବିଭିନ୍ନ ନଦୀର ଜଳସ୍ରୋତ ବୃଦ୍ଧି ପାଇ ଯାତାୟାତ ଠପ୍ ହୋଇଯାଏ ା ବିଶେଷ କରି ମାଲକାନଗିରି-ଚିତ୍ରକୋଣ୍ଡା ମୁଖ୍ୟ ରାସ୍ତାର ଏମ୍.ଭି.-୧୧, କୋରୁକୋଣ୍ଡା, ତାର୍ଲାକୋଟାଠାରେ ଥିବା ନଦୀରେ ଏହି ଅବସ୍ଥା ଲାଗି ରହିଥିଲା। ରାଜ୍ୟ ସରକାର ଏହାକୁ ଗୁରୁତ୍ୱ ଦେଇ ଏହି ତିନୋଟି ନଦୀରେ ପୋଲ ନିର୍ମାଣ ପାଇଁ ଏମ୍.ଭି. ୧୧ର ଦାନିଗୁଡା ନଦୀରେ ୬/୮୬୩ କିମି, କୋରୁକୋଣ୍ଡା ନଦୀରେ ୧୬/୨୫୦ କିମି, ଏବଂ ତର୍ଲାକୋଟା ଏମ୍.ଭି.-୩୭ ନଦୀରେ ୨୪/୧୧୦ କିମିର ପୋଲ ନିର୍ମାଣ ପାଇଁ ୧୨ କୋଟି ୩୩ ଲକ୍ଷ ଟଙ୍କା ମଞ୍ୁର କରିଥିଲେ। ପରେ ଏହାର ଟେଣ୍ଡର ପ୍ରକ୍ରିୟା ୨୦୧୬ରେ ଶେଷ ହୋଇ ଠିକାଦାର ଚଳିତ ବର୍ଷ ଏମ୍.ଭି. ୧୧ ଏବଂ କୋରୁକୋଣ୍ଡା ନଦୀର ପୋଲ ନିର୍ମାଣ ଏବଂ ସଂଯୋଗୀ ରାସ୍ତା ଶେଷ କରିବା ପରେ ଏବେ ଏହି ପୋଲ ଉପରେ ଗାଡିମୋଟର ଯାତାୟାତ କରୁଛି। ମାତ୍ର ଏମ୍.ଭି. ୩୭ସ୍ଥିତ ତାର୍ଲାକୋଟା ନଦୀରେ ପୋଲ ନିର୍ମାଣ କାର୍ଯ୍ୟ ବର୍ଷେ ହେଲା ସରିଥିଲେ ମଧ୍ୟ ଉଭୟ ପାର୍ଶ୍ୱର ସଂଯୋଗୀକରଣ ରାସ୍ତା ନିର୍ମାଣ ହୋଇପାରୁ ନ ଥିବାରୁ ଯାତାୟାତରେ ବାଧକ ସାଜିଛି। ପୋଲକୁ ଲାଗି ସହଦେବ ବୈଦ୍ୟ, ବରୁଣ ମଜୁମଦାର ଓ ମଧୁମଙ୍ଗଳ ବିଶ୍ୱାସଙ୍କ ପରିବାର ବସବାସ କରୁଛନ୍ତି। ମୁଖ୍ୟ ରାସ୍ତା କଡକୁ ଲାଗି ସେମାନଙ୍କ ପଟ୍ଟା ଜମି ରହିଥିବା ଦାବି କରିଛନ୍ତି। ଆମ ଘରର ମୂଲ୍ୟ ଓ ଜମିର ମୂଲ୍ୟ ଏପର୍ଯ୍ୟନ୍ତ ପାଇନାହୁଁ। ଏନେଇ ଚିତ୍ରକୋଣ୍ଡା ତହସିଲଦାର, ରାଜସ୍ବ ନିରୀକ୍ଷକ ଏବଂ ସମ୍ପୃକ୍ତ ବିଭାଗୀୟ ଅଧିକାରୀମାନଙ୍କୁ ଜଣାଇ କିଛି ସୁଫଳ ପାଇନାହୁଁ। କ୍ଷତିପୂରଣ ଅର୍ଥ ପାଇଲା ପରେ ଘର ଭଙ୍ଗାଯାଇ ପୋଲର ଉଭୟ ପଟର ସଂଯୋଗୀକରଣ ରାସ୍ତା ନିର୍ମାଣ କରିବାକୁ ଅଧିକାରୀମାନେ ପ୍ରତିଶ୍ରୁତି ଦେଇଥିଲେ। ମାତ୍ର ଏପର୍ଯ୍ୟନ୍ତ କ୍ଷତିପୂରଣ ପାଇ ନ ଥିବାରୁ ଆମେ ଏହି ସଂଯୋଗୀକରଣ ରାସ୍ତା ନିର୍ମାଣକୁ ବିରୋଧ କରୁଛୁ ବୋଲି ସମ୍ପୃକ୍ତ ୩ ପରିବାର କହିଛନ୍ତି। ଏନେଇ ମାଲକାନଗିରି ରାସ୍ତା ଓ ଗୃହ ନିର୍ମାଣ ବିଭାଗ ଅଧୀକ୍ଷଣ ଯନ୍ତ୍ରୀ ନିହାର ରଞ୍ଜନ ବେହେରାଙ୍କୁ ପଚାରିବାରୁ ସେ କହିଲେ ଯେ, ଏ ସମ୍ପର୍କରେ ରାଜସ୍ବ ବିଭାଗକୁ ନେଇ ଏକ ବୈଠକ ହୋଇଥିଲା। ସମ୍ପୃକ୍ତ ବ୍ୟକ୍ତିମାନଙ୍କଠାରୁ ଏନ୍ଓସି ଆସି ନ ଥିବାରୁ କାର୍ଯ୍ୟ ବନ୍ଦ ରହିଛି। ଏ ବିଷୟରେ ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରାଯାଇଛି। ରାଜସ୍ବ ବିଭାଗ ଏହାର ମୂଲ୍ୟାଙ୍କନ କରି ଦେଲେ ସମ୍ପୃକ୍ତ ପଟ୍ଟାଧାରୀମାନଙ୍କୁ ଅର୍ଥ ପ୍ରଦାନ କରାଟ୍ଯି୍ବ। ଚିତ୍ରକୋଣ୍ଡା ତହସିଲଦାର ଟି. ପଦ୍ମନାଭ ଦୋରାଙ୍କୁ ପଚାରିବାରୁ ସେ କହିଥିଲେ ଯେ, ପୁତ୍ତର୍ର୍ ଓ ଗୃହ ନିର୍ମାଣ ବିଭାଗ ଏହି ତିନିଜଣଙ୍କ ଘର ଏବଂ ଜମିର କ୍ଷତିପୂରଣ ପ୍ରଦାନ କରିବେ। ତେବେ ଏହି ତିନିଜଣ ବ୍ୟକ୍ତି ଅନୁସୂଚିତ ଜାତି ହୋଇଥିବାରୁ ଏମାନଙ୍କୁ ଉଚ୍ଛେଦ କରିବା ପାଇଁ ରାଜ୍ୟ ସରକାରଙ୍କ ଅନୁମତିର ଆବଶ୍ୟକତା ରହିଛି ବୋଲି ଦୋରା କହିଛନ୍ତି।
