ଅସଲି ଟ୍ରାନ୍‌ଜିଟ୍‌ ପାସ୍‌ ଖୋଜୁଛି ନିର୍ମାଣ ବିଭାଗ

ଯାଜପୁର ଅଫିସ,୨୮ା୪: ଯାଜପୁର ଜିଲା ଧର୍ମଶାଳା ତହସିଲ ଅଞ୍ଚଳରୁ ଯୋଗାଣ ହୋଇଥିବା ପଥର ସାମଗ୍ରୀର ୱାଇ ଫର୍ମ ବା ଟ୍ରାନ୍‌ଜିଟ୍‌ ପାସ୍‌(ଟିିପି)ର ଅସଲି ତଥା ଯର୍ଥାଥତା ଖୋଜୁଛି କେନ୍ଦୁଝର ଗ୍ରାମ୍ୟ ନିର୍ମାଣ ଡିଭିଜନ। ପ୍ରାୟ ୪ ବର୍ଷ ହେବ କେନ୍ଦୁଝର ଗ୍ରାମ୍ୟ ନିର୍ମାଣ ଡିଭିଜନର ନିର୍ବାହୀ ଯନ୍ତ୍ରୀ ଏନେଇ ଧର୍ମଶାଳା ତହସିଲଦାରଙ୍କୁ ଅନୁରୋଧ କରିଥିଲେ ହେଁ କୌଣସି ସୁଫଳ ମିଳି ପାରିନାହିଁ। ଏଠାରେ ସବୁ ନକଲି ୱାଇ ଫର୍ମରେ ପରିବହନ କାରବାର ଚାଲିଥିବାରୁ ଧର୍ମଶାଳା ତହସିଲ କର୍ତ୍ତୃପକ୍ଷ ଚୁପ୍‌ ରହିଛନ୍ତି ବୋଲି ଅନୁମାନ କରାଯାଇଛି। ଏଥିରୁ ଲଘୁ ଖଣିଜ ଦ୍ରବ୍ୟ ଲୁଟର ଆଉ ଏକ ପ୍ରମାଣ ଜଳଜଳ ହୋଇ ଦିଶୁଛି ବୋଲି ସାଧାରଣରେ ମତ ପ୍ରକାଶ ପାଇଛି। ଏହି ୧ ମାସ ମଧ୍ୟରେ ୮ଟି ଖାଦାନର ଲିଜ୍‌ଧାରୀଙ୍କୁ କାରଣ ଦର୍ଶାଅ ନୋଟିସ ସହ ଜରିମାନା ଡିମାଣ୍ଡ ଏବଂ କ୍ଲୋଜର ନୋଟିସ ଦିଆଯାଇଥିଲେ ହେଁ ବେଆଇନ କଳାପଥର ଉତ୍ତୋଳନ ଆହୁରି ଜୋର ଧରିଛି। ଏହି କାରବାରରେ ଧର୍ମଶାଳା ତହସିଲ ପ୍ରଶାସନ ଏବଂ ପୋଲିସ ନୀରବ ସାଜି କଳାପଥର ଲୁଟ ପ୍ରକ୍ରିୟାକୁ ମିଳିତ ଭାବେ ସହଯୋଗ କରୁଛନ୍ତି ବୋଲି ଅଭିଯୋଗ ହୋଇଛି। ଏପରି କି ଆରୁହା ପାହାଡର ୩୪/୨୦୨୧-୨୨ ଖାଦାନରୁ ୫ ବର୍ଷର ଧାର୍ଯ୍ୟ ପରିମାଣ କଳାପଥର ୯ ମାସରେ ଉତ୍ତୋଳନ କରାଯାଇଛି।
ଅତ୍ୟଧିକ ବ୍ଲାଷ୍ଟିଂ ଯୋଗୁ ୨୦ ଗ୍ରାମର ଲୋକେ ବିଷାକ୍ତ ଜଳ, ବାୟୁ ଓ ଧୂଆଁରେ ଅତିଷ୍ଠ ହୋଇ ପଡିଲେଣି। ଘର ଫାଟ ହେଉଥିବାବେଳେ ଧନଜୀବନ ହାନୀ ଆଶଙ୍କା ଦେଖା ଦେଇଛି। ଏହି ମର୍ମରେ ଅଞ୍ଚଳବାସୀ ଜିଲାପାଳଙ୍କ ନିକଟରେ ଅଭିଯୋଗ କରିବା ସହ ୧୫ ଦିନ ମଧ୍ୟରେ ସମସ୍ୟାର ସମାଧାନ ନ ହେଲେ ଆମରଣ ଅନଶନ କରାଯିବ ବୋଲି ଚେତାବନୀ ଦେଇଛନ୍ତି। ଅନ୍ୟପକ୍ଷେ ଗତ ୧୬ା୯ା୨୦୨୨ରେ ଧର୍ମଶାଳା ବିଧାନସଭା ନିର୍ବାଚନ ମଣ୍ଡଳୀ ଉନ୍ନୟନ କମିଟି (ଏସିଡିସି) ବୈଠକରେ ବେଆଇନ କଳାପଥର କାରବାର ଉପରେ କଡା କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ଏଠାରେ ଫସର ଫାଟିଛି।
ଧର୍ମଶାଳା ତହସିଲ ପ୍ରଶାସନ ପକ୍ଷରୁ ରୟାଲଟି ଜମା ଅନୁସାରେ ଟିପି ବା ୱାଇ ଫର୍ମ ବହି ପ୍ରଦାନ କରାଯାଇଛି। ଏହି ଟିପି ମାଧ୍ୟମରେ ଆବଶ୍ୟକତାଠାରୁ ଅଧିକ କଳାପଥର ଉତ୍ତୋଳନ କରି ପରିବହନ ହୋଇ ସାରିଛି। ଏହା ପରେ ତହସିଲ ପ୍ରଶାସନ ଟିିପି ପୁସ୍ତକ ଦେବାରେ ଅକ୍ଷମତା ପ୍ରକାଶ କରିବାରୁ ନକଲି ଟିପି ପୁସ୍ତକ ପ୍ରଚଳନ ହେଉଥିବା ଚର୍ଚ୍ଚା ହେଉଛି। ତେବେ ଏହି ନକଲି ଟିପି ଉପରେ ନା ଜିଲା ପ୍ରଶାସନ କିିମ୍ବା ପୋଲିସ କୌଣସି ତଦନ୍ତ କରୁନାହିଁ। ଜିଲାପାଳ ମଧ୍ୟ ଏହି ବେଆଇନ କାରବାର ଉପରେ ନୀରବ ରହୁଥିବାରୁ ସରକାର ବିପୁଳ ପରିମାଣରେ ରାଜସ୍ବ ହରାଉଥିବା ମତପ୍ରକାଶ ପାଉଛି। ଏଠାରେ ବୈତରଣୀ ନଦୀର ୧୭ କି.ମି. ଦୂରବର୍ତ୍ତୀ ମଙ୍ଗଳପୁର-ଭିମକୁଣ୍ଡ ରାସ୍ତାରେ ନିର୍ମାଣାଧୀନ ହାଇଲେବୁଲ ବ୍ରିଜରେ ବ୍ୟବହୃତ ପଥର ସାମଗ୍ରୀକୁ ଉଦାହରଣ ଭାବେ ନିଆଯାଇପାରେ। କେନ୍ଦୁଝର ଗ୍ରାମ୍ୟ ନିର୍ମାଣ ବିଭାଗର ଅଧୀକ୍ଷଣ ଯନ୍ତ୍ରୀ ଗତ ୨୪ା୪ା୨୦୨୩ରେ ଧର୍ମଶାଳା ତହସିଲଦାରଙ୍କୁ ଦେଇଥିବା ପତ୍ର ଅନୁଯାୟୀ ବୈତରଣୀ ନଦୀରେ ଉକ୍ତ ହାଇଲେବୁଲ ବ୍ରିଜ ଶେଷ ହେବାକୁ ଯାଉଛି। ଇତିମଧ୍ୟରେ ସଂପୃକ୍ତ ଠିକାସଂସ୍ଥା ଏଚ୍‌ଏଲ୍‌ ଇନଫ୍ରାଷ୍ଟ୍ରକ୍ଚର ଧର୍ମଶାଳା ଅଞ୍ଚଳରୁ ପରିବହନ ହୋଇଥିବା ପଥର ସାମଗ୍ରୀ ଉପରେ ରୟାଲଟି ବିଲ ଦାଖଲ କରିଛି। କିନ୍ତୁ ୱାଇ ଫର୍ମର ଯଥାର୍ଥତା ପ୍ରମାଣପତ୍ର ମିଳି ନ ଥିବାରୁ ଫାଇନାଲ ବିଲ ପ୍ରସ୍ତୁତିରେ ବିଳମ୍ବ ହେଉଛି।
ଗ୍ରାମ୍ୟ ନିର୍ମାଣ ବିଭାଗର ପୂର୍ବ ପତ୍ର ୨୦୪୪/୨୦ା୯ା୨୦୧୯ ଅନୁସାରେ ଧର୍ମଶାଳା ତହସିଲ ଅଞ୍ଚଳରୁ ସଂପୃକ୍ତ ଠିକାସଂସ୍ଥା ଉକ୍ତ ବ୍ରିଜ ନିର୍ମାଣ ପାଇଁ ୨୧୦୦ କ୍ୟୁବିକ ମିଟର ଚିପ୍ସ ବ୍ୟବହାର କରିଛି। ଏଥିପାଇଁ ଧର୍ମଶାଳା ତହସିଲରୁ ଜାରି ହୋଇଥିବା ୧୦୪୪୬, ୧୫୯୭୪ ଓ ୧୦୪୪୬ ନମ୍ବର ପୁସ୍ତକରୁ ୧୫୦ ଟିପି ବ୍ୟବହାର କରାଯାଇଛି। କିନ୍ତୁ ଉକ୍ତ ଟିପିଗୁଡିକ ନକଲି ନା ଅସିଲ ତାହାର ଯର୍ଥାଥତା ଖୋଜୁଛି କେନ୍ଦୁଝର ନିର୍ମାଣ ବିଭାଗ। ଧର୍ମଶାଳା ତହସିଲ ଅଞ୍ଚଳରୁ ବିନା ଟିପିରେ ବହୁ ମୂଲ୍ୟବାନ କଳାପଥର ପରିବହନ କରାଯାଉଛି। କେବଳ ଭୂପୃଷ୍ଠରୁ ଉପରଭାଗ କଳାପଥର ଉତ୍ତୋଳନ ହେଉନି ବରଂ ମାଟି ତଳେ ଥିବା କଳାପଥରକୁ ମଧ୍ୟ ତାଡି ନିଆଯାଉଛି। ଲିଜ୍‌ପ୍ରାପ୍ତ ଖାଦାନରୁ ଅନୁମୋଦନ ପରିମାଣଠାରୁ ଅଧିକ ଲୁଟ ଏବଂ ନକଲି ଟ୍ରାନ୍‌ଜିଟ ଫର୍ମରେ ଖଣିଜ ପରିବହନ ଉପରେ ହାଇକୋର୍ଟ, ଲୋକାୟୁକ୍ତ ଓ ଏନ୍‌ଜିଟିରେ ଏକାଧିକ ମାମଲା ବିଚାରାଧୀନ ରହିଛି। କିନ୍ତୁ ଏହି ବେଆଇନ କାରବାର ଉପରେ ଏସିଡିସି ସମେତ ଜିଲା ପୋଲିସ ଓ ପ୍ରଶାସନର ସହଯୋଗ ରହୁଥିବାରୁ କଳାପଥର ଚୋରି କାରବାର ଅଣାୟତ୍ତ ହୋଇଛି। ଏ ସଂକ୍ରାନ୍ତରେ ଧର୍ମଶାଳା ତହସିଲଦାର ସ୍ବାଧୀନ ଦାସଙ୍କ ମତାମତ ନେବାକୁ ତାଙ୍କ ମୋବାଇଲକୁ ଯୋଗାଯୋଗ କରିଥିଲେ ହେଁ ସେ ଫୋନ କଲ ଗ୍ରହଣ କରି ନ ଥିଲେ।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?