ଭାଇଚାରାର ସହର ଭାଗ ଭାଗ

ଢେଙ୍କାନାଳ ଅଫିସ, ୨୧।୧୦: ସରିଛି ଗଣପର୍ବ ଲକ୍ଷ୍ମୀପୂଜା। ଆନନ୍ଦ ଉଲ୍ଲାସର ସହ ମା’ଙ୍କୁ ବିଦାୟ ଦେଇଛନ୍ତି ସହରବାସୀ। ଭବ୍ୟ ଭସାଣି ଶୋଭାଯାତ୍ରାର ଝଲକ୍‌ ସବୁଆଡ଼େ ଚର୍ଚ୍ଚିତ ପ୍ରସଙ୍ଗ ପାଲଟିଥିବାବେଳେ ଏଥିରେ ଯୋଡ଼ିହୋଇଛି ହିଂସାକାଣ୍ଡ, ରକ୍ତପାତର ଅଲୋଡ଼ା ଅଧ୍ୟାୟ। ୧୧ ଦିନାତ୍ମକ ପୂଜା ମହୋତ୍ସବରେ ଏକାଧିକ ପୂଜା ପ୍ରତିଷ୍ଠାନ ମୁହଁାମୁହିଁ ହେବା, ପଥରମାଡ଼, ମରଣାନ୍ତକ ଆକ୍ରମଣଠାରୁ ଆରମ୍ଭ କରି ମେଢ଼ ଭଙ୍ଗାରୁଜା ଯାଏ କଥା ଯାଇଛି। ଏମିତି ହଠାତ୍‌ କ’ଣ ହେଲା ଯେ, ଭାଇଚାରାର ସହର ହଠାତ୍‌ ଭାଗ ଭାଗ ହୋଇଗଲା, ଲକ୍ଷ୍ମୀପୂଜା ଇତିହାସରେ କେବେ ଘଟି ନ ଥିବା ଘଟଣାମାନ ଘଟିଲା, ଏଭଳି ବିବାଦ ପରେ ସମାଧାନର ରାସ୍ତା କ’ଣ, କେବେ ପୁଣି ସ୍ଥିତି ସ୍ବାଭାବିକ ହେବ ଏଭଳି ଅନେକ ଅସମାହିତ ପ୍ରଶ୍ନ ଏବେ ଜନସାଧାରଣଙ୍କୁ ଆନ୍ଦୋଳିତ କରୁଛି। ଅନ୍ୟପଟେ ଶୃଙ୍ଖଳା ରକ୍ଷା ଦାୟିତ୍ୱରେ ଥିବା ପଦସ୍ଥ ଅଧିକାରୀଙ୍କ ଅଭିଜ୍ଞତାର ଅଭାବ ହିଁ ଏଭଳି ହିଂସାକାଣ୍ଡ ତଥା ବିବାଦ ବଢ଼ାଇବା ପାଇଁ ସୁଯୋଗ ସୃଷ୍ଟି କଲା ବୋଲି ଚର୍ଚ୍ଚା ଆରମ୍ଭ ହୋଇଛି, ଯାହା ପୋଲିସ, ପ୍ରଶାସନ, ମିଳିତ ବଜାର ପୂଜା କମିଟି, ଶାନ୍ତି କମିଟି ମଧ୍ୟରେ ସମନ୍ବୟ ଅଭାବ ଏବଂ ପରିଚାଳନାଗତ ବିଫଳତା ଆଡ଼କୁ ଆଙ୍ଗୁଳି ନିର୍ଦ୍ଦେଶ କରିଛି।
ଆରମ୍ଭରୁ ଶେଷ ଯାଏ ବିବାଦ ହିଁ ବିବାଦ। ଏଭଳି ଶେଷ ହୋଇଛି ଢେଙ୍କାନାଳର ପ୍ରସିଦ୍ଧ ଲକ୍ଷ୍ମୀପୂଜା। ମିଳିତ ବଜାର ପୂଜା କମିଟି ସଭାପତି ଚୟନକୁ ନେଇ ରାଜନୈତିକ କନ୍ଦଳ ହେଉ କି କଲେଜ ବଜାର ପୂଜା ପ୍ରତିଷ୍ଠାନ ଏବଂ ସମ୍ପୃକ୍ତ ଅଞ୍ଚଳରେ ପୃଥକ୍‌ ପୂଜା କରୁଥିବା ଅନ୍ୟ ଏକ ପ୍ରତିଷ୍ଠାନ ମୁହିଁାମୁହିଁ ହେବା ଅଥବା ଅରବିନ୍ଦ ବଜାର ମହିଷାପାଟ ଏବଂ ଜୁବିଲି ଟାଉନ-୧ ପୂଜା ପ୍ରତିଷ୍ଠାନ ମଧ୍ୟରେ ସୃଷ୍ଟି ହୋଇଥିବା ବିବାଦ ଏସବୁ ପ୍ରଥମ ପର୍ଯ୍ୟାୟ ପୂଜା ମାହୋଲକୁ ଅଶାନ୍ତ କରି ଦେଇଥିଲା। ହେଲେ କୌଣସି ମତେ ଏହାର ସମାଧାନ କରିଥିଲା ପୋଲିସ, ପ୍ରଶାସନ ଏବଂ ଶାନ୍ତି କମିଟି। ତେବେ ଭସାଣିର ୩ଦିନ ପୂର୍ବରୁ ବେଆଇନ ପାର୍କିଂ ଓ ଚାନ୍ଦା ଆଦାୟକୁ ନେଇ କୈବଲ୍ୟ ବଜାର ଓ ଜୁବିଲି ଟାଉନ୍‌-୨ ପୂଜା ପ୍ରତିଷ୍ଠାନ ମଧ୍ୟରେ ବିବାଦ ଉଗ୍ରରୂପ ନେଇଥିଲା। ଆକ୍ରମଣ-ପ୍ରତି ଆକ୍ରମଣରେ ୨ ବରିଷ୍ଠ ପୋଲିସ ଅଧିକାରୀ ଗୁରୁତର ହୋଇଥିଲେ। ଏହି ଘଟଣାରେ ୬ଟି ମାମଲା ରୁଜୁ ହୋଇଥିବାବେଳେ ଉଭୟ ପକ୍ଷରୁ ୧୩ଜଣ ଗିରଫ ହୋଇଛନ୍ତି। ତେବେ ଜୁବିଲି ଟାଉନ୍‌-୨ର ୧୧ଜଣ ଗିରଫ ହୋଇ କୋର୍ଟଚାଲାଣ ହୋଇଥିବାବେଳେ ଏହାକୁ ସହଜରେ ଗ୍ରହଣ କରିପାରି ନ ଥିଲେ ସମ୍ପୃକ୍ତ ଗୋଷ୍ଠୀ। ପ୍ରତିବାଦରେ ପୂଜା ପ୍ରତିଷ୍ଠାନ ଆଲୋକ ବନ୍ଦ କରାଯାଇଥିଲା, ଯାହାକୁ ସମର୍ଥନ ଜଣାଇଥିଲା ଜୁବିଲିଟାଉନ-୧। ଉକ୍ତ ଅଞ୍ଚଳ ଦେଉଳସାହି ନାମରେ ପରିଚିତ। ଏହା ମଧ୍ୟରେ ୩ ପୂଜା ପ୍ରତିଷ୍ଠାନ ରହିଛି। ତେବେ ଗୋଟିଏ ଗୋଷ୍ଠୀର ୧୧ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଗୋଷ୍ଠୀର ଅଭିଯୁକ୍ତଙ୍କୁ ଗିରଫ କରିବାରେ ଟାଳଟୁଳ ନୀତି ଅବଲମ୍ବନ କରାଯାଉଥିବା ଅଭିଯୋଗ ହୋଇଛି। ଅନ୍ୟପଟେ ବିବାଦ ବଢ଼ିବା ଆଶଙ୍କା ଥିବାରୁ ଜୁବିଲି ଟାଉନ-୨ ଏବଂ କୈବଲ୍ୟ ବଜାର ମିଳିତ ଭସାଣି ଶୋଭାଯାତ୍ରାରେ ସାମିଲ ନ ହୋଇ ସକାଳୁ ମେଢ଼ ବିସର୍ଜନ ସାରିଦେଇଥିଲେ।
ସେହିପରି ଭସାଣି ଶୋଭାଯାତ୍ରା ଚାଲିଥିବା ବେଳେ କଣ୍ଟାନାଳି ବାଇପାସ୍‌ ଛକ ପୂଜା ପ୍ରତିଷ୍ଠାନ ଓ ବନମାଳୀପ୍ରସାଦ ପୂଜା ପ୍ରତିଷ୍ଠାନ ମଧ୍ୟରେ ବିବାଦ ତୀବ୍ର ରୂପ ନେଇଥିଲା। ବିପକ୍ଷ ଗୋଷ୍ଠୀର ପଥରମାଡ଼ରେ କଣ୍ଟାନାଳି ବାଇପାସ୍‌ ମେଢ଼, ବ୍ୟାଣ୍ଡପାର୍ଟି ଭାଙ୍ଗିରୁଜି ଯାଇଥିଲା। ଏଥିରେ ୩୦ଲକ୍ଷରୁ ଊର୍ଦ୍ଧ୍ୱ ଟଙ୍କାର କ୍ଷତି ହୋଇଥିବା ଅଭିଯୋଗ ହୋଇଛି। ଏହି ଘଟଣାରେ ୨ ପୋଲିସ କର୍ମଚାରୀଙ୍କ ସମେତ ଉଭୟ ଗୋଷ୍ଠୀରୁ ୭ ଗୁରୁତର ହୋଇଛନ୍ତି। ଗୁରୁବାର ସକାଳେ ବିବାଦ ପୁଣି ତେଜିଥିଲା। ଏଥିରେ କେତେଜଣ ଆହତ ହୋଇଥିବାବେଳେ ବାଇକ୍‌ ଭଙ୍ଗାରୁଜା ହୋଇଛି। ପୋଲିସ ପହଞ୍ଚତ୍ ସ୍ଥିତି ନିୟନ୍ତ୍ରଣ କରିଥିବାବେଳେ ବନମାଳୀପ୍ରସାଦ ଅଞ୍ଚଳର ସମସ୍ତ ଦୋକାନ ବଜାର ବନ୍ଦ ରହିଥିଲା। ଘଟଣାକୁ ନେଇ ୩ ମାମଲା ରୁଜୁ ହୋଇଥିବା ବେଳେ କାହାରିକୁ ଗିରଫ କରାଯାଇନାହିଁ। ସ୍ଥିତି ଉତ୍ତେଜନା ଥିବାରୁ ପୋଲିସ ମୁତୟନ କରାଯାଇଥିବା ଏସ୍‌ପି ଲୋଗାନୟାଗି ଦିବ୍ୟା ଭି. ସୂଚନା ଦେଇଛନ୍ତି। ପୋଲିସ-ପ୍ରଶାସନ ମଧ୍ୟରେ ସମନ୍ବୟ ତଥା ଦୂରଦୃଷ୍ଟି ଅଭାବ, ପୂଜା ପୂର୍ବରୁ ବରିଷ୍ଠ ନାଗରିକ, ମିଳିତ ବଜାର ପୂଜା କମିଟିର ପୂର୍ବତନ ଅଭିଜ୍ଞ କର୍ମକର୍ତ୍ତାଙ୍କୁ ଡାକି ଆଲୋଚନା ନ କରିବା, ସେମାନଙ୍କ ମତକୁ ଗ୍ରହଣ ନ କରିବା ଏବଂ ଅଭିଜ୍ଞତା ନ ଥିବା ଅଧିକାରୀଙ୍କ ପରାମର୍ଶରେ ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା କାରଣରୁ ଏଭଳି ଅବ୍ୟବସ୍ଥା ହୋଇଥିବା ସାଧାରଣରେ ଆଲୋଚନାର ବିଷୟ ହୋଇଛି।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?