ଗୁରୁତର ଅପରାଧ ପାଇଁ ଏକ ବିଲେଇକୁ ଜେଲ ଯିବାକୁ ପଡିଛି। ମାତ୍ର ବିଲେଇଟି କିଛି ଦିନ ଜେଲରେ ରହିବା ପରେ ସେଠାରୁ ଖସି ପଳାଇବାରେ ସଫଳ ହୋଇଛି। ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି ଶ୍ରୀଲଙ୍କାରେ।
ବିଲେଇକୁ ଡ୍ରଗ୍ସ ଏବଂ ସିମ୍ କାର୍ଡ ଚୋରା କାରବାରରେ ବ୍ୟବହୃତ କରାଯାଉଥିଲା। ଶ୍ରୀଲଙ୍କା ହାଇ ସିକ୍ୟୁରିଟି ଭେଲିକଡ଼ା ଜେଲର ଗୁପ୍ତଚର ଅଧିକାରୀମାନେ ଏହା ଜାଣିପାରି ଥିଲେ। ତେଣୁ ସେମାନେ ଯୋଜନାକରି ବିଲେଇଟିକୁ ଧରିବାରେ ସଫଳ ହୋଇଥିଲେ। ଏହି ସମୟରେ ବିଲେଇ ନିକଟରୁ ୨ ଗ୍ରାମ୍ ହେରୋଇନ୍, ୨ଟି ସିମ୍ କାର୍ଡ ଏବଂ ଏକ ମେମୋରି ଚିପ୍ ଜବତ କରାଯାଇଥିଲା।
ପୋଲିସର କହିବାନୁଯାୟୀ, ବିଲେଇ ବେକରେ ଏକ ପ୍ୟାକେଟ ବନ୍ଧାଯାଇଥିଲା। ସେଥିରୁ ଉକ୍ତ ସାମଗ୍ରୀଗୁଡିକ ମିଳିଥିଲା। ମାତ୍ର ବିଲେଇଟି ଜେଲରେ ରହିବାର କିଛି ଦିନ ପରେ ଫେରାର ହୋଇଯାଇଥିବା ପୋଲିସ କହିଛି।
ପ୍ରକାଶ ଯେ, ଗତ ସପ୍ତାହରେ ଶ୍ରୀଲଙ୍କା ପୋଲିସ କଲମ୍ବିଆରୁ ଏକ ଇଗଲକୁ ଧରିଥିଲା। ଉକ୍ତ ଇଗଲକୁ ଡ୍ରଗ୍ସ ଚୋରା ଚାଲାଣାରେ ବ୍ୟବହୃତ କରାଯାଉଥିଲା।
