ଖପ୍ରାଖୋଲ,୨୬।୨(ଡି.ଏନ୍.ଏ.): ବାହାଘର ପାଇଁ ସମସ୍ତ ପ୍ରସ୍ତୁତି ସରିଥିଲା ା ବର ବାହାରି କନ୍ୟାଘରକୁ ଯିବା ପାଇଁ ଆୟୋଜନ ଚାଲିଥିଲା ା ଡିଜେ ଓ ବାଜାର ତାଳେ ତାଳେ ବରଯାତ୍ରୀ ଦଳ ନାଚରେ ମସ୍ଗୁଲ ଥିଲେ ା ଏହି ସମୟରେ ବର ଯିବା ପାଇଁ ସଜ୍ଜା ହୋଇଥିବା କାର୍ଟି ହଠାତ୍ ବରଯାତ୍ରୀଙ୍କ ଉପରେ ମାଡ଼ିଯିବାରୁ ଜଣେ ବ୍ୟକ୍ତିଙ୍କ ମୃତ୍ୟୁ ହେବାସହ ୧୧ ଜଣ ଆହତ ହୋଇଛନ୍ତି ା ବଲାଙ୍ଗୀର ଜିଲା ଖପ୍ରାଖୋଲ ଥାନା ବାଘଝରଣ ଗଁାରେ ଶୁକ୍ରବାର ରାତିରେ ଏଭଳି ଅଘଟଣ ଘଟିଛି ା ସୂଚନା ଅନୁଯାୟୀ, ବାଘଝରଣ ଗାଁର ଦୁତିଆ ବରିହାଙ୍କ ପୁଅ ହୁତାଶନଙ୍କ ବାହାଘର ଥିବାରୁ ବାଣ, ରୋଶଣି, ଡିଜେ ସହ ବରଯାତ୍ରୀ ବାହାରିଥିଲେ। ଘରଠାରୁ ଅଳ୍ପଦୂରରେ ବରଯାତ୍ରୀ ଦଳ ନାଚୁଥିବା ବେଳେ ବର ବସି ଯିବା ପାଇଁ ଛିଡ଼ା ହୋଇଥିବା ଆଇ ୧୦ (ନଂ .ଓ ୦୨ ବିସି ୩୮୪୮)କାର୍ ହଠାତ୍ ଦ୍ରୁତଗତିରେ ପଛପଟୁ ଆସି ବରଯାତ୍ରୀଙ୍କ ଉପରେ ମାଡ଼ିଯାଇଥିଲା ା ଫଳରେ ୧୨ ବରଯାତ୍ରୀ ଆହତ ହୋଇଥିଲେ। ଲୋକେ ଦୁର୍ଘଟଣା ଘଟାଇଥିବା କାର୍କୁ ଭଙ୍ଗାରୁଜା କରିବା ପରେ ଚାପା ଉତ୍ତେଜନା ଦେଖାଦେଇଥିଲା ା ଖବର ପାଇ ଖପ୍ରାଖୋଲ ପୋଲିସ, ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ଥିଲେ ା ଆହତମାନଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ ଖପ୍ରାଖୋଲ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ରାଜା ବରିହା (୪୫)ଙ୍କୁ ଡାକ୍ତର ମୃତ ଘୋଷଣା କରିଥିଲେ ା ଆକାଶ ବରିହା (୧୩), ଦେମତି ବରିହା (୩୬) ଓ ମିତ୍ରଘନ ବରିହା (୩୦) ଗୁରୁତର ଥିବାରୁ ବଲାଙ୍ଗୀର ଭୀମଭୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ା ଯଶୋଦା ବରିହା (୪୦) ଖପ୍ରାଖୋଲ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି। ଅନ୍ୟ ୭ ଜଣଙ୍କୁ ପ୍ରାଥମିକ ଚିକିତ୍ସା ପରେ ଛାଡ଼ାଯାଇଛି। ପୋଲିସ ଦୁର୍ଘଟଣା ଘଟାଇଥିବା ଗାଡ଼ିର ଡ୍ରାଇଭର ଦୁର୍ଯ୍ୟୋଧନ ନାଗ(୪୪)ଙ୍କୁ ଗିରଫ କରି କୋର୍ଟ ଚାଲାଣ କରିଛି ା ଏନେଇ ଖପ୍ରାଖୋଲ ଥାନାରେ ନଂ.୩୨/୨୩ରେ ଏକ ମାମଲା ରୁଜୁ ହୋଇଛି ା ହୁତାଶନ ବହିରାଙ୍କ ବାହାଘର ତାଙ୍କ ଗ୍ରାମଠାରୁ ୨୦ କି.ମି. ଦୂର ହିର୍ଲି ଗଁାରେ ହେବାର ଥିଲା ା ଦୁର୍ଘଟଣା ଯୋଗୁ ବାହାଘର ହୋଇପାରି ନ ଥିବା ବେଳେ ଶନିବାର କନ୍ୟାଙ୍କୁ ବରଘର ନିଜ ଗଁାକୁ ଆଣିଥିବା ଜାଣିବାକୁ ମିଳିଛି ା ଦୁର୍ଘଟଣା କେଉଁ ପରିସ୍ଥିତିରେ ଘଟିଲା ତାକୁ ନେଇ ତଦନ୍ତ ଜାରି ରହିଛି।
