ଉପାଧ୍ୟକ୍ଷ ପଦକୁ ବିଜେଡିର ୧୪ ଆଶାୟୀ

ଯାଜପୁର ରୋଡ,୪ା୪(ଡି.ଏନ୍‌.ଏ.): ନିର୍ବାଚନ ଫଳାଫଳ ଘୋଷଣା ପରେ ୨୬ଟି ୱାର୍ଡ ବିଶିଷ୍ଟ ବ୍ୟାସନଗର ମ୍ୟୁନିସିପାଲିଟିର ଉପାଧ୍ୟକ୍ଷ ନିର୍ବାଚନ ନେଇ ଛକାପଞ୍ଝା ଆରମ୍ଭ ହୋଇଛି। ଏହି ମ୍ୟୁନିସିପାଲିଟିର ୨୮ ବର୍ଷ ଇତିହାସରେ ପ୍ରଥମ ଥର ଅଧ୍ୟକ୍ଷା ପଦ ଆଦିବାସୀ ମହିଳାଙ୍କ ପାଇଁ ସଂରକ୍ଷିତ ରହିଥିଲା। ଏହାପୁଣି ସିଧାସଳଖ ନିର୍ବାଚନ ହୋଇଥିବାରୁ ଘୋଡ଼ାବେପାରରୁ ନେତାଙ୍କୁ ମୁକ୍ତି ମିଳିଛି। କିନ୍ତୁ ସାଧାରଣ ବର୍ଗଙ୍କ ପାଇଁ ଉଦ୍ଦିଷ୍ଟ ଉପାଧ୍ୟକ୍ଷ ପଦବୀ ପାଇଁ ଆସନ୍ତା ୭ ତାରିଖରେ ନିର୍ବାଚନ ହେଉଥିବାରୁ ବିଜେଡିର ବିଜୟୀ ୧୫ କାଉନସିଲରଙ୍କ ମଧ୍ୟରୁ ୧୪ ଜଣ ଆଶାୟୀ ରହିଥିବା ଚର୍ଚ୍ଚା ହେଉଛି। କାଉନସିଲରମାନେ ଉପାଧ୍ୟକ୍ଷ ବାଛିବାର ନିୟମ ରହିଥିବାରୁ ଆଶାୟୀମାନେ ଏବେଠାରୁ ନେତାଙ୍କ ନିକଟରେ ଭିଡ଼ କରୁଥିବା ଦେଖିବାକୁ ମିଳିଛି।
ବ୍ୟାସନଗର ମ୍ୟୁନିସିପାଲିଟିରେ ୧୫ଟିରେ ବିଜେଡି, ୫ଟିରେ କଂଗ୍ରେସ, ୩ଟିରେ ଭାଜପା ଓ ୩ଟିରେ ସ୍ବାଧୀନ କାଉନସିଲର ନିର୍ବାଚିତ ହୋଇଛନ୍ତି। ବିଜେଡିରୁ ହିଁ ଉପାଧ୍ୟକ୍ଷ ପଦବୀ ହାତେଇବା ନିଶ୍ଚିତ ହୋଇଛି। କିନ୍ତୁ ବିଗତ ଦିନର ଅଭିଜ୍ଞତାରୁ ନିର୍ବାଚନ ପରେ କାଉନସିଲରଙ୍କ ଉପରେ ଦଳୀୟ ନିୟନ୍ତ୍ରଣ ରହୁ ନ ଥିବା ଦେଖାଯାଇଛି। ଏହି ପରିସ୍ଥିତିରେ କଂଗ୍ରେସ ମଧ୍ୟ ବିଜେଡିର କିଛି କାଉନସିଲରଙ୍କୁ ନେଇ ଉପାଧ୍ୟକ୍ଷ ପଦ ହାତେଇବା ଯୋଜନାରେ ରହିଛି। ଏହି ପରିପ୍ରେକ୍ଷୀରେ କେତେଜଣ ବିଜେଡି ଓ ସ୍ବାଧୀନ କାଉନସିଲରଙ୍କୁ ସହର ବାହାରକୁ ନେବାର ମସୁଧା ଚାଲିିଛି। ଅପରପକ୍ଷେ ବିଜେଡିରୁ ନିର୍ବାଚିତ ୧୫ଜଣ କାଉନସିଲରଙ୍କ ମଧ୍ୟରୁ କାହାକୁ ଉପାଧ୍ୟକ୍ଷ କରାଯିବ ତାହା ନିର୍ଣ୍ଣୟ କରିବା ଦଳୀୟ ନେତୃବୃନ୍ଦଙ୍କ ପାଇଁ କାଠିକର ହୋଇଛି। କେତେକ ସ୍ବାଧୀନ କାଉନସିଲରଙ୍କୁ ଅନେକ ଲାଳସା ଦେଖାଇ ବିଜେଡି ନିଜ ପଟକୁ ଆକର୍ଷିତ କରୁଥିବା ଆଲୋଚନା ହେଉଛି। ବ୍ୟାସନଗର ସହରକୁ ରେଲୱେ ଲାଇନ ୨ ଭାଗରେ ବିଭକ୍ତ କରିଛି। ଗୋଟିଏ ପାର୍ଶ୍ୱରେ ୧ ରୁ ୧୭ ଏବଂ ଅନ୍ୟ ପାର୍ଶ୍ୱରେ ୧୮ ରୁ ୨୬ ନମ୍ବର ୱାର୍ଡ ରହିଛି। ଅଧ୍ୟକ୍ଷା ଭାବେ କୋର୍ଟ ପଛପଟ ତଥା ୯ ନମ୍ବର ୱାର୍ଡ କାଚହୁଡିସାହି ଅଞ୍ଚଳରୁ ସଙ୍ଗିତା ପିଙ୍ଗୁଆ ନିର୍ବାଚିତ ହୋଇଛନ୍ତି। ଏହି ପରିପ୍ରେକ୍ଷୀରେ ବ୍ୟାସନଗର ସହରର ଦକ୍ଷିଣ ପାର୍ଶ୍ୱ ୧୮ରୁ ୨୬ ନମ୍ବର ୱାର୍ଡଗୁଡିକରେ ନିର୍ବାଚିତ କାଉନସିଲରଙ୍କ ମଧ୍ୟରୁ ଜଣଙ୍କୁ ଉପାଧ୍ୟକ୍ଷ ଭାବେ ନିର୍ବାଚିତ କରିବାକୁ ସହରବାସୀ ଚାହୁଁଛନ୍ତି। ଏହିକ୍ରମରେ ୨୦ ନମ୍ବର ୱାର୍ଡରେ ବିଜେଡିର ସରୋଜିନୀ ସେଠୀ, ୨୧ରେ ଉର୍ମିଳା ପରିଡ଼ା, ୨୩ରେ ପାର୍ଥସାରଥି ନାୟକ, ୨୪ରେ ଅଶୋକ କୁମାର ରାଉତ, ୨୫ରେ ଦିଲୀପ ସେଠୀ ଉପାଧ୍ୟକ୍ଷ ଦୌଡ଼ରେ ଆଗରେ ରହିଛନ୍ତି। ଅନ୍ୟପକ୍ଷେ ୨୨ ନମ୍ବର ୱାର୍ଡ ବିଜେଡି କାଉନସିଲର କୁମୁଦିନୀ ରାଉତ କେବଳ ଦୌଡରେ ନଥିବା କୁହାଯାଉଛି। ସେହିପରି ରେଲୱେ ଲାଇନ ଅନ୍ୟ ପାର୍ଶ୍ୱ ୧ ନମ୍ବର ୱାର୍ଡରେ ବିଜେଡିର ବିଜୟ କୁମାର ଜେନା, ୪ ଓ୍ବାର୍ଡର ରଶ୍ମିତା ଖୁଣ୍ଟିଆ, ୫ ଓ୍ବାର୍ଡର ମୋନାଲିସା ସାହି, ୬ ଓ୍ବାର୍ଡର ସୁଜାତା ପ୍ରିୟଦର୍ଶିନୀ ପରିଡ଼ା, ୭ ଓ୍ବାର୍ଡର ଟୁନିଆ ନାୟକ, ୯ ଓ୍ବାର୍ଡର ମନୀନ୍ଦ୍ର କୁମାର ସାହୁ, ୧୧ ଓ୍ବାର୍ଡର ସରିତା ଜେନା, ୧୪ ଓ୍ବାର୍ଡର ସିଦ୍ଧାର୍ଥ ଶଙ୍କର ସାମଲ, ୧୫ ଓ୍ବାର୍ଡର ସୁବାସ ଚନ୍ଦ୍ର ବଳ ଉପାଧ୍ୟକ୍ଷ ଦୌଡ଼ରେ ରହିଛନ୍ତି। ୨୦୧୩ ପୌର ନିର୍ବାଚନରେ ବିଜେଡିରୁ ସୁବାସ ଚନ୍ଦ୍ର ବଳ ଉପାଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ। ସେହି ୫ ବର୍ଷର ପୌର ଶାସନକୁ ସହରବାସୀ ଏଯାଏ ଭୁଲି ପାରିନାହାନ୍ତି। କେବଳ ଶେଷ ୨ ବର୍ଷ ଅନାସ୍ଥା ନାଟକରେ ଶେଷ ହୋଇଥିଲା। ଅଧ୍ୟକ୍ଷା ପଦବୀର ଲାଳସାରେ କେତେଜଣ କାଉନସିଲର ସହରର ବିକାଶକୁ ସମ୍ପୂର୍ଣ୍ଣ ଭାବେ ଭୁଲି ଯାଇଥିଲେ, ଯାହାର ଛାପ ଏଯାଏ ସହରରୁ ଲିଭି ପାରିନାହିଁ। ପ୍ରାୟ ସମସ୍ତ ୱାର୍ଡର ରାସ୍ତାବସ୍ଥା ବିପର୍ଯ୍ୟସ୍ତ ହୋଇ ପଡ଼ିଥିବାବେଳେ ଡ୍ରେନେଜ ବ୍ୟବସ୍ଥା ହୋଇ ପାରିନାହିଁ। ରାଜୀବ ଗାନ୍ଧୀ ଷ୍ଟାଡିୟମ, ଏନ୍‌ସି ହାଇସ୍କ୍‌ୁଲ ପଡ଼ିଆ ଜରାଜୀର୍ଣ୍ଣ ଅବସ୍ଥାରେ ରହିଛି। ଟାଉନହଲ୍‌, ସଂସ୍କୃତିଭବନ ଆଦି କାର୍ଯ୍ୟକ୍ଷମ ହୋଇ ପାରିନାହିଁ। ୧୦୦ ବେଡ୍‌ ବିଶିଷ୍ଟ ଡାକ୍ତରଖାନା ପ୍ରତିଶ୍ରୁତିରେ ଅଟକିଛି। ପ୍ରାୟ ଉନ୍ନୟନ କାର୍ଯ୍ୟରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ ହୋଇଛି। ତେଣୁ ଏଥର ନୂଅଁା ଚେହେରା ଉପାଧ୍ୟକ୍ଷ ପଦ ହାତେଇଲେ ସହରବାସୀ ତାଙ୍କୁ ଅଧିକ ପସନ୍ଦ କରିବେ ବୋଲି ମତପ୍ରକାଶ ପାଉଛି।
ପଞ୍ଚାୟତ ନିର୍ବାଚନ କଥା ଦେଖିଲେ ବିଧାୟକ ଅଶୋକ ବଳ ସମର୍ଥିତ ସମିତି ସଭ୍ୟଙ୍କୁ ଏକତ୍ର କରି ଶେଷ ମୁହୂର୍ତ୍ତରେ ତଥା ଭୋଟ ସମୟରେ ହିଁ କୋରେଇ ବ୍ଲକ ଅଧ୍ୟକ୍ଷ ବାଛିଥିଲେ। ତେଣୁ ଏଠାରେ କୌଣସି ବିଦ୍ରୋହ ଦେଖାଯାଇ ନ ଥିଲା। କୋରେଇ ନିର୍ବାଚନମଣ୍ଡଳୀ ଅନ୍ତର୍ଗତ ବ୍ୟାସନଗର ମ୍ୟୁନିସିପାଲିଟି ଉପାଧ୍ୟକ୍ଷ ଚୟନ ଅନୁରୂପ ଭାବେ ହୋଇପାରେ ବୋଲି ଆଲୋଚନା ହେଉଛି। ତେବେ ବ୍ୟାସନଗର ସହର ତଥା ଦଳର ବୃହତ୍ତର ସ୍ବାର୍ଥ ଦୃଷ୍ଟିରୁ ଦଳୀୟ ନେତୃବୃନ୍ଦ ଏ ନେଇ ଉପଯୁକ୍ତ ନିଷ୍ପତ୍ତି ନେବେ ବୋଲି ଦଳୀୟ କର୍ମୀ ମହଲରେ ମତ ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?