ଅଠରନଳାରେ ବଢ଼ୁଛି ବଟି ଆଦାୟ

ପୁରୀ ଅଫିସ,୧୨।୮: ପୁରୀ ଅଠରନଳା ଛକରେ ଥିବା ଅଟୋ ଷ୍ଟାଣ୍ଡରେ ଚାଳକମାନଙ୍କୁ ବଟି ମଗାଯାଉଥିବା ଅଭିଯୋଗ ହେଉଛି। ଯାତ୍ରୀଙ୍କୁ ଅଠରନଳା ଛକରୁ ଉଠାଇଲେ ଅଟୋ ପିଛା ୨୦ରୁ ୫୦ଟଙ୍କା ଦେବାକୁ ବାଧ୍ୟ କରାଯାଉଛି। କୌଣସି ଅଟୋ ମାଲିକ ବଟି ଦେବାକୁ ମନା କଲେ, ଧମକଚମକ ସହ ମାଡ଼ ମଧ୍ୟ ମରାଯାଉଛି। ଦୁର୍ବୃତ୍ତମାନଙ୍କ ଏଭଳି ବଟି ମାଗିବା ଦିନକୁଦିନ ବଢ଼ିଚାଲିଥିବା ବେଳେ ଅଟୋ ଚାଳକମାନେ ହଇରାଣ ହେଉଛନ୍ତି। ତେଣୁ ଏଥିପ୍ରତି ପୋଲିସ ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
ସାଧାରଣ ପୁରୀକୁ ଆସୁଥିବା ଯାତ୍ରୀବାହୀ ଗାଡ଼ି ଅଧିକାଂଶ ଅଠରନଳାରେ ଅଟକୁଛି। ସେଠାକାର ସ୍ଥାନୀୟ ଲୋକେ ବସ୍‌ ଅଟକିଥିବାମାନେ ଯାତ୍ରୀଙ୍କୁ ଘେରି ଯାଉଛନ୍ତି ଓ ଗୋଟିଏ ସ୍ଥାନରେ ରୁଣ୍ଡ କରି ନେଉଛନ୍ତି। କୌଣସି ଅଟୋ ଚାଳକ ଯାତ୍ରୀଙ୍କୁ ନେଇ ସହର ଭିତରକୁ ଆସିଲେ, ସେମାନଙ୍କୁ ପ୍ରତି ଅଟୋ ପିଛା ଟଙ୍କା ମଗାଯାଉଛି। ସ୍ଥାନୀୟ ଅଟୋଚାଳକମାନେ କମ୍‌ ଟଙ୍କା ଦେଉଥିବା ବେଳେ ସହର ବାହାରର ଅଟୋ ଚାଳକଙ୍କୁ ଅଧିକ ବଟି ମଗାଯାଉଛି। ସେହିଭଳି ଯାତ୍ରୀମାନେ ଭୁବନେଶ୍ୱର ଫେରନ୍ତା କାର୍‌ରେ ମଧ୍ୟ ଅଠରନଳାରୁ ଚଢୁଛନ୍ତି। ସ୍ଥାନୀୟ ଅସାମାଜିକ ଯୁବକମାନେ ଟ୍ୟାକ୍ସି ଚାଳକଙ୍କୁ ୫୦ରୁ ଶହେ ଟଙ୍କା ପର୍ଯ୍ୟନ୍ତ ଦାବି କରୁଛନ୍ତି। ନଚେତ୍‌ ବସ୍‌ ମାଲିକ ସଂଘକୁ କହି ବେପାର ବନ୍ଦ କରିଦେବା ନେଇ ଧମକ ଦିଆଯାଉଛି। ଅଠରନଳା ଛକରୁ ୧୦୦ ମିଟର ଦୂରରେ କୁମ୍ଭାରପଡ଼ା ଥାନା ଅବସ୍ଥିତ ହୋଇଥିଲେ ମଧ୍ୟ ଥାନା କର୍ମଚାରୀମାନେ ଏନେଇ ଧ୍ୟାନ ଦେଉନାହାନ୍ତି। ଦିନତମାମ୍‌ ଦାଦାବଟି ଆଦାୟ ହେଉଥିବା ବେଳେ ପୋଲିସ କେବଳ ନୀରବଦ୍ରଷ୍ଟା ସାଜିଛି। ବସ୍‌ ଲାଗିବା ମାତ୍ରେ ୨ଜଣ ଯୁବକ ମଧ୍ୟରୁ ଜଣେ ଅଟୋ ପାଖରେ ଓ ଅନ୍ୟ ଜଣେ ବସ୍‌ ପାଖରେ ପହଞ୍ଚୁଛନ୍ତି। ଯାତ୍ରୀଙ୍କୁ ଜୋର ଜବରଦସ୍ତ ଭାବେ ଅଟୋ ପାଖକୁ ଯିବା ପାଇଁ କୁହାଯାଉଛି। ଅଟୋଚାଳକ ସେମାନଙ୍କୁ ଆଣି ଗାଡ଼ିରେ ବସାଇବା ପରେ ଅଟୋ ପାଖରେ ଥିବା ଯୁବକ ଟଙ୍କା ମାଗୁଛନ୍ତି। ଗ୍ରାହକ ଧରି ଅଟୋ ଚାଳକ କିଛି ସମୟ ଯୁକ୍ତି କରୁଛନ୍ତି ଓ ପରେ ଟଙ୍କା ଦେଇ ଯାଉଛନ୍ତି। ସିଦ୍ଧମହାବୀରର ଜଣେ ଅଟୋ ଚାଳକ ନିଜ ନାମ ଗୋପନ ରଖି କହିଛନ୍ତି, ପ୍ରତି ଦିନ ଏଭଳି ହେଉଛି। ଯାତ୍ରୀଙ୍କୁ ଆମେ ଡାକି ଆଣୁଥିଲେ ମଧ୍ୟ ଅଠରନଳା ଛକରେ ଜବରଦସ୍ତ ବଟି ନିଆଯାଉଛି। ଏ ନେଇ ଅଟୋ ଚାଳକ ସଂଘରେ ଆଲୋଚନା କରିବୁ ଓ ଏସ୍‌ପିଙ୍କ ଦ୍ୱାରସ୍ଥ ହେବୁ। ଏ ନେଇ କୁମ୍ଭାରପଡ଼ା ଥାନାଧିକାରୀ ଦିଲୀପ କୁମାର ସ୍ବାଇଁ କହିଛନ୍ତି, ଅଠରନଳା ଅଞ୍ଚଳରେ ପୋଲିସ ପଇଁତରା ମାରୁଛି। ଏଭଳି ଘଟଣା ସାମ୍ନାକୁ ଆସି ନାହିଁ। ଯଦି କୌଣସି ଏଭଳି ଘଟଣା ଘଟୁଛି, ତେବେ ଶୁକ୍ରବାର ଅଠରନଳା ଛକରେ ଚେକିଂ କରାଯିବ ଏବଂ ଧରାପଡ଼ିଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?