ଆପଣ ନିଶ୍ଚିତ ଦୁନିଆର ଅନେକ ପ୍ରି-ମାଚ୍ୟୁୟର ଶିଶୁଙ୍କ ବିଷୟରେ ଶୁଣିଥିବେ। କିଛି ପିଲା ୪୦୦ରୁ ୮୦୦ ଗ୍ରାମ ଭିତରେ ହୋଇଥାନ୍ତି। କିନ୍ତୁ ଏବେ ଏକ ଶିଶୁ ମାତ୍ର ୨୨ ସପ୍ତାହରେ ଜନ୍ମ ନେଇଛି। ଯାହାକୁ ଦୁନିଆର ସବୁଠାରୁ ଛୋଟ ଶିଶୁ କୁହାଯାଉଛି। ମାତ୍ର ଏହାର ଓଜନ ୩୫୦ ଗ୍ରାମ୍ ଥିବା ବେଳେ ଜନ୍ମରେ କୌଣସି ଅସୁବିଧା ହୋଇନାହିଁ। ଏହା ଦେଖି ଡାକ୍ତରମାନେ ମଧ୍ୟ ଆଶ୍ଚର୍ଯ୍ୟ ହୋଇଛନ୍ତି।
View this post on Instagram
ଏହି ଘଟଣା ଆମେରିକାରେ ଘଟିଛି। ଜଣେ ମହିଳାଙ୍କୁ ଯେତେବେଳେ ସେଣ୍ଟ୍ ଫ୍ରାନ୍ସିସ ହସ୍ପିଟାଲରୁ ଘରକୁ ଯାଉଥିଲା, ହସ୍ପିଟାଲର ସମସ୍ତ କର୍ମଚାରୀ ଉତ୍ସବ ପାଳନ କରୁଥିଲେ। ତାଙ୍କର ଖୁସି ଖୁସିରେ କରତାଳି ଦେଇ ବିଦାୟ ଜଣାଇଥିଲେ। ଡାକ୍ତରମାନେ କହିଛନ୍ତି, ଯେତେବେଳେ ଫ୍ରାନ୍ସିସ ଆଙ୍ଗୁଏରା ଫେବୃୟାରୀ ୧୮ରେ ଡାକ୍ତରଖାନାକୁ ଆସିଥିଲେ, ସେତେବେଳେ ସେ ପ୍ରବଳ ଯନ୍ତ୍ରଣା ଅନୁଭବ କରିଥିଲେ। ଫେବୃୟାରୀ ୨୨ ସକାଳେ ଏକ ଶିଶୁ କନ୍ୟା ଜନ୍ମ ହୋଇଥିଲା। ସେହି ସମୟରେ ଶିଶୁର ଓଜନ ମାତ୍ର ୩୫୦ ଗ୍ରାମ ଥିଲା। ଏହା ଦେଖି ଡାକ୍ତରମାନେ ଭୟଭୀତ ହୋଇଥିଲେ। କାରଣ ସେ ଏତେ ଛୋଟ ପିଲାକୁ କେବେ ମଧ୍ୟ ଦେଖି ନ ଥିଲେ। ଏହା ଏତେ ଛୋଟ ଥିଲା ପାପୁଲିରେ ରହିଯାଉଥିଲା।
ମହିଳା ଜଣକ ତାଙ୍କ କାହାଣୀକୁ ବିଶ୍ୱ ସହ ଶେୟାର କରିଛନ୍ତି। ସେ କହିଛନ୍ତି, ଯେତେବେଳେ ତାଙ୍କ ଝିଅ ଜନ୍ମ ହେଲା ସେ ନିମୋନିଆରେ ପୀଡ଼ିତ ଥିଲେ। ଉଭୟଙ୍କ ପ୍ରତି ବହୁତ ବିପଦ ଥିଲା। କିନ୍ତୁ ଡାକ୍ତରଖାନାର ଡାକ୍ତରମାନେ ତୁରନ୍ତ ଚିକିତ୍ସା ଆରମ୍ଭ କରିଥିଲେ। ପ୍ରାରମ୍ଭରେ ଏହା ଲାଗୁଥିଲା କି ବଞ୍ଚାଇବା କଷ୍ଟସାଧ୍ୟ ହୋଇପାରେ, କିନ୍ତୁ ଡାକ୍ତରମାନେ ପରିସ୍ଥିତିର ଯତ୍ନ ନେଇଥିଲେ ଏବଂ ତାଙ୍କର ଯତ୍ନ ନେଇଥିଲେ। ପ୍ରାୟ ୪ ମାସ ଧରି ଚିକିତ୍ସା ଚାଲିଥିଲା ଏବଂ ଗୁରୁବାର ଝିଅଟି ତାଙ୍କ ଘରେ ପହଞ୍ଚିଛି। ବର୍ତ୍ତମାନ ତା’ର ଓଜନ ୭.୫ ପାଉଣ୍ଡ ଅର୍ଥାତ୍ ୩.୪୦ କିଲୋଗ୍ରାମ ହୋଇଛି।
ଡାକ୍ତରଙ୍କ କହିବାନୁସାରେ, ଏଭଳି ପିଲାମାନଙ୍କର ବଞ୍ଚିବାର ସମ୍ଭାବନା ବହୁତ୍ କମ୍। କାରଣ ସେମାନଙ୍କର ସମ୍ପୂର୍ଣ୍ଣ ଶରୀର ବିକାଶ ହୋଇ ନ ଥାଏ। ଭଗବାନଙ୍କୁ ଧନ୍ୟବାଦ ଏହି ଝିଅର କୌଣସି ଅସୁବିଧା ନାହିଁ। ହସ୍ପିଟାଲର ନିର୍ଦ୍ଦେଶକ ଜୋସେ ଆରିୟାସ-କାମିସନ କହିଛନ୍ତି, ଝିଅଟି ନିରାପଦ ଭାବରେ ଘରକୁ ଫେରିବା ଆମ ପାଇଁ ଏକ ଭାବପ୍ରବଣ ମୁହୂର୍ତ୍ତ ଥିଲା। ମୁଁ ଶିଶୁକୁ ଭଲ ପାଏ। ମୁଁ ସେହି ଝିଅକୁ ବି ବହୁତ ଭଲ ପାଇବା ଆରମ୍ଭ କଲି।
କହିରଖୁଛୁ, ଏହି ଶିଶୁ ପୂର୍ବରୁ ମଧ୍ୟ ଆମେରିକାର ସବୁଠାରୁ ଅପରିପକ୍ୱ ଶିଶୁ କୁର୍ଟିସ ଜି-କିଟ ମେନ୍ସ, ଯିଏ ୫ ଜୁଲାଇ ୨୦୨୦ରେ ଆଲବାମାର ଆଲବାମା ବର୍ମିଂହାମ ହସ୍ପିଟାଲରେ ମାତ୍ର ୨୧ ସପ୍ତାହରେ ଜନ୍ମଗ୍ରହଣ କରିଥିଲେ।
