ମୁମ୍ବାଇ: ଏବେ ଆସିଛି ଷ୍ଟାର କିଡଙ୍କ ଜମାନ । ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା, ଶାହାରୁଖ ଖାଁଙ୍କ ଝିଅ ସୁହାନା ଖାଁ ଓ ଶ୍ରୀଦେବୀଙ୍କ ସାନ ଝିଅ ଖୁସି କପୁର ଖୁବଶୀଘ୍ର ଆକ୍ଟିଙ୍ଗ ଡେବ୍ୟୁ କରିବାକୁ ଯାଉଛନ୍ତି । ନିର୍ଦ୍ଦେଶକ ଜୋୟା ଅଖତରଙ୍କ ଫିଲ୍ମ ‘ଦ ଆର୍ଚିଜ’ରେ ଏମାନେ ନଜର ଆସିବେ । ଏହି ଫିଲ୍ମକୁ ବେଶ କିଛି ଦିନ ହେବ ଦର୍ଶକେ ଅପେକ୍ଷା ରଖିଛନ୍ତି । ନେଟଫ୍ଲିକ୍ସରେ ରିଲିଜ ହେବାକୁ ଥିବା ଏହି ଫିଲ୍ମର ଫାଷ୍ଟ ଲୁକ ଏବେ ସାମ୍ନାକୁ ଆସିଛି । ଏହାର ଏକ ମଜାଦାର ଭିଡିଓ ଜୋୟା ଅଖତର ଶେୟାର କରିଛନ୍ତି । ଭିଡିଓରେ ପୂରା ଷ୍ଟାରକାଷ୍ଟଙ୍କୁ ଦେଖିବାକୁ ମିଳିଛି । ଏହା ନୂଆ ୟଙ୍ଗଷ୍ଟାର୍ଙ୍କ ଇଣ୍ଟ୍ରୋଡକଶନ ଭିଡିଓ । ଏଥିରେ ସମସ୍ତ ୟଙ୍ଗ ସେଲିବ୍ରିଟି ଖୁବ୍ ଖୁସି ଥିବା ନଜର ଆସିଛି କିଏ ସାଇକେଲ ଚଲାଉଛି ତ କିଏ ଗିଟାର ବଜାଉଛି, କିଏ ନାଚକୁଦରେ ବ୍ୟସ୍ତ ପୁଣି ସମସ୍ତେ ମିଶି ପିକନିକ କରୁଛନ୍ତି ।
ଅମିତାଭ ତାଙ୍କ ନାତିଙ୍କ ଆକ୍ଟିଙ୍ଗ ଡେବ୍ୟୁରେ ଖୁବ ଖୁସିଥିବା ସହ ସମସ୍ତଙ୍କୁ ଶୁଭକାମନା ଦେଇଛନ୍ତି । ସେ ତାଙ୍କ ଇନଷ୍ଟାଗ୍ରାମରେ ‘ଦ ଆର୍ଚିଜ’ର ପୋଷ୍ଟରକୁ ବି ଶେୟାର କରିଛନ୍ତି । ଆଉ ଲେଖିଛନ୍ତି, ଆଉ ଏକ ସକାଳ, ମୋ ନାତି ଅଗସ୍ତ୍ୟ, ମୋର ଆଶୀର୍ବାଦ, ଲଭ ୟୁ, ପ୍ରସ୍ତୁତ ହୋଇଯାଅ ସ୍ୱପ୍ନରେ ବୁଡି ଯିବାକୁ , ଜୋୟା ଅଖତରଙ୍କ ଫିଲ୍ମ ‘ଦ ଆର୍ଚିଜ’ ଖୁବଶୀଘ୍ର ଆସୁଛି ନେଟଫ୍ଲିକ୍ସରେ ।
