ମୁମ୍ବାଇ: ପଶ୍ଚିମବଙ୍ଗର ଟିଏମ୍ସି ନେତ୍ରୀ ତଥା ବଙ୍ଗଳା ଫିଲ୍ମର ଜଣାଶୁଣା ଅଭିନେତ୍ରୀ ନୁସ୍ରତ ଜାହାଁ ସବୁବେଳେ କିଛି ନା କିଛି କାରଣକୁ ନେଇ ଚର୍ଚ୍ଚାରେ ରହିଥାନ୍ତି। ଅତୀତରେ ସେ ତାଙ୍କ ବିବାହକୁ ନେଇ ଚର୍ଚ୍ଚାକୁ ଆସିଥିଲେ। ପରେ ତାଙ୍କର ମା’ ହେବା ଖବର ବି ଚର୍ଚ୍ଚାରେ ଥିଲା। ସବୁଠୁ ଅଧିକ ଚର୍ଚ୍ଚାରେ ଥିଲା ତାଙ୍କ ସନ୍ତାନର ପିତା କିଏ। ସେ ଯାହା ବି ହେଉ ନୁସରତ ନିଜେ ସୋସିଆଲ ମିଡିଆରେ ସ୍ପଷ୍ଟ କରିଥିଲେ କି ତାଙ୍କ ପିଲାର ପିତା ହେଉଛନ୍ତି ୟଶ ଦାସଗୁପ୍ତା। ନିକଟରେ ନୁସରତ କାଶ୍ମୀର ବୁଲିବାକୁ ଯାଇଥିଲେ। ଏହି ସମୟର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ପ୍ରଶଂସକମାନଙ୍କ ପାଇଁ ଶେୟାର କରିଥିଲେ। ଏବେ ନୁସ୍ରତଙ୍କ ଆଉ ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ତାଙ୍କୁ ଜିମ୍ରେ ବହୁତ ବୋଲ୍ଡ ଷ୍ଟାଇଲରେ ଦେଖିବାକୁ ମିଳିଛି।
ଭିଡିଓଟିକୁ ସେ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମ ହ୍ୟାଣ୍ଡେଲରେ ପୋଷ୍ଟ କରିଛନ୍ତି। ଭିଡିଓରେ ସେ ଓ୍ବାର୍କଆଉଟ୍ କରୁଥିବା ନଜର ଆସିଛନ୍ତି। କେଉଁ ଜିମ୍ ସେଣ୍ଟରରେ ଅଛନ୍ତି, ତାହା ସ୍ପଷ୍ଟ ଭାବରେ ଜଣାପଡୁନାହିଁ ମାତ୍ର ଏକ ଇଂରାଜୀ ଗୀତ ବୋଲୁଛନ୍ତି। ଏହି ଭିଡିଓରେ ସେ ଝାଳରେ ଭିଜିଥିବାର ନଜର ଆସିଛନ୍ତି। ସେ ଏକ କଳା ଏବଂ ବାଇଗଣୀ ରଙ୍ଗର ଡ୍ରେସ୍ ପିନ୍ଧିଛନ୍ତି। ପ୍ରଶଂସକମାନେ ନୁସରତଙ୍କ ଏହି ଭିଡିଓକୁ ବହୁତ ପସନ୍ଦ କରିଛନ୍ତି।
