ମୁମ୍ବାଇ: ‘କୁଛ୍ କୁଛ୍ ହୋତା ହେ’ର ତାଙ୍କର କହିବା ଅନ୍ଦାଜ, ‘କଭି ଅଲବିଦା ନା କେହନା’ ତାଙ୍କର ଅଭ୍ୟାସ। ଦୁନିଆକୁ ସେ ‘ମହୋବତ’ କରିବା ଶିଖାଇଲେ। ହୃଦୟର କଥା କହିବାକୁ ଡେରି କର ନାହିଁ କାରଣ ସେ କହିଛନ୍ତି ‘କଲ ହୋନା ହୋ’। ତେବେ ଆମେ ଆପଣଙ୍କୁ କରଣ ଜୋହରଙ୍କ ବିଷୟରେ କହୁଛୁ, ଯିଏ ଦୁନିଆକୁ ‘ଇସ୍କ ବାଲା ଲଭ୍’ ବିଷୟରେ କହିଥିଲେ। ରିଲ ଲାଇଫ୍ରେ କରଣଙ୍କ ନିର୍ଦ୍ଦେଶିତ ଫିଲ୍ମ ହିଟ୍ ହେଉଥିବା ବେଳେ ରିଅଲ ଲାଇଫ୍ରେ ତାଙ୍କ ଲଭ୍ ଷ୍ଟୋରି ଫ୍ଲଫ୍ ହେଇଯାଇଥିଲା। ତାଙ୍କ ପ୍ରେମକୁ ସେ କହି ପାରି ନ ଥିଲେ ଯାହା ଏକପାଖିଆ ହୋଇ ରହି ଯାଇଥିଲା। ବଲିଉଡ୍ ଲଭ୍ ଫିଲ୍ମର ହିରୋ କରଣଙ୍କ ଆଜି ଜନ୍ମଦିନ। ତେବେ ସେହି ରୋମାଣ୍ଟିକ୍ ହିରୋଙ୍କ ରିଅଲ୍ ଲାଇଫର ରୋମାଣ୍ଟିକ୍ ଷ୍ଟୋରି କହିବାକୁ ଯାଉଛୁ। ତାଙ୍କ ଜୀବନର ପ୍ରଥମ ଲେଡି ଲଭ୍।
୨୫ ମେ ୧୯୭୨ରେ ମୁମ୍ବାଇରେ ହିରୋ ଜୋହର ଏବଂ ୟଶ୍ ଜୋହରଙ୍କ ପରିବାରେ ଜନ୍ମ ହୋଇଥିବା କରଣଙ୍କୁ କିଏ ଅବା ନ ଜାଣେ। ଫିଲ୍ମରେ ରୋମାଣ୍ଟିକ୍ ଅନ୍ଦାଜରେ ଦେଖାଯାଉଥିବା କରଣ ନିଜ ବ୍ୟକ୍ତିଗତ ଜୀବନରେ ଏକୁଟିଆ। ପ୍ରଥମ ପ୍ରେମରୁ ଧୋକା ପାଇବା ପରେ ସେ ସବୁବେଳେ ଏକୁଟିଆ ରୁହନ୍ତି ବୋଲି ଏକ ସାକ୍ଷାତକାରରେ କହିଛନ୍ତି।
କରଣଙ୍କ ପ୍ରଥମ ପ୍ରେମ ଟ୍ବିଙ୍କିଲ୍ ଖନ୍ନା। ଟ୍ବିଙ୍କିଲ ଏବଂ କରଣ ପଞ୍ଚଗନିର ବୋର୍ଡିଂ ସ୍କୁଲରେ ଏକାଠି ପଢୁଥିଲେ। ଉଭୟଙ୍କ ବନ୍ଧୁତା ସ୍କୁଲରେ ଫେମସ୍ ଥିଲା। ଦୁହେଁ ଫିଲ୍ମ ପରିବାରର ଅଟନ୍ତି, ତେଣୁ ସେମାନଙ୍କର ବଣ୍ଡିଗଂ ବହୁତ ଭଲ ଥିଲା। ସ୍କୁଲରୁ କରଣ, ଟ୍ବିଙ୍କିଲ୍ଙ୍କୁ ଭଲ ପାଉଥିଲେ। ତେବେ ଟ୍ବିଙ୍କିଲଙ୍କ ପୁସ୍ତକ ‘ମିସେସ୍ ଫନିବୋନ୍ସ’ର ଉନ୍ମୋଚନ ସମୟରେ କରଣ ତାଙ୍କ ଲଭ୍ ଲାଇଫ୍କୁ ପ୍ରକାଶ କରିଥିଲେ। କରଣଙ୍କୁ ମଧ୍ୟ ଟ୍ବିଙ୍କିଲ୍ ଭଲ ପାଉଛନ୍ତି ବୋଲି ସ୍ବୀକାର କରିଥିଲେ।
ଏଠାରେ କହି ରଖୁଛି କି, କରଣଙ୍କ ପ୍ରେମ୍ ଏକପାଖିଆ ଥିଲା। କରଣଙ୍କ ପ୍ରଥମ ଫିଲ୍ମ ‘କୁଛ୍ କୁଛ୍ ହୋତା ହୋତା ହେ’ର ଟିନା ଚରିତ୍ର ପାଇଁ କରନ୍ ଟ୍ବିଙ୍କିଲଙ୍କୁ ବାଛିଥିଲେ। କିନ୍ତୁ ଟ୍ବିଙ୍କିଲ୍ ଏନେଇ ସିଧା ମନା କରି ଦେଇଥିଲେ। କରଣଙ୍କୁ ଏହା ଆଘାତ ଦେଇଥିଲା। ଟ୍ବିଙ୍କିଲ୍ ଅଭିନେତା ଅକ୍ଷୟ କୁମାରଙ୍କୁ ୧୭ ଜାନୁଆରୀ ୨୦୦୧ରେ ବିବାହ କରିଥିଲେ ଯାହାକୁ ନେଇ କରଣ ଭାଙ୍ଗି ପଡିଥିଲେ।
