କଟକ ସଦର,୧୨ା୧୧(ଡି.ଏନ୍.ଏ.): କଟକ ସଦର ଥାନା ହାଜତରୁ ଗୁରୁବାର ସକାଳେ ଜଣେ ଅଭିଯୁକ୍ତ ଚମ୍ପଟ ମାରିଛନ୍ତି। ସେ ହେଲେ ବ୍ରାହ୍ମଣଝରିଲୋ ଅଞ୍ଚଳର ବସିର ଖଁା ଓରଫ୍ ଜୁଗା। ଏନେଇ ପୋଲିସ ଦଫା ୨୨୫ରେ ମାମଲା (ନଂ.୫୯୩/୨୦)ରୁଜୁକରି ତଦନ୍ତ ଚଳାଇଛି। ପ୍ରକାଶ ଯେ, ଅକ୍ଟୋବର ୨୯ରେ ଜୁଗା ବ୍ରାହ୍ମଣଝରିଲୋସ୍ଥିତ ଜଗନ୍ନାଥ ସେବା ସମବାୟ ସମିତିର ମିନିବ୍ୟାଙ୍କରେ ପଶି ଷ୍ଟାଫମାନଙ୍କୁ ଦାଦାବଟି ମାଗିବା ସହ ଗାଳିଗୁଲଜ କରିଥିଲା। ଏଥିସହ କ୍ୟାସ କାଉଣ୍ଟରର କାଚ ମଧ୍ୟ ଭାଙ୍ଗି ଦେଇଥିଲା। ଏ ନେଇ ଜୁଗାଙ୍କ ବିରୋଧରେ ମାମଲା (ନଂ.୫୭୬/୨୦) ରୁଜୁ ହୋଇଛି। ଏହି ଘଟଣାରେ ବୁଧବାର ପୋଲିସ ଜୁଗାଙ୍କୁ ଥାନାରେ ପଚରାଉଚରା କରିବା ସହ ଅଟକ ରଖିଥିଲା। ରାତିରେ ପେଟ ଖରାପ ଅଛି କହିବା ସହ ପ୍ୟାଣ୍ଟରେ ମଳତ୍ୟାଗ କରିଥିଲା। ଗୁରୁବାର ସକାଳେ ସୁରକ୍ଷା କର୍ମୀଜଣଙ୍କ ହାଜତ ଖୋଲିବା ମାତ୍ରେ ଜୁଗା ତାଙ୍କୁ ଧକ୍କା ମାରି ଫେରାର ହୋଇଯାଇଥିଲା। ଅଭିଯୁକ୍ତ ଜୁଗାଙ୍କୁ ଧରିବା ପାଇଁ ଏକ ସ୍ବତନ୍ତ୍ର ଟିମ୍ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି।
