ଦେଶ ପାଇଁ ଥରେ ବିଶ୍ୱକପ ଖେଳିବା ଏବଂ ଟ୍ରଫି ଜିତିବା ପ୍ରତ୍ୟେକ କ୍ରିକେଟରଙ୍କ ସ୍ବପ୍ନ ଥାଏ। କିନ୍ତୁ ବିଶ୍ୱରେ ଅନେକ କ୍ରିକେଟର ଅଛନ୍ତି, ଯେଉଁମାନେ ଦେଶ ପାଇଁ ଭଲ ଖେଲିଥିଲେ ମଧ୍ୟ ବିଶ୍ୱକପ୍ ଦଳରେ ସ୍ଥାନ ପାଇ ପାରି ନ ଥିଲେ। ଏମିତି ୫ ଦୁର୍ଭାଗ୍ୟଶାଳୀ କ୍ରିକେଟରଙ୍କ ଉପରେ ନଜର ପକାଇବା:
ଭିଭିଏସ ଲକ୍ଷ୍ମଣ(ଭାରତ)
ଖେଳ ଇତିହାସରେ ଭିଭିଏସ ଲକ୍ଷ୍ମଣ ଅନ୍ୟତମ ଷ୍ଟାଇଲିସ ବ୍ୟାଟ୍ସମ୍ୟାନ। ଭିଭିଏସ ଲକ୍ଷ୍ମଣ ୧୬ ବର୍ଷ କ୍ରିକେଟ୍ କ୍ୟାରିୟରରେ ଭାରତ ପାଇଁ ୧୩୪ ଟେଷ୍ଟ ଖେଳିଥିଲେ। ଏଥିରେ ସେ ଅନେକ ମାରାଥନ ଇନିଂସ ଖେଳିଥିଲେ। ଟେଷ୍ଟରେ ଲକ୍ଷ୍ମଣ ଚମତ୍କାର ଥିଲେ, କିନ୍ତୁ ତାଙ୍କର ଦିନିକିଆ କ୍ୟାରିଅର୍ କେବେ ବି ଭଲ ଥିଲା। ୨୦୦୩ ବିଶ୍ୱକପ ଦଳରେ ଅନ୍ତର୍ଭୁକ୍ତ ହେବାର ଭିଭିଏସ ଲକ୍ଷ୍ମଣଙ୍କର ଏକ ଭଲ ସୁଯୋଗ ଥିଲା, କିନ୍ତୁ ତାଙ୍କୁ ଅଣଦେଖା କରାଯାଇଥିଲା। ତତ୍କାଳୀନ ଭାରତୀୟ ଅଧିନାୟକ ସୌରଭ ଗାଙ୍ଗୁଲି ସ୍ବୀକାର କରିଥିଲେ ଯେ ଲକ୍ଷ୍ମଣଙ୍କୁ ଅନ୍ତର୍ଭୁକ୍ତ ନ କରିବା ଭୁଲ ଥିଲା।
ଜଷ୍ଟିନ ଲାଙ୍ଗର (ଅଷ୍ଟ୍ରେଲିଆ)
ଅନେକ ପ୍ରଶଂସକ ଜଷ୍ଟିନ ଲାଙ୍ଗରଙ୍କୁ ଟେଷ୍ଟ କ୍ରିକେଟର ମହାନ ଓପନର୍ ବୋଲି ଭାବନ୍ତି। ଲାଙ୍ଗର ଏବଂ ମାଥ୍ୟୁ ହେଡେନ ସବୁଠାରୁ ବିପଜ୍ଜନକ ଓପନିଂ ଯୋଡି ମଧ୍ୟରୁ ଅନ୍ୟତମ। ଟେଷ୍ଟରେ ଲାଙ୍ଗରଙ୍କ ଆକଳନ ଅତ୍ୟନ୍ତ ପ୍ରଭାବଶାଳୀ ହୋଇଥିବାବେଳେ ଦିନିକିଆ ଫର୍ମାଟରେ ତାଙ୍କର ରେକର୍ଡ ବହୁତ ଖରାପ। ଲାଙ୍ଗର କେବଳ ଆଠଟି ଦିନିକିଆ ଖେଳିଥିଲେ। ଏଥିସହ ତାଙ୍କୁ ଅଷ୍ଟ୍ରେଲିଆ ପାଇଁ ବିଶ୍ୱକପ ଖେଳିବାର ସୁଯୋଗ ମିଳି ନ ଥିଲା।
ଆଲିଷ୍ଟାୟର୍ କୁକ (ଇଂଲଣ୍ଡ)
ଇଂଲଣ୍ଡର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରୁ ଆଲାଷ୍ଟାୟର୍ କୁକ ଅନ୍ୟତମ। ଇଂଲଣ୍ଡର ପୂର୍ବତନ ଅଧିନାୟକ ଟେଷ୍ଟ କ୍ରିକେଟରେ ୧୨ ହଜାରରୁ ଅଧିକ ରନ ସଂଗ୍ରହ କରିଥିଲେ। ଯଦିଓ ଦିନିକିଆରେ କୁକ୍ଙ୍କ ପ୍ରଦର୍ଶନ ବିଶେଷ ଭଲ ନ ଥିଲା। ୨୦୧୧ ବିଶ୍ୱକପ ପରେ ଆଣ୍ଡ୍ରିୟୁ ଷ୍ଟ୍ରାସ୍ ଇସ୍ତଫା ପରେ ଆଲେଷ୍ଟାୟର୍ କୁକ ଦିନିକିଆ ଏବଂ ଟେଷ୍ଟ ଦଳର ଅଧିନାୟକତ୍ୱ ଗ୍ରହଣ କରିଥିଲେ। ତେବେ, ୨୦୧୫ ବିଶ୍ୱକପ ପୂର୍ବରୁ ତାଙ୍କୁ ଇଂଲଣ୍ଡ ଦିନିକିଆ ଦଳର ଅଧିନାୟକତ୍ୱ ଛାଡିବାକୁ ପଡିଲା ଏବଂ ସେ ରଙ୍ଗୀନ ଜର୍ସି କ୍ରିକେଟରୁ ଦୂରେଇ ଯାଇଥିଲେ। ଆଲିଷ୍ଟେୟାର କୁକ ମଧ୍ୟ ବିଶ୍ୱକପରେ ଖେଳି ନାହାଁନ୍ତି।
ଷ୍ଟୁଆର୍ଟ ମ୍ୟାକଗିଲ (ଅଷ୍ଟ୍ରେଲିଆ)
ଷ୍ଟୁଆର୍ଟ ମ୍ୟାକଗିଲ ନିଜକୁ ଇତିହାସର ସବୁଠାରୁ୍ ଦୁର୍ଭାଗ୍ୟଶାଳୀ କ୍ରିକେଟର ଭାବରେ ବିବେଚନା କରିପାରନ୍ତି । ସେନ୍ ୱାର୍ନଙ୍କ ଯୁଗରେ, ଏହି ଲେଗ ସ୍ପିନରର ଭାଗ୍ୟ ଉଜ୍ଜ୍ୱଳ ହୋଇ ନ ଥିଲା। ଷ୍ଟୁଆର୍ଟ ମ୍ୟାକଗିଲ ଅଷ୍ଟ୍ରେଲିଆ ପାଇଁ ୪୪ଟି ଟେଷ୍ଟ ଏବଂ ତିନୋଟି ଦିନିକିଆ ଖେଳିବାକୁ ସୁଯୋଗ ପାଇଲେ। ସେ ବିଶ୍ୱକପରେ କେବେ ବି ଖେଳି ପାରି ନ ଥିଲେ।
ଇରାପାଲୀ ପ୍ରସନ୍ନ (ଭାରତ)
ଇରାପାଲୀ ପ୍ରସନ୍ନଙ୍କୁ ସର୍ବକାଳୀନ ସର୍ବଶ୍ରେଷ୍ଠ ଅଫ ସ୍ପିନର ଭାବରେ ବିବେଚନା କରାଯାଏ, କିନ୍ତୁ ବିଶ୍ୱକପରେ ସେ ଭାରତ ପାଇଁ ଖେଳିବାର ସୁଯୋଗ ପାଇ ନ ଥିଲେ। ଭାରତ ପାଇଁ ୪୯ ଟି ଟେଷ୍ଟ ମ୍ୟାଚରେ ପ୍ରସନ୍ନ ୧୮୯ ଉଇକେଟ ନେଇଥିଲେ, କିନ୍ତୁ ଚୟନକର୍ତ୍ତାମାନେ ତାଙ୍କୁ ଦିନିକିଆ ଦଳ ପାଇଁ ଚୟନ କରି ନ ଥିଲେ।
