ନୂଆଦିଲ୍ଲୀ,୭।୮: ଶ୍ରୀଲଙ୍କା ଏକାଦଶ ଟସ ଜିତି ଅଭ୍ୟାସ ମ୍ୟାଚରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା; ଫଳରେ, କଲମ୍ବୋରେ ଖେଳାଯାଉଥିବା ଏହି ମ୍ୟାଚରେ ଭାରତୀୟ ଦଳ ପ୍ରଥମେ ବୋଲିଂ କରିବ। ଏହି ଅଭ୍ୟାସ ମ୍ୟାଚର ପ୍ରଥମ ଦିନରେ ଶୁବମନ ଗିଲ ଖେଳିବେ ନାହିଁ, ତେଣୁ କେଏଲ ରାହୁଲ ଅଧିନାୟକ ଦାୟିତ୍ୱ ଗ୍ରହଣ କରିବେ। ପ୍ରଥମ ଥର ପାଇଁ ଶ୍ରୀଲଙ୍କା ସିରିଜ ପାଇଁ ଆକିବ ନବି ଏବଂ ସରାଂଶ ଜୈନଙ୍କୁ ଦଳରେ ସ୍ଥାନ ଦିଆଯାଇଛି ଏବଂ ଉଭୟ ବୋଲରଙ୍କୁ କାର୍ଯ୍ୟରେ ଦେଖିବାକୁ ମିଳିପାରେ।
କେଏଲ ରାହୁଲ ଅଭ୍ୟାସ ମ୍ୟାଚର ପ୍ରଥମ ଦିନରେ ଦଳର ନେତୃତ୍ୱ ନେବେ। ଦଳର ନିୟମିତ ଅଧିନାୟକ ଶୁବମନ ଗିଲ ଗୁରୁବାର ଅଭ୍ୟାସ କରୁଥିବା ସମୟରେ ତାଙ୍କ ଡାହାଣ ହାତର ଆଙ୍ଗୁଠିରେ ଆଘାତ ପାଇଥିଲେ। ସତର୍କତାମୂଳକ ପଦକ୍ଷେପ ସ୍ବରୂପ, ସେ ପ୍ରଥମ ଦିନରେ ନ ଖେଳିବାକୁ ନିଷ୍ପତ୍ତି ନେଇଥିଲେ। ଉଲ୍ଲେଖନୀୟ ଯେ କେଏଲ ରାହୁଲ ଟେଷ୍ଟ ଦଳର ଉପ-ଅଧିନାୟକ ମଧ୍ୟ।
ଟିମ ଇଣ୍ଡିଆ ଅଭ୍ୟାସ ମ୍ୟାଚରେ ପ୍ରଥମେ ବୋଲିଂ କରିବ। ଯଦିଓ ଏହା ଏକ ଅଭ୍ୟାସ ମ୍ୟାଚ, ପ୍ରଥମ ଥର ପାଇଁ ଆକିବ ନବି ଏବଂ ସରାଂଶ ଜୈନଙ୍କୁ ଟିମ ଇଣ୍ଡିଆ ଜର୍ସି ପିନ୍ଧି ବୋଲିଂ କରୁଥିବାର ଦେଖାଯାଇପାରେ। ଏହି ସମୟରେ, ଭାରତ ପାଇଁ ଏପର୍ଯ୍ୟନ୍ତ ଟେଷ୍ଟ ଡେବ୍ୟୁ କରି ନଥିବା ଗୁରନୂର ବ୍ରାର ମଧ୍ୟ ପ୍ରଥମ ଥର ପାଇଁ ଧଳା ଜର୍ସି ପିନ୍ଧି ପଡ଼ିଆକୁ ଓହ୍ଲାଇ ପାରନ୍ତି।
ପ୍ଲେଇଂ ଇଲେଭେନ କିପରି?
ୱାର୍ମ-ଅପ କିମ୍ବା ଅଭ୍ୟାସ ମ୍ୟାଚ ପାଇଁ ପ୍ଲେଇଂ ଇଲେଭେନକୁ ଆନୁଷ୍ଠାନିକ ଭାବରେ ଘୋଷଣା କରାଯାଏ ନାହିଁ। ଏହିପରି ପ୍ରତିଯୋଗିତା ଦଳଗୁଡ଼ିକୁ ଦଳରେ ଥିବା ପ୍ରତ୍ୟେକ ଖେଳାଳିଙ୍କୁ ଫିଲଡିଂ କରିବାର ସୁଯୋଗ ପ୍ରଦାନ କରେ। ଭାରତୀୟ ଦଳରେ 15 ଜଣ ଖେଳାଳି ଅଛନ୍ତି, ଯେଉଁମାନଙ୍କ ମଧ୍ୟରୁ 14 ଜଣ ପ୍ରଥମ ଦିନରେ ଫିଲଡିଂ କରିପାରିବେ। 15 ତମ ଖେଳାଳି ହେଉଛନ୍ତି ଶୁବମନ ଗିଲ, ଯିଏ ଆଘାତ ଯୋଗୁ ପ୍ରଥମ ଦିନ ଖେଳିପାରିବେ ନାହିଁ। ଭାରତର ସ୍କ୍ବାଡ: ଶୁବମନ ଗିଲ, ଯଶସ୍ବୀ ଜୟସୱାଲ, ସାଇ ସୁଦର୍ଶନ, ଦେବଦତ୍ତ ପାଡିକଲ, କେ.ଏଲ ରାହୁଲ (କ୍ୟାପଟେନ), ଋଷଭ ପନ୍ତ (ୱିକେଟ କିପର), ରବିନ୍ଦ୍ର ଜାଡେଜା, ଧ୍ରୁବ ଜୁରେଲ, ମାନଭ ସୂତାର, ସାରାଂଶ ଜୈନ, କୁଲଦୀବ ଯାଦବ, ମହମ୍ମଦ ସିରାଜ, ପ୍ରସିଦ୍ଧ କ୍ରିଷ୍ଣା, ଆକିବ ନବି, ଗୁରୁନୁର ବ୍ରାର।
ଶ୍ରୀଲଙ୍କା ସ୍କ୍ବାଡ: ନିଶାନ ମଦୁସ୍କା, ପାସିନ୍ଦୁ ସୋରିୟାବନ୍ଦରା, ପଓ୍ବନ ରଥନାୟାକେ, ଆହାନ ବିକ୍ରମସିଂହ, ସୋନାଲ ଦୀନୁଶା (କ୍ୟାପଟେନ), ଅଞ୍ଜାଲା ବାନ୍ଦାରା (ୱିକେଟ କିପର), ନିପୁନ ଧନଞ୍ଜୟ, ଲାହିରୁ କୁମାରା, ବିଶ୍ୱ ଫର୍ନାଣ୍ଡୋ, ଆସଙ୍କା ମନଜୁଦ ନୁଆୱାଣ୍ଟା, ରସନ୍ତା ରାସନ୍ଥା।
