ଭୁବନେଶ୍ୱର,୧୫।୭: ଦେଶର ପ୍ରମୁଖ ଶିଳ୍ପ ପ୍ରତିଷ୍ଠାନ ଟାଟା ଷ୍ଟିଲ୍ ପକ୍ଷରୁ ଏକ ଅଭିନବ ଅଭିଯାନ ‘ଟାଟା ଷ୍ଟିଲ୍-ସ୍ପ୍ରିଣ୍ଟ ଟୁ ଜିରୋ-୨୦୨୩ ଚ୍ୟାଲେଞ୍ଜ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଶିଳ୍ପ କ୍ଷେତ୍ରର ନିରନ୍ତର ଭବିଷ୍ୟତ ଲାଗି ଗ୍ରୀନ୍ ହାଇଡ୍ରୋଜେନ୍ ପ୍ରଯୁକ୍ତିର ମୁକାବିଲା ପାଇଁ ପ୍ରଯୁକ୍ତିଭିତ୍ତିକ ସମାଧାନ ପ୍ରଦାନ କରିବା ନିମନ୍ତେ ଏଭଳି ଏକ ଅଭିଯାନର ଶୁଭାରମ୍ଭ କରାଯାଇଛି। ଏପରିକି ଏହି ଘୋଷଣା ହେଉଛି, ବ୍ରିଟେନ୍-ଭାରତ ହାଇଡ୍ରୋଜେନ୍ ସହଭାଗିତାର ଏକ ପ୍ରମୁଖ ଅଂଶ। ବ୍ରିଟେନ୍ର ବିଜ୍ଞାନ ମନ୍ତ୍ରୀ ଜର୍ଜ ଫ୍ରିମ୍ୟାନ୍ ଓ ଟାଟା ଷ୍ଟିଲ୍ର ଉପସଭାପତି (ପ୍ରଯୁକ୍ତି ଓ ଆର୍ ଆଣ୍ଡ୍ ଡି) ଡ. ଦେବାଶିଷ ଭଟ୍ଟାଚାର୍ଯ୍ୟ ମିଳିତ ଭାବେ ଆଇଆଇଏସ୍ସି ବେଙ୍ଗାଲୁରୁଠାରେ ଏହି ଘୋଷଣା କରିଛନ୍ତି।
ଏ ସମ୍ପର୍କରେ ଟାଟା ଷ୍ଟିଲ୍ର ଉପସଭାପତି ଭଟ୍ଟାଚାର୍ଯ୍ୟ କହିଛନ୍ତି, ବର୍ତ୍ତମାନ ଇସ୍ପାତ ଶିଳ୍ପର ପ୍ରାଥମିକତା ହେଉଛି, ଡିକାର୍ବନାଇଜେସନ୍ ଏବଂ ତାହାକୁ ଏଭଳି ଭାବେ କରିବାକୁ ହେବ, ଯାହା ଉଭୟ ପ୍ରଯୁକ୍ତି ଓ ଅର୍ଥନୈତିକ ଦୃଷ୍ଟିକୋଣରୁ ଦୀର୍ଘସ୍ଥାୟୀ ହେବ। ବିଶେଷ କରି ଇସ୍ପାତ କ୍ଷେତ୍ରରେ ବର୍ତ୍ତମାନର କାର୍ବନ ଫୁଟ୍ପ୍ରିଣ୍ଟ ଦୀର୍ଘସ୍ଥାୟୀ ନ ଥିବା ବେଳେ ଉପଲବ୍ଧ ସ୍ବଚ୍ଛ ହାଇଡ୍ରୋଜେନ୍ କ୍ଷେତ୍ରରେ ପରିଚାଳନା ଖର୍ଚ୍ଚ ଓ ଶକ୍ତି କ୍ଷତି ଭଳି ଅନେକ ଆହ୍ବାନ ରହିଛି। ଏହି ଆହ୍ବାନଗୁଡ଼ିକର ସମାଧାନ ପାଇବା ଲାଗି ଆମେ ପ୍ରତିବଦ୍ଧ ରହିଛୁ ଏବଂ ଏହି ଉଦ୍ୟମରେ ଶିକ୍ଷା ଓ ଶିଳ୍ପ ଜଗତର ଶ୍ରେଷ୍ଠ ପ୍ରତିଭା ଯେଭଳି ହାତ ମିଳାଇବେ ତାହା ନିଶ୍ଚିତ କରିବା ଲାଗି ‘ଟାଟା ଷ୍ଟିଲ୍-ସ୍ପ୍ରିଣ୍ଟ୍ ଟୁ ଜିରୋ ୨୦୨୩’ ଭଳି ପ୍ଲାଟ୍ଫର୍ମ ସୃଷ୍ଟି କରିଛୁ। ବ୍ରିଟେନ୍ ସରକାରଙ୍କ ସହ ମିଶି ସ୍ପ୍ରିଣ୍ଟ୍ ଅଭିଯାନର ଶୁଭାରମ୍ଭ କରିଥିବାରୁ ଆମେ ବହୁତ ଖୁସି ଏବଂ ଭାରତ ଓ ବ୍ରିଟେନ୍ର ନବସୃଜନ ନୀତି ନିର୍ଦ୍ଧାରକ, ଆର ଆଣ୍ଡ୍ ଡି କମ୍ପାନୀ, ଷ୍ଟାର୍ଟଅପସ୍, ନିବେଶକ ଏବଂ ଗବେଷଣା ଦଳ ସହ କାର୍ଯ୍ୟ କରିବାକୁ ଆମେ ଚାହଁିରହିଛୁ। ସେହିଭଳି ବ୍ରିଟେନ୍ର ବିଜ୍ଞାନ, ନବସୃଜନ ଓ ପ୍ରଯୁକ୍ତି ବିଭାଗର ବିଭାଗୀୟ ରାଷ୍ଟ୍ରମନ୍ତ୍ରୀ ଫ୍ରିମ୍ୟାନ୍ କହିଛନ୍ତି, ସାରା ଦୁନିଆ ପାଇଁ ଅର୍ଥନୀତିର ମେରୁଦଣ୍ଡ ଭାବେ ଇସ୍ପାତକୁ ବିଚାର କରାଯାଉଛି। ଏପରିକି ଇସ୍ପାତ ତିଆରିରେ ବ୍ୟାପକ ଶକ୍ତି ଓ କାର୍ବନ ବ୍ୟବହାର ହୋଇଥାଏ ଏବଂ ବିଶ୍ୱ ତାପନକୁ ହ୍ରାସ କରିବା ଲାଗି ଇସ୍ପାତ ଶିଳ୍ପକୁ ସ୍ବଚ୍ଛ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଭାରତର ଇସ୍ପାତ ଶିଳ୍ପ ସହିତ ବ୍ରିଟେନ୍ର ଲୋ କାର୍ବନ ଉପତ୍ାଦନ ବିଶେଷତାର ସମ୍ମିଶ୍ରଣ ଏବଂ ଟାଟା ଷ୍ଟିଲ୍ ଭଳି ଏକ ପ୍ରଗତିଶୀଳ ଇସ୍ପାତ କମ୍ପାନୀ ସହ କାର୍ଯ୍ୟ କରି ଆମେ ଇସ୍ପାତ ଶିଳ୍ପ ଓ ଆମ ସମସ୍ତଙ୍କ ପାଇଁ ଏକ ପରିବେଶ ଦୀର୍ଘସ୍ଥାୟୀ ଭବିଷ୍ୟତ ପ୍ରଦାନ କରିବ।
