କାବୁଲ, ୧୧ ।୧୨: ଆଫଗାନିସ୍ତାନ ମିଡିଆ କର୍ମଚାରୀଙ୍କ ସପକ୍ଷରେ ରଣନୀତି ବାଣ୍ଟିବା ପରିବର୍ତ୍ତେ ଦେଶର ଗଣତନ୍ତ୍ରକୁ ପୁଣିଥରେ ଏଥିରୁ ବଞ୍ଚିତ କରିଛି । ଖାମା ପ୍ରେସ ତାଲିବାନ ସୂତ୍ରରୁ ମିଳିଥିବା ସୂଚନାକୁ ଉଲ୍ଲେଖ କରି କହିଛନ୍ତି, ଅଧିକାରୀମାନେ ଗଣମାଧ୍ୟମ ପାଇଁ ଏକ ଉପଯୁକ୍ତ ଗାଇଡ ଲାଇନ ପ୍ରସ୍ତୁତ କରିବାକୁ ଯୋଜନା କରୁଛନ୍ତି । ବଲଖ ଅଞ୍ଚଳରେ ଏକ ବୈଠକ ପରେ ସୂଚନା ଓ ସଂସ୍କୃତି ବିଭାଗର କାର୍ଯ୍ୟନିର୍ବାହୀ ମହମ୍ମଦ ୟୁନିଶ ରାଶିଦ କହିଛନ୍ତି ଏବେ ପ୍ରତିବନ୍ଧକ ଜାରି ରହିବ ।
ରାଶିଦଙ୍କ ଏହି ଟିପ୍ପଣି ମଜାର-ଏ-ଶରିଫରେ ମିଡିଆ ଓ ତାଲିବାନର କାର୍ଯ୍ୟନିର୍ବାହି ସରକାରଙ୍କ ମଧ୍ୟରେ ନିକଟରେ ଏକ ବୈଠକରେ ହୋଇଛି । ଏଥିରେ ଖବରଦାତାଙ୍କ ସ୍ୱାଧିନତା ପାଇଁ ରୋଡ ମ୍ୟାପ ପ୍ରସ୍ତୁତ କରିବା ବଦଳରେ ମିଡିଆ ଆଉଟଲେଟରେ ପ୍ରତିବନ୍ଧକ ଜାରି ରଖାଯାଇଛି । ବଲଖର ଏକ ଘରୋଇ ଗଣମାଧ୍ୟମର ମୁଖ୍ୟ ଅବଦୁଲ ବଶିର ଆବିଦ କହିଛନ୍ତି ଯେ ବର୍ତ୍ତମାନର ଶାସନ ସମୟରେ ଆମେ ଗଣମାଧ୍ୟମ ଉପରେ ନିୟନ୍ତ୍ରଣ ଅନୁଭବ କରୁଛୁ । ବୈଠକରେ ବ୍ଲୁ ପ୍ରିଣ୍ଟ ଅଭାବରୁ ଆମେ ଗୁରୁତର ଆହ୍ୱାନର ସମ୍ମୁଖିନ ହେଉଛୁ । ଖାମା ପ୍ରେସର ସ୍ଥାନୀୟ ପ୍ରତିନିଧି ସୟଦ ମହମ୍ମଦ ୟଜଦାନ କହିଛନ୍ତି, ସରକାର ଏକ ନୀତି ପ୍ରଣୟନ କରିବା ଉଚିତ ଯାହା ଉଭୟଙ୍କ ମଧ୍ୟରେ ସେତୁ ଭାବରେ କାର୍ଯ୍ୟ କରିପାରିବ । ଆଫଗାନିସ୍ତାନରେ ଖବରଦାତାଙ୍କ ବିରୋଧରେ ହୋଇଥିବା ଉଲ୍ଲଂଘନକୁ ଅନେକେ ମାନବାଧିକାର ସଙ୍ଗଠନ ନିନ୍ଦା କରିଛି । ଅନ୍ୟପଟେ ଦେଶରେ ମିଳିତ ଜାତିସଂଘର ସହାୟତା ମିଶନ ବି ନଭେମ୍ବର ରିପୋର୍ଟରେ ଅତିକମରେ ୨୦୦ ଖବରଦାତା ମାନବାଧିକାର ଉଲ୍ଲଂଘନ ବିଷୟରେ କହିଥିଲେ ।
