କାବୁଲ,୨୯ ।୧: ଆଫଗାନିସ୍ତାନର ତାଲିବାନ ସରକାର ଘରୋଇ ବିଶ୍ୱବିଦ୍ୟାଳୟରେ ମହିଳାମାନଙ୍କୁ ବୟସ୍କ ହେବା ପର୍ଯ୍ୟନ୍ତ ପ୍ରବେଶିକା ପରୀକ୍ଷାରେ ପଞ୍ଜିକରଣ ଅନୁମତି ନ ଦେବାକୁ ନିର୍ଦ୍ଦେଶ ଦେଇଛନ୍ତି । ଗଣମାଧ୍ୟମର ଏକ ରିପୋର୍ଟ ଅନୁଯାୟୀ, ଆସୋସିଏଶନ ଅଫ ପ୍ରାଇଭେଟ ୟୁନିଭର୍ସିଟି କହିଛି, ଯେ ତାଲିବାନର ଉଚ୍ଚଶିକ୍ଷା ମନ୍ତ୍ରଣାଳୟ ଏକ ଚିଠି ଲେଖି ମହିଳାଙ୍କ ନାମ ଲେଖାକୁ ସ୍ଥଗିତ ରଖିବାକୁ କହିଛନ୍ତି । ଏହି ଚିଠିରେ ଦର୍ଶାଯାଇଛି ଯେ ପରବର୍ତ୍ତି ସୂଚନା ନ ମିଳିବା ପର୍ଯ୍ୟନ୍ତ ମହିଳାମାନଙ୍କୁ ପଞ୍ଜିକରଣ ଅନୁମତି ଦିଆଯିବ ନାହିଁ । ଏହାର ଉଲ୍ଲଂଘନ କଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ସୂଚନାଯୋଗ୍ୟ, ଘରୋଇ ବିଶ୍ୱବିଦ୍ୟାଳୟରେ ନାମଲେଖା ପାଇଁ ସରକାର ଅଲଗା ପରୀକ୍ଷା କରିଥାଆନ୍ତି, ଯାହାର ପରିଚାଳନା ଉଚ୍ଚଶିକ୍ଷା ମନ୍ତ୍ରଣାଳୟ କରିଥାଏ । ପ୍ରତିବର୍ଷ ମନ୍ତ୍ରଣାଳୟ ପ୍ରବେଶିକା ପରୀକ୍ଷାର ତାରିଖ ସ୍ଥିର କରିଥାଏ । ସୂଚନଯୋଗ୍ୟ, ଗତବର୍ଷ ୨୦ ଡିସେମ୍ବରରେ ତାଲିବାନ ଉଚ୍ଚ ଶିକ୍ଷା ମନ୍ତ୍ରଣାଳୟ ସାର୍ବଜନିକ ଓ ଘରୋଇ ବିଶ୍ୱିଦ୍ୟାଳୟରେ ମହିଳାଙ୍କ ଶିକ୍ଷାକୁ ବିରୋଧ କରିଥିଲା । ଏହି ପ୍ରତିବନ୍ଧକ ପରେ ଆମେରିକା, ବ୍ରିଟେନ, ଫ୍ୟାନ୍ସ, ଜର୍ମାନୀ, କାନାଡା, ଜାପାନ, ନେଦରଲ୍ୟାଣ୍ଡସ, ସ୍ପେନ, ସ୍ୱିଜରଲ୍ୟାଣ୍ଡ ଓ ୟରୋପୀୟ ସଂଘ ତାଲିବାନକୁ ଏମିତି ନ କରିବାକୁ ଚେତାବନୀ ଦେଇଥିଲେ ।
