ଭୋଗରାଇ, ୯।୧୧(ଡି.ଏନ.ଏ.)-ପ୍ରାଥମିକ ବିଦ୍ୟାଳୟ ଖୋଲିବା ଦାବିରେ ବାଲେଶ୍ୱର ଜିଲା ଭୋଗରାଇ ବ୍ଲକ ସମ୍ମୁଖରେ ସୋମବାର ବାରବାଟିଆ ଆଦିବାସୀ ପ୍ରାଥମିକ ବିଦ୍ୟାଳୟ ଓ ଘଣ୍ଟିଲୋଡ଼ି ପ୍ରାଥମିକ ବିଦ୍ୟାଳୟର ଛାତ୍ରୀଛାତ୍ର ଓ ଅଭିଭାବକମାନେ ବିକ୍ଷୋଭ ପ୍ରଦର୍ଶନ କରିଥିଲେ। ବହୁ ଛାତ୍ରୀଛାତ୍ର ଥାନାଛକଠାରୁ ଶୋଭାଯାତ୍ରାରେ ବାହାରି ସରକାର ତୁମେ ଅଣ୍ଡା, ଚାଉଳ ଫେରାଇ ନେଇ ଆମ ସ୍କୁଲ ଚାଲୁ କର ସ୍ଲୋଗାନ ଦେଇ ବ୍ଲକ ସମ୍ମୁଖରେ ପହଞ୍ଚତ୍ଥିଲେ। ଡିଏସ୍ଓ ଛାତ୍ରନେତା ହରେକୃଷ୍ଣ ଦାସ ରାଜ୍ୟ ଓ କେନ୍ଦ୍ର ସରକାରଙ୍କ ଶିକ୍ଷାମାରଣ ନୀତିର ତୀବ୍ର ସମାଲୋଚନା କରିଥିଲେ।
ରାଜ୍ୟ ସରକାର ଭୋଗରାଇର ୯ଟି ପ୍ରାଥମିକ ବିଦ୍ୟାଳୟ ବନ୍ଦ କରାଯିବାକୁ ନିର୍ଦ୍ଦେଶ ଦେଇଥିବାରୁ ଭୋଗରାଇରେ ଡିଏସ୍ଓ ଛାତ୍ର ସଙ୍ଗଠନ, ଅଭିଭାବକ ଓ ଶିକ୍ଷାପ୍ରେମୀମାନେ ଅବିଳମ୍ବେ ବିଦ୍ୟାଳୟଗୁଡ଼ିକୁ ଚାଲୁ ରଖି ଶିକ୍ଷାଦାନ କରିବାକୁ ଦାବି ହେଉଛି।
