ଉପକାରୀ କାଢ଼ା

ସାମ୍ପ୍ରତିକ ପରିସ୍ଥିତିରେ କରୋନା ଭୂତାଣୁର କୁପ୍ରଭାବ ଦ୍ୱାରା ବିଶ୍ୱବାସୀ ଆଶଙ୍କାରେ ଏକ ଦ୍ୱନ୍ଦ୍ୱ ମାନସିକତା ଦେଇ ଗତିକରୁଥିବା ବେଳେ, ବର୍ତ୍ତମାନ ସୁଦ୍ଧା ‘କୋଭିଡ୍‌-୧୯’ ଭୂତାଣୁକୁ ପ୍ରତିରୋଧ ପାଇଁ କୌଣସି ପ୍ରତିଷେଧକ ଟିକା କିମ୍ବା ଔଷଧ ପ୍ରସ୍ତୁତି ହୋଇପାରିନାହିଁ। ଏପରି ସ୍ଥଳେ ନିଜେ ନିଜ ଶରୀରରେ ରୋଗ ପ୍ରତିରୋଧକଶକ୍ତି ବୃଦ୍ଧି କରାଇ କୋଭିଡ୍‌-୧୯ ଭୂତାଣୁର ପ୍ରତିରୋଧ ନିମନ୍ତେ ସମସ୍ତେ ଚେଷ୍ଟା କରିବା ଜରୁରୀ ଅଟେ। ଭାରତୀୟ ଆୟୁର୍ବେଦ ଚିକିତ୍ସା ପଦ୍ଧତିରେ ବର୍ଣ୍ଣିତ ବିଭିନ୍ନ ପ୍ରାକୃତିକ ଚିକିତ୍ସା ପ୍ରଣାଳୀ ଦ୍ୱାରା ଶରୀରରେ ରୋଗ ପ୍ରତିରୋଧକଶକ୍ତି ବୃଦ୍ଧି ନିମନ୍ତେ କେତେକ ବ୍ୟବସ୍ଥା ରହିଛି ।
କାଢ଼ା(କ୍ୱାଥ): ଶରୀରରେ ରୋଗପ୍ରତିରୋଧକ ଶକ୍ତି ବୃଦ୍ଧି ନିମନ୍ତେ ‘କାଢ଼ା’ ସେବନ କରିବା ଜରୁରୀ। କାଢ଼ା ସେବନ ଦ୍ୱାରା ଶରୀରରେ ଏହା ଅମୃତ ତୁଲ୍ୟ କାର୍ଯ୍ୟ କରିଥାଏ। ଆୟୁର୍ବେଦ ଶାସ୍ତ୍ରରେ ବର୍ଣ୍ଣିତ ବିଭିନ୍ନ ଆୟୁର୍ବେଦ ଔଷଧିୟ ଦ୍ରବ୍ୟକୁ ସିଝାଇ ଛାଣି ଉଷୁମ ଥିବା ଅବସ୍ଥାରେ ଚା’ ପରି ପିଇବାକୁ ‘କାଢ଼ା’ ସେବନବିଧି କୁହାଯାଏ। କିଛି ଅଦା(ଛେଚିକରି), ଗୋଲମରିଚ ଗୁଣ୍ଡ(୪-୬ଟି), ଲବଙ୍ଗ (୪-୫ଟି), ଡାଲଚିନି, ଗୁଜୁରାତି ଗୁଣ୍ଡ (୧-୨ଟି), ତେଜପତ୍ର(୧-୨ଟି), କିଛି ତୁଳସୀପତ୍ର, ଅଳ୍ପ କଳାଲୁଣ, କଞ୍ଚା ହଳଦୀ (ଛୋଟ ଖଣ୍ଡେ ବା ହଳଦୀ ଗୁଣ୍ଡ ଅଧା ଚାମଚ), ଗୁଡ଼ (୨ ଚାମଚ)ଆଦି ଦ୍ରବ୍ୟକୁ ୩ରୁ ୪କପ୍‌ ପାଣି ଦେଇ ଏହାକୁ ସିଝାଇ ଛାଣି ଦିନରେ ଥରେ କିମ୍ବା ଦୁଇଥର ଖାଲି ପେଟରେ ଚା’ ପରି ପିଇବା ଉଚିତ। ଏହାଦ୍ୱାରା ଶରୀରରେ ଯଥେଷ୍ଟ ପରିମାଣରେ ରୋଗ ପ୍ରତିରୋଧକଶକ୍ତି ବୃଦ୍ଧି ପାଇ ଗଳାପ୍ରଦେଶରେ ବିଭିନ୍ନ ଜୀବାଣୁ ଓ ଭୂତାଣୁର ସଂକ୍ରମଣକୁ ଯଥାଶୀଘ୍ର ନଷ୍ଟ କରିଦେଇଥାଏ। ଉକ୍ତ କାଢ଼ା ଗରମ ଥିବା ଅବସ୍ଥାରେ ମୁହଁରେ କପଡ଼ା ଦେଇ ଏହାର ବାମ୍ଫ ନେଲେ ଥଣ୍ଡା, କାଶ, ଛିଙ୍କ, ମୁଣ୍ଡବ୍ୟଥାରୁ ତୁରନ୍ତ ଆରାମ ମିଳିଥାଏ। ତେଣୁ କାଢ଼ା ସେବନ ଦ୍ୱାରା କୋଭିଡ୍‌-୧୯ ଭୂତାଣୁର କୁପ୍ରଭାବକୁ ଅତି ସରଳ ଉପାୟରେ ପ୍ରତିରୋଧ କରି ମନୁଷ୍ୟକୁ ସୁସ୍ଥ କରାଇ ମୃତ୍ୟୁମୁଖରୁ ରକ୍ଷା କରିବାରେ ସାହାଯ୍ୟ କରିଥାଏ। ଉକ୍ତ ‘କାଢ଼ା’ ପ୍ରସ୍ତୁତି ଓ ସେବନ ପ୍ରଣାଳୀ ବିଜ୍ଞାନ ସମ୍ମତ ତଥା ଆୟୁଷ ବିଭାଗ ଦ୍ୱାରା ଅନୁମୋଦିତ।
କାଢ଼ା ସେବନ ଶରୀର ପାଇଁ ଅତି ଲାଭଦାୟକ ହୋଇଥିଲେ ସୁଦ୍ଧା ଅତ୍ୟଧିକ ସେବନ ଦ୍ୱାରା ଏହା ଶରୀରରେ ପାର୍ଶ୍ୱ ପ୍ରତିକ୍ରିୟା କରାଇଥାଏ। କେତେକ ବ୍ୟକ୍ତି ଏହାକୁ ଦିନରେ ବହୁବାର ସେବନ କରିଥାନ୍ତି, ଯଦ୍ବାରା ପେଟ ଗୋଳମାଳ ହୋଇ ଝାଡ଼ା ହେବାର ଆଶଙ୍କା ରହିଥାଏ। ଅତ୍ୟଧିକ ସେବନ ଦ୍ୱାରା ଲିଭର ଓ ଆମାଶୟରେ ଅଲ୍‌ସର ହେବାର ଆଶଙ୍କା ରହିଥାଏ। ତେଣୁ ଦିନରେ ଥରେ କିମ୍ବା ଦୁଇଥର ଏହାକୁ (ଏକ କପ୍‌ ପରିମାଣର) ପିଇବା ଉଚିତ। ରୋଗପ୍ରତିରୋଧକ ଶକ୍ତି ବୃଦ୍ଧି ନିମନ୍ତେ ବିଭିନ୍ନ ପ୍ରକାର ତଟକା ଫଳ, ସବୁଜ ପନିପରିବା, କ୍ଷୀର, କାଜୁ, କିସ୍‌ମିସ୍‌ ଆଦିକୁ ପ୍ରତିଦିନ ଖାଦ୍ୟ ରୂପେ ଖାଇବା ଉଚିତ। ତା’ ସହ କୋଭିଡ୍‌-୧୯ ଭୂତାଣୁର କୁପ୍ରଭାବକୁ ପ୍ରତିରୋଧ କରିବା ନିମନ୍ତେ ଶରୀରରେ ରୋଗପ୍ରତିରୋଧକ ଶକ୍ତି ନିତାନ୍ତ ଆବଶ୍ୟକ। ତେଣୁ ଉପରୋକ୍ତ ପ୍ରଣାଳୀର ସଦୁପଯୋଗ କରି ଆମେ ନୀରୋଗ ଓ ଦୀର୍ଘାୟୁ ଜୀବନଯାପନ କରିପାରିବା।

ଡା. ବସନ୍ତ କୁମାର ଷଡ଼ଙ୍ଗୀ
-ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର
ଚନ୍ଦାହାଣ୍ଡି, ନବରଙ୍ଗପୁର
ମୋ : ୭୮୯୪୧୧୨୪୮୭


Enter your email to get our daily news in your inbox.

All Right Reserved By Dharitri.Com

କୋଭିଡ୍‌ ୧୯: ଧ୍ରୁବୀକରଣ ସମସ୍ୟା

ବିଗତ କିଛି ମାସ ଧରି ଆମ ଦେଶରେ କୋଭିଡ୍‌ ୧୯ ସଂକ୍ରମଣ ହ୍ରାସ ପାଇଥିଲାବେଳେ ଏବେ ପୁଣି କେରଳ, ମହାରାଷ୍ଟ୍ର ଏବଂ ଅନ୍ୟ କେତେକ ସ୍ଥାନରେ...

ଜାଣନ୍ତୁ ଜୁସ ପିଇବାର ଉପଯୁକ୍ତ ସମୟ

ବିଭିନ୍ନ ପ୍ରକାର ଫଳର ଜୁସ ପିଇବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ବିଭିନ୍ନ ରୋଗରୁ ମୁକ୍ତି ପାଇବା ପାଇଁ ପ୍ରାକୃତିକ ଭାବେ ଏହି ଜୁସ ସାହାଯ୍ୟ...

ମାତୃଗର୍ଭରୁ ସ୍ଥିର ହୋଇଥାଏ ଏସବୁ

ଚାଣକ୍ୟଙ୍କ ନୀତିଶାସ୍ତ୍ରରେ ମାନବ ଜୀବନରେ ଘଟୁଥିବା ଘଟଣାଗୁଡ଼ିକ ବିଷୟରେ ବର୍ଣ୍ଣନା କରାଯାଇଛି। ସେ ତାଙ୍କ ନୀତିଶାସ୍ତ୍ରରେ କହିଛନ୍ତି, ମାନବ ଜୀବନ ସହିତ ଜଡ଼ିତ ୫ କଥା...

ଜନ୍ମରୁ ୫ ବର୍ଷ ଭିତରେ ଶିଶୁଙ୍କୁ ଏସବୁ ଟିକା ଜରୁରୀ

ପରିବେଶ ପ୍ରଦୂଷଣ ଯୋଗୁ ଶିଶୁମାନଙ୍କର ରୋଗ ପ୍ରତିଶେଧକ ଶକ୍ତି କମି କମି ଯାଉଛି ବୋଲି ଶିଶୁରୋଗ ବିଶେଷଜ୍ଞ ମତ ଦିଅନ୍ତି। ତେଣୁ ଶିଶୁଙ୍କୁ ଟିକାକରଣ ଜରୁରୀ...

ମଧୁମେହ ସହ ଅନେକ ରୋଗରୁ ମୁକ୍ତିଦିଏ ବ୍ରୋକଲି

ବଜାରରେ ଅନ୍ୟ ଏକ କୋବି ମିଳିଥାଏ। ଯାହା ଫୁଲକୋବି ପରି ଦେଖାଯାଏ। ଏହା ସବୁଜ ରଙ୍ଗର ହୋଇଥାଏ। ଏହାକୁ ବ୍ରୋକୋଲି କୁହାଯାଏ। ବୈଜ୍ଞାନିକଙ୍କ ଅନୁଯାୟୀ ବ୍ରୋକୋଲି...

ବ୍ୟାୟାମ ପୂର୍ବରୁ ଓ ପରେ

ବ୍ୟାୟାମ କରିବା ପୂର୍ବରୁ ଆମେ ଫିଟ୍‌ ରହିବା ନିହାତି ଜରୁରୀ। ଯଦି ଅସୁସ୍ଥ ରହିବା ସତ୍ତ୍ୱେ ଆମେ ବ୍ୟାୟାମ କରୁ ତେବେ ଏହାର ଖରାପ ପ୍ରଭାବ...

ହାର୍ଟଆଟାକ୍‌ରୁ ଦୂରେଇ ରହିବା ପାଇଁ ପିଅନ୍ତୁ ଏହି ପାଣି…

ଶରୀର ପାଇଁ ଉଷୁମ ପାଣି ଚିକିତ୍ସା ବେଶ୍‌ ଉପଯୋଗୀ ସାବ୍ୟସ୍ତ ହୋଇଥାଏ। ଏହାଦ୍ୱାରା ରକ୍ତ ସଞ୍ଚାଳନ ପ୍ରକିୟା ସ୍ବାଭାବିକ ହେବା ସହିତ ହାର୍ଟଆଟାକ୍‌ ଆଶଙ୍କା ଦୂର...

ପର୍ବପର୍ବାଣିରେ ପିନ୍ଧନ୍ତୁ ସିମ୍ପଲ ସୁଟ୍‌

ପର୍ବପର୍ବାଣି ସମୟରେ ଅଧିକ ମେକ୍‌ଅପ୍‌ ନେଇହୁଏନି। ତେଣୁ ଏଥିରେ ଯୋଗ ଦେବାପାଇଁ କେବଳ ସୁନ୍ଦର ଡ୍ରେସ ପିନ୍ଧିବା ବେଶି ଗୁରୁତ୍ୱପୂର୍ଣ୍ଣ। ତେଣୁ ଏହି ସମୟରେ ପିନ୍ଧିବା...

Advertisement


Archives

Model This Week