ମୁମ୍ବାଇ,୭।୨: ଚଳିତ ଟି୨୦ ବିଶ୍ୱକପ୍ରେ ଭାରତ ପ୍ରଥମ ମ୍ୟାଚ୍ରେ ଆମେରିକାକୁ ଭେଟିଛି। ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଭାରତୀୟ ଦଳ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ହେଲେ ଅଧିନାୟକ ସୂର୍ଯ୍ୟକୁମାର ଯାଦବଙ୍କ ବ୍ୟାଟିଂ ଯୋଗୁ ଆମେରିକାକୁ ୧୬୨ ରନ୍ର ଟାର୍ଗେଟ୍ ମିଳିଥିଲା। ଜବାବରେ ଆମେରିକା ୨୦ ଓଭରରେ ୮ ଉଇକେଟ ହରାଇ ୧୩୨ ରନ୍ କରିପାରିଥିଲା। ଫଳରେ ପ୍ରଥମ ମ୍ୟାଚ୍ରେ ଭାରତ ୨୯ ରନ୍ର ସହଜ ବିଜୟ ହାସଲ କରିଛି।
ଦଳ ଆରମ୍ଭରୁ ଅଭିଷେକ ଶର୍ମାଙ୍କ ଉଇକେଟ ହରାଇଥିଲା। ଫୁଲ୍ ଫର୍ମରେ ଥିବା ଅଭିଷେକ ବିନା ରନ୍ରେ ଆଉଟ୍ ହେବା ପରେ ଦଳ ନୈରାଶ୍ୟଜନକ ପ୍ରଦର୍ଶନ କରିଥିଲା। ହେଲେ ଅଧିନାୟକ ସୂର୍ଯ୍ୟକୁମାର ଯାଦବଙ୍କ ଭଲ ବ୍ୟାଟିଂ ଯୋଗୁ ଭାରତ ନିର୍ଦ୍ଧାରିତ ୨୦ ଓଭରରେ ୯ ଉଇକେଟ ହରାଇ ୧୬୧ ରନ କରିବାକୁ ସକ୍ଷମ ହୋଇଥିଲା। ଦଳ ପାଇଁ ସୂର୍ଯ୍ୟକୁମାର ୪୯ ବଲରେ ୧୦ ଚୌକା ଓ ୪ ଛକା ସହାୟତାରେ ୮୪ ରନ୍ କରି ଅପରାଜିତ ରହିଥିଲେ।
ଉଲ୍ଲେଖଯୋଗ୍ୟ,ଟି-୨୦ ବିଶ୍ୱକପ୍ ଇତିହାସରେ ଏହା ଆମେରିକା ବିପକ୍ଷରେ ଭାରତର ଦ୍ୱିତୀୟ ମ୍ୟାଚ୍ ଥିଲା।୨୦୨୪ ଟି-୨୦ ବିଶ୍ୱକପ୍ ସମୟରେ ନ୍ୟୁୟର୍କରେ ଭାରତ ଏବଂ ଆମେରିକା ମଧ୍ୟରେ ଏକମାତ୍ର ମ୍ୟାଚ୍ ଖେଳାଯାଇଥିଲା। ସେହି ମ୍ୟାଚ୍ ରେ ଭାରତ ସହଜରେ ୭ ୱିକେଟରେ ମ୍ୟାଚ୍ ଜିତିଥିଲା। ଯେ ଟିମ୍ ଇଣ୍ଡିଆକୁ ଟୁର୍ଣ୍ଣାମେଣ୍ଟର ଗ୍ରୁପ୍ A ରେ ରଖାଯାଇଛି। ଏହି ଗ୍ରୁପ୍ରେ ପାକିସ୍ତାନ, ଆମେରିକା, ନାମିବିଆ ଏବଂ ନେଦରଲ୍ୟାଣ୍ଡସ୍ ଦଳ ଅନ୍ତର୍ଭୁକ୍ତ।
