ସିଡନୀ,୨୪ା୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କ ଅଷ୍ଟ୍ରେଲୀୟ ପ୍ରତିପକ୍ଷ ଆଣ୍ଟୋନି ଆଲବାନିଜ୍ ମଙ୍ଗଳବାର ସିଡନୀରେ ଦୁଇ ଦେଶର ବନ୍ଧୁତ୍ୱର ନିଦର୍ଶନ ସ୍ବରୂପ ‘ଲିଟିଲ୍ ଇଣ୍ଡିଆ’ର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଭାରତୀୟ ବଂଶୋଦ୍ଭବ ବହୁଳ ହ୍ୟାରିସ୍ ପାର୍କରେ ଉଭୟ ଦୀପାବଳି ଓ ଅଷ୍ଟ୍ରେଲିଆ ଦିବସ ପାଳନ କରାଯାଏ। କୁଡୋସ୍ ବ୍ୟାଙ୍କ ଆରେନାଠାରେ ଆଲବାନିଜ୍ଙ୍କ ସହ ଏକ ମେଗା ଇଭେଣ୍ଟକୁ ସମ୍ବୋଧିତ କରି ମୋଦି କହିଛନ୍ତି, ପାରସ୍ପରିକ ଆସ୍ଥା ଓ ସମ୍ମାନ ଭାରତ-ଅଷ୍ଟ୍ରେଲିଆ ସମ୍ପର୍କର ସବୁଠୁ ଶକ୍ତିଶାଳୀ ଓ ବୃହତ୍ ମୂଳଦୁଆ। ହାରିସ୍ ପାର୍କ ଗେଟ୍ଓ୍ବେ ଦୁଇ ଦେଶର ସମ୍ପର୍କ, ଯାହାକି ଭାରତ ଓ ଅଷ୍ଟ୍ରେଲିଆ ମଧ୍ୟରେ ରହିଥିବା ବନ୍ଧୁତ୍ୱର ପ୍ରତୀକ। ଏହି ଅବସରରେ ସେ ଅଷ୍ଟ୍ରେଲିଆର ନିର୍ମାଣରେ ଭାରତୀୟଙ୍କ ଅବଦାନକୁ ପ୍ରଶଂସା କରିଛନ୍ତି। ଭାରତ ଓ ଅଷ୍ଟ୍ରେଲିଆ ମଧ୍ୟରେ ରଣନୈତିକ ସହଯୋଗିତା ବୃଦ୍ଧି ପାଇବାରେ ଲାଗିଛି। ୫ ବର୍ଷ ମଧ୍ୟରେ ବାଣିଜି୍ୟକ କାରବାର ମଧ୍ୟ ଦୁଇଗୁଣାରୁ ଅଧିକ ହେବାକୁ ଯାଉଛି। ଏଥିପାଇଁ ଆମେ ଏକ ବିସ୍ତୃତ ଆର୍ଥିକ ସହଯୋଗ ଏବଂ ବାଣିଜ୍ୟ କାରବାର ଉପରେ କାର୍ଯ୍ୟ କରୁଛୁ ବୋଲି ମୋଦି କହିଥିଲେ। ଏହି ଅବସରରେ ଆଲବାନିଜ୍ ମଧ୍ୟ ଭାରତୀୟ ବଂଶୋଦ୍ଭବମାନଙ୍କୁ ସମ୍ବୋଧିତ କରି ଧନ୍ୟବାଦ ଦେଇଥିଲେ। ବାଣିଜ୍ୟ ଓ ଶିକ୍ଷା କ୍ଷେତ୍ରରେ ଦୁଇ ଦେଶର ସମ୍ପର୍କକୁ ଆହୁରି ମଜଭୁତ କରାଯାଉ ବୋଲି ସେ କହିଥିଲେ। ସେହିପରି ବ୍ରିସ୍ବେନ୍ରେ ଭାରତୀୟ ବଂଶୋଦ୍ଭବଙ୍କ ଦାବି ଅନୁସାରେ ନୂଆଦିଲ୍ଲୀ ପକ୍ଷରୁ ଏକ କନ୍ସୁଲେଟ ଖୋଲାଯିବ ବୋଲି ମୋଦି ସୂଚନା ଦେଇଛନ୍ତି। ସିଡନୀ, ମେଲବୋର୍ନ ଓ ପର୍ଥରେ ପୂର୍ବରୁ ଭାରତୀୟ କନ୍ସୁଲେଟ ରହିଛି।
