ଫିଲ୍ମକୁ ସୁପରହିଟ୍ କରିବା ପାଇଁ କଳାକାରଙ୍କଠାରୁ ଆରମ୍ଭ କରି ନିର୍ମାତା, ନିର୍ଦ୍ଦେଶକଙ୍କ ପର୍ଯ୍ୟନ୍ତ ସମେସ୍ତ କଠିନ ପରିଶ୍ରମ କରିଥାନ୍ତି। ତେବେ ୯୦ ଦର୍ଶକର ଅଭିନେତ୍ରୀ ଶ୍ୱେତା ମେନନ ଏହି କାରଣ ପାଇଁ ଏବେ ଚର୍ଚ୍ଚାରେ ରହିଛନ୍ତି। ତାଙ୍କର ଏକ ମଜାଦାର କଥା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଶ୍ୱେତା ଜୀବନରେ ଏମିତି ଏକ ପଦକ୍ଷେପ ନେଇଥିଲେ ଯାହାକୁ ଶୁଣିବା ପରେ ଯେ କେହିବି ଆଶ୍ଚର୍ଯ୍ୟ ହୋଇଯିବେ ।
ଶ୍ୱେତା ନିଜ ଫିଲ୍ମକୁ ସଫଳ କରିବା ପାଇଁ କ୍ୟାମେରା ସାମ୍ନାରେ ନିଜର ଡେଲିଭରି ଦୃଶ୍ୟ ଶୁଟିଂ କରିଥିଲେ। ଏହି ସମୟରେ ସେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ। ୨୦୧୩ରେ ମୁକ୍ତିଲାଭ କରିଥିବା ଏହି ଫିଲ୍ମ ହେଉଛି ‘ମାଲିମନୁ’। ଫିଲ୍ମର ଏହି ଲାଇଭ୍ ଡେଲିଭରିରର ଦୃଶ୍ୟ ୪୫ ମିନିଟ ଥିଲା। ନିର୍ଦ୍ଦେଶକ ଆଶୀର୍ବାଦ ଶ୍ୱେତାଙ୍କ ପିଲା ଜନ୍ମର ଲାଇଭ୍ ରେକର୍ଡ କରିଥିଲେ। ଏହା ଫିଲ୍ମର ଏକ ବିଶେଷ ଅଂଶ ଥିଲା।
ଫିଲ୍ମର ନିର୍ଦ୍ଦେଶକ ଏକ ସାକ୍ଷାତକାରରେ କହିଛନ୍ତି ଯେ, ଶ୍ୱେତା ୫ ମାସର ଗର୍ଭବତୀ ଥିବା ସମୟରୁ ସେ ଡେଲିଭରି ରେକର୍ଡିଂ ଆରମ୍ଭ କରିଥିଲେ। ଏହି ଦୃଶ୍ୟ ନାନାବତୀ ଡାକ୍ତରଖାନାରେ ଲାଇଭ ରେକଡିଂ ହୋଇଥିଲା। ଏଥିପାଇଁ ନିର୍ଦ୍ଦେଶକ ତିନୋଟି କ୍ୟାମେରା ବ୍ୟବହାର କରିଥିଲେ। ଫିଲ୍ମର ପ୍ରଡକ୍ସନ ଟିମ୍ର ଶୁଟିଂ ସମୟରେ ଡାକ୍ତରଖାନାର ଡାକ୍ତର ଏବଂ ନର୍ସଙ୍କ ବ୍ୟତୀତ ତିନିଜଣ ସଦସ୍ୟ ରହିଥିଲେ।
୧୯୯୦ ରେ, ଶ୍ୱେତା ମାଲାୟାଲମ ଫିଲ୍ମରୁ ନିଜ କ୍ୟାରିଅର୍ ଆରମ୍ଭ କରିଥିଲେ । କିଛି ଫିଲ୍ମରେ କାମ କରିବା ପରେ ସେ ଅଭିନୟ ଜଗତ ଛାଡି ମଡେଲିଂ ଦୁନିଆରେ ପ୍ରବେଶ କରିଥିଲେ। ୧୯୯୪ ରେ ସେ ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇଥିଲେ। ୨୦୦୬ ରେ, ସେ ପୂନର୍ବାର ମାଲାୟାଲମ ଫିଲ୍ମରେ କାମ କରିଥିଲ।
ଶ୍ୱେତା ଫିଲ୍ମ ବ୍ୟତୀତ ଅନେକ ଟିଭି ଶୋ, ପୁରସ୍କାର କାର୍ଯ୍ୟକ୍ରମ ଏବଂ ଅନ୍ୟାନ୍ୟ କାର୍ଯ୍ୟକ୍ରମରେ ଆଙ୍କରିଂ କରନ୍ତି। ୨୦୧୧ରେ ସେ ମୁମ୍ବାଇରେ ରହୁଥିବା ଶ୍ରୀଭାଲସନ ମେନନଙ୍କୁ ବିବାହ କରିଥିଲେ।
