ଜଳାଶୟ କିସମ ବି ବାଦ୍‌ ପଡୁନି

ଅଭିଳାଷ ଦାସ
ଯାଜପୁର ରୋଡ,୧୮ା୧: ଶିଳ୍ପାୟନ ଏବଂ ଦ୍ରୁତ ସହରୀକରଣ ଯାଜପୁର ଜିଲାର କଳିଙ୍ଗନଗର ଏବଂ ଏହାର ମୁଖଶାଳା ବ୍ୟାସନଗର ସହରରେ ଜମି ମାଫିଆଙ୍କୁ ଜନ୍ମ ଦେଇଛି । ଲୋକଙ୍କ ଘର ପାଇଁ ଜମିର ଆବଶ୍ୟକତା ମଧ୍ୟ ବୃଦ୍ଧି ପାଇବାରେ ଲାଗିଛି ା ଏହାକୁ ଦୃଷ୍ଟିରେ ରଖି ସହର ଓ ଏହାର ନିକଟବର୍ତ୍ତୀ ଅଞ୍ଚଳରେ ଜମିର ଗୁରୁତ୍ୱ ବଢିଛି ା ସରକାରୀ ଜମି ଓ ଜଳାଶୟଗୁଡିକୁ ରାସ୍ତା ଦର୍ଶାଇ ଚାଷ ଜମିକୁ ଘରବାଡି କିସମ ପରିବର୍ତ୍ତନ କରାଯାଉଛି। ଏପରିକି କେତେକ ପ୍ରଭାବଶାଳୀ ଜମି ମାଫିଆଙ୍କଠାରୁ ଲକ୍ଷାଧିକ ଟଙ୍କା ହାତଗୁଞ୍ଜା ନେଇ ସମ୍ପୃକ୍ତ ତହସିଲଦାର ଓଏଲଆର ୮(ଏ) ଆଇନକୁ ସମ୍ପୂର୍ଣ୍ଣ ଭାବେ ଉଲ୍ଲଂଘନ କରୁଛନ୍ତି। ଜମି ମ୍ୟାପ୍‌ରେ ଜମିକୁ ରାସ୍ତା ନ ଥାଇ ଚାଷ ଜମିକୁ ଘରବାଡି ଜମିରେ ପରିବର୍ତ୍ତନ କରାଯାଉଥିବା ଭଳି ନଜୀର ରହିଛି। ଏନେଇ ଆରଡିସି ସ୍ତରରେ ତଦନ୍ତ କରାଗଲେ ମଧ୍ୟ ତାକୁ କଳେବଳେ କୌଶଳେ ଚାପି ଦିଆଯାଉଛି। କ୍ରେତାଙ୍କ ଠାରୁ ଟଙ୍କା ନେଇ ଜମି ମାଲିକ ଜମି ବିକ୍ରି କରିନାହାନ୍ତି ବୋଲି ମଧ୍ୟ ଥାନରେ ଅଭିଯୋଗ ହେଉଛି। ପରିଚୟ ପତ୍ର ଓ ଫଟୋ ଅସଲି ହୋଇଥିବାବେଳେ ମାଲିକଙ୍କ ଅନୁପସ୍ଥିତିର ତାଙ୍କ ସମ୍ପର୍କିୟ ଯାଜପୁର ରୋଡ ଉପନିବନ୍ଧକଙ୍କ କାର୍ଯ୍ୟାଳୟରେ ନକଲି ମାଲିକଙ୍କୁ ଠିଆ କରାଇ ଜମି ବିକ୍ରି ହୋଇଥିବା ଚର୍ଚ୍ଚା ହେଉଛି। ଜମି ବିକ୍ରିବଟାରେ ଏଭଳି ଅନେକ ଅନିୟମିତା ହେଉଥିଲେ ହେଁ ଜିଲାପାଳ ଉଦ୍ଦେଶ୍ୟମୂଳକ ଭାବେ ନୀରବ ରହୁଥିବା ଅଭିଯୋଗ ହେଉଛି।
ବ୍ୟାସନଗର ତହସିଲ ଅନ୍ତର୍ଗତ ଭିକିପୁର ମୌଜା ଖାତାନଂ.୧୭୪/୮୧, ପ୍ଲଟନଂ.୧୮୭ର ୨୫ ଡେସମିଲ, ପ୍ଲଟନଂ. ୧୮୯ରେ ୨୦ ଡେସମିଲ ଓ ପ୍ଲଟନଂ. ୨୦୨/୭୭୭ରେ ୧୧ ଡେସମିଲ ଭାବେ ସମୁଦାୟ ୫୬ ଡେସମିଲ ଜମି ବିକ୍ରି ହୋଇଥିଲା। ବ୍ୟାସନଗର ସବ୍‌ରେଜିଷ୍ଟର ଅଫିସ (ଉପନିବନ୍ଧକଙ୍କ କାର୍ଯ୍ୟାଳୟ)ରେ ମାଲିକ ଦୀପକ କୁମାର ଦାସ ୩ା୧ା୨୦୨୨ରେ ବଳରାମ ଜେନା ଓ ବିରଞ୍ଚି ଶଙ୍କର ପତିଙ୍କୁ ଯୁଗ୍ମ ଭାବେ ବିକ୍ରି କରିଥିଲେ। ଏଥିପାଇଁ ଜମି କ୍ରେତା ରାଧିକା ସେଲ୍ସର ମାଲିକ ବିରଞ୍ଚି ଶଙ୍କର ପତି ତାଙ୍କ ଆକାଉଣ୍ଟରୁ ୧୪ା୨ା୨୦୨୨ରେ ୩ ଲକ୍ଷ, ୫ା୩ା୨୦୨୨ରେ ୩ ଲକ୍ଷ, ୧୫ା୩ା୨୦୨୨ରେ ୨ ଲକ୍ଷ, ୨୫ା୩ା୨୦୨୨ରେ ୨ ଲକ୍ଷ, ୨ା୫ା୨୦୨୨ରେ ୧ ଲକ୍ଷ ଓ ୬ା୫ା୨୦୨୨ରେ ୧ ଲକ୍ଷ ଟଙ୍କା ଏନଇଏଫ୍‌ଟି ଜରିଆରେ ଜମି ମାଲିକ ଦୀପକ କୁମାର ଦାସଙ୍କ ଆକାଉଣ୍ଟରେ ଜମା କରିଛନ୍ତି। ଏହାବାଦ୍‌ ଚେକ ଏବଂ ନଗଦ ଭାବେ ୧୧ ଲକ୍ଷ ଟଙ୍କା ପ୍ରଦାନ କରାଯାଇଥିବା କ୍ରେତାଦ୍ୱୟ ଅଭିଯୋଗ ଆଣିଛନ୍ତି। ଏନେଇ କ୍ରେତାଦ୍ୱୟ ଯାଜପୁର ରୋଡ କୋର୍ଟରେ ଏକ ମାମଲା ରୁଜୁ କରିବାକୁ ପ୍ରସ୍ତୁତି ଚଳାଇଥିବା ସୂଚନା ମିଳିଛି। କିନ୍ତୁ କୌଣସି ଏକ ବୃହତ୍‌ ସ୍ବାର୍ଥ ରଖି ଜମି ମାଲିକ ଦାସ ଓଲଟା ଥାନାର ଦ୍ୱାରସ୍ଥ ହୋଇଥିବା ଜଣାପଡିଛି। ଜମି କିଣାବିକା ସମୟରେ ସେ ବିଦେଶରେ ଥିଲେ ଏବଂ କିପରି ଜମି ବିକ୍ରୀ ହେଲା ବୋଲି ଜମି ମାଲିକ ଦାସ ତାଙ୍କ ଅଭିଯୋଗରେ ଦର୍ଶାଇଛନ୍ତି। ଅନ୍ୟପକ୍ଷେ ଜମି କିଣାବିକା ସମୟରେ ମାଲିକଙ୍କ ତରଫରୁ ତାଙ୍କ ସମ୍ପର୍କିୟ ଅସଲି ପରିଚୟ ପତ୍ର ଏବଂ ଫଟୋ ଦାଖଲ କରିଥିବାବେଳେ ଉପନିବନ୍ଧକଙ୍କ ସମ୍ମୁଖରେ ନକଲି ମାଲିକଙ୍କୁ ଠିଆ କରାଇ ଜମି ବିକ୍ରି କରିଥିବା କ୍ରେତାଦ୍ୱୟଙ୍କ ତରଫରୁ ଅଭିଯୋଗ ହେଉଛି। ତେଣୁ ନକଲି ମାଲିକ ଓ ନିକଟ ସମ୍ପର୍କିୟ କିଏ ସେ ନେଇ ପୋଲିସ ଆବଶ୍ୟକ ତଦନ୍ତ କରି ସତ୍ୟର ପର୍ଦ୍ଦାଫାସ କରିବାକୁ କ୍ରେତାଦ୍ୱୟ ଦାବି କରିଛନ୍ତି।
ଅନ୍ୟ ଏକ ଅଭିଯୋଗ ଅନୁଯାୟୀ ବ୍ୟାସନଗର ତହସିଲ ଅନ୍ତର୍ଗତ କୋପଣ୍ଡ ମୌଜାର ଖାତାନଂ.୫୪୨/୬୯୩, ପ୍ଲଟନଂ.୧୭୦୨, ୧୭୦୮ ଓ ୧୭୦୯, କିସମ ଶାରଦ-୨, ୦.୨୬୫ ଡେସମିଲ ଜମିକୁ ଘରବାଡି ଜମି ପରିବର୍ତ୍ତନ ମାମଲାରେ ବ୍ୟାପକ ଅନିୟମିତତା କରାଯାଇଛି । ତୁଳତି ଗ୍ରାମର କିଶୋର ସେନାପତି ଏନେଇ ମୁଖ୍ୟମନ୍ତ୍ରୀ, ରାଜସ୍ବ ସଚିବ, କେନ୍ଦ୍ରାଞ୍ଚଳ ଆରଡିସିଙ୍କ ନିକଟରେ ଲିଖିତ ଭାବେ ଅଭିଯୋଗ କରିଥିଲେ ହେଁ କିଛି ସୁଫଳ ମିଳି ପାରିନାହିଁ। ଅଭିଯୋଗ ଅନୁସାରେ ଜମି ଘରଡିହ ପରିବର୍ତ୍ତନ ପାଇଁ ୨୮ା୧୨ା୨୦୨୧ରେ ଆବେଦନ ହୋଇଥିଲା। ଏନେଇ ବ୍ୟାସନଗର ତହସିଲରେ ୯୧୪୩/୨୦୨୧ରେ ଏକ ମ୍ୟୁଟେଶନ ମାମଲା ରୁଜୁ ହୋଇଥିଲା। ତେବେ ପ୍ରଥମେ ଜମି ସ୍ଥାନକୁ ଚଳାଚଳ ରାସ୍ତା ନ ଥିବା ଦର୍ଶାଇ କିସମ ପରିବର୍ତ୍ତନ ମାମଲାକୁ ତହସିଲଦାର ଖାରଜ କରିଥିଲେ। ଏହାପରେ ପ୍ରାୟ ୨ ମାସ ପରେ ତହସିଲଦାର କେଉଁ ସ୍ବାର୍ଥରେ ପୁଣି ତାକୁ ମଞ୍ଜୁର କରିଥିଲେ ବୋଲି ଅଭିଯୋଗକାରୀ ପ୍ରଶ୍ନ ଉଠାଇଥିଲେ। ହାଲ୍‌ ବନ୍ଦୋବସ୍ତ ନକ୍ସା ଅନୁସାରେ ଉକ୍ତ ଜମିର ପଶ୍ଚିମ, ଉତ୍ତର ଏବଂ ଦକ୍ଷିଣରେ ଚାଷ ଜମି ରହିଥିବାବେଳେ ପୂର୍ବ ପଟକୁ ୧୫୩୨ ଏବଂ ୧୫୩୩ ପ୍ଲଟ୍‌ ନଂ. ଜଳାଶୟ ଓ ଆଡି କିସମ ରହିଛି। ତେବେ କିସମ ପରିବର୍ତ୍ତନ ହୋଇଥିବା ପ୍ଲଟଗୁଡିକୁ କୌଣସି ରାସ୍ତା ସଂଯୋଗ ନାହିଁ। ତଥାପି କେଉଁ ଆଧାରରେ କିସମ ପରିବର୍ତ୍ତନ ହୋଇଛି ବୋଲି ଅଭିଯୋଗକାରୀ ତାଙ୍କ ଅଭିଯୋଗରେ ଦର୍ଶାଇଥିଲେ। ଏହାପରେ ଆରଡିସିଙ୍କ କାର୍ଯ୍ୟାଳୟରୁ ୧୪ା୧୦ା୨୦୨୨ରେ ଜଣେ ବରିଷ୍ଠ ଅଧିକାରୀଙ୍କ ନେତୃତ୍ୱରେ ଏକ ସ୍ବତନ୍ତ୍ର ଟିମ ତଦନ୍ତ କରି ଫେରିଯାଇଥିଲେ । ହେଲେ ଏହି ତଦନ୍ତର ୩ ମାସ ପରେ ବି କାର୍ଯ୍ୟାନୁଷ୍ଠାନ ଶୂନ ରହିବା ପଛରେ ରହସ୍ୟ କ’ଣ ତାହା ସାଧାରଣରେ ଚର୍ଚ୍ଚାର ବିଷୟ ହୋଇଛି।
ଏ ସଂକ୍ରାନ୍ତରେ ଜିଲାପାଳ ଚକ୍ରବର୍ତ୍ତୀ ସିଂ ରାଠୋରଙ୍କୁ ପଚାରିବାରୁ ସେଭଳି କୌଣସି ଅଭିଯୋଗ ସେ ପାଇନାହାନ୍ତି। ଅଭିଯୋଗ ମିଳିବା ପରେ ତଦନ୍ତ କରି ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି ା


Enter your email to get our daily news in your inbox.

All Right Reserved By Dharitri.Com

କୋହଲିଙ୍କ ସହ ବନ୍ଧୁତା ପଡ଼ିଲା ମହଙ୍ଗା: ସବୁ ଗୁମର ଖୋଲି ଦେଲେ ଫାଫ ଡୁ ପ୍ଲେସିସ

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଷ୍ଟାର୍‌ ବିରାଟ କୋହଲିଙ୍କ ସହ ବନ୍ଧୁତା ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଫାଫ ଡୁ ପ୍ଲେସିସଙ୍କୁ ବେଶ ମହଙ୍ଗା ପଡ଼ିଛି। ଏହାର କାରଣ…

ଫ୍ୟାମିଲି ପେନସନକୁ ନେଇ ସରକାରଙ୍କ ବଡ଼ ନିଷ୍ପତ୍ତି, ସ୍ବାମୀଙ୍କ ମୃତ୍ୟୁ ପରେ ପତ୍ନୀଙ୍କୁ ମିଳିବ ପୂରା ଫାଇଦା! ଜାଣନ୍ତୁ ନୂଆ ନିୟମ

ନୂଆଦିଲ୍ଲୀ,୧୬।୧୧: ଆପଣଙ୍କ ପରିବାରରେ ଯଦି କେହି କେନ୍ଦ୍ର ସରକାରୀ କର୍ମଚାରୀ ଅଛନ୍ତି କିମ୍ବା କେହି ଅବସର ନେଇସାରିଛନ୍ତି, ତେବେ ଫ୍ୟାମିଲି ପେନସନ ବା ପାରିବାରିକ ପେନସନ ସମ୍ପର୍କିତ…

ଆର୍ଯ୍ୟବୀର ସେହ୍ବାଗଙ୍କୁ ନେଇ ଏମିତି କହିଦେଲେ ବୈଭବ ସୂର୍ଯ୍ୟବଂଶୀ: କ୍ରିକେଟ୍‌ ଜଗତରେ ବଢୁଛି ଚର୍ଚ୍ଚା

ନୂଆଦିଲ୍ଲୀ,୧୬।୧୧: ଅଣ୍ଡର-୧୯ ଏସିଆ କପ ୨୦୨୬ ଫାଇନାଲରେ ପାକିସ୍ତାନକୁ ଶେଷ ବଲ୍‌ରେ ହରାଇ ଚାମ୍ପିଅନ ହୋଇଛି ଭାରତ। ଭାରତୀୟ ଯୁବ ଦଳର ଏହି ରୋମାଞ୍ଚକର ବିଜୟରେ ଖୁସି…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଚକିତ ପାକିସ୍ତାନ! ଟିମ ଇଣ୍ଡିଆକୁ ପ୍ରଶଂସାରେ ପୋତି ପକାଇଲେ ଶୋଏବ ଅଖତର

ନୂଆଦିଲ୍ଲୀ,୧୬।୧୧:ଭାରତ ଓ ପାକିସ୍ତାନ ମଧ୍ୟରେ ଖେଳାଯାଇଥିବା ଅଣ୍ଡର-୧୯ ଏସିଆ କପ ୨୦୨୬ ଫାଇନାଲ ମୁକାବିଲାରେ ରୋମାଞ୍ଚକର ବିଜୟ ହାସଲ କରିଛି ଟିମ ଇଣ୍ଡିଆ। ଶେଷ ବଲ ପର୍ଯ୍ୟନ୍ତ…

ଗଣତନ୍ତ୍ରର ଝଲକ ଦେଖାଏ ଚତୁର୍ଥ ସ୍ତମ୍ଭ: ମହାକାଳପଡ଼ା ପ୍ରେସ୍‌ କ୍ଲବ୍‌ ପକ୍ଷରୁ ନବମ ବାର୍ଷିକ ଜାତୀୟ ପ୍ରେସ୍‌ ଦିବସ ପାଳିତ

ମହାକାଳପଡ଼ା, ୧୬/୧୧ (ପ୍ରତାପ ଚନ୍ଦ୍ର ସ୍ୱାଇଁ): ଗଣତନ୍ତ୍ରର ସୁରକ୍ଷା ଓ ରାଷ୍ଟ୍ର ଗଠନରେ ଚତୁର୍ଥ ସ୍ତମ୍ଭର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଗଣତନ୍ତ୍ର ଓ ଚତୁର୍ଥ ସ୍ତମ୍ଭ ମୁଦ୍ରାର…

ଜାତୀୟ ପ୍ରେସ୍ ଦିବସ : ଗଣତନ୍ତ୍ରର ସୁରକ୍ଷା ଓ ସୁଦୃଢ଼ୀକରଣରେ ଗଣମାଧ୍ୟମର ଭୂମିକା ଗୁରୁତ୍ୱପୂର୍ଣ୍ଣ

ଭଞ୍ଜନଗର, ୧୬/୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗରସ୍ଥିତ କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର ସାମ୍ବାଦିକତା ଓ ଗଣଯୋଗାଯୋଗ ବିଭାଗ ପକ୍ଷରୁ ସୋମବାର ଜାତୀୟ ପ୍ରେସ୍ ଦିବସ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?