ବମ୍ବେ: ବଲିଉଡ୍ର ଏକପ୍ରକାର ଝଡ଼ ସୃଷ୍ଟି କରିଛି ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା। ଗୋଟିଏପଟେ ପରିବାରଲୋକେ କଥାକୁ ଗ୍ରହଣ କରିପାରୁ ନ ଥିବା ବେଳେ ପ୍ରଶଂସକମାନେ ଏଥିପାୟୀ ବଶଂବାଦ ପରମ୍ପରାକୁ ଦାୟୀ କରୁଛନ୍ତି। ଏପରିସ୍ଥଳେ ସୁଶାନ୍ତଙ୍କ ସ୍ମୃତି ଥିବା ଅନେକ ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।
ଏହି କ୍ରମରେ ପୂର୍ବ ପ୍ରେମିକା ଅଙ୍କିତା ଲୋଖଣ୍ଡେ ଏବଂ ସୁଶାନ୍ତଙ୍କ କିଛି ଫଟୋ ଭାଇରାଲ ହେଉଛି। ଏହା ‘ଏମ୍. ଏସ୍. ଧୋନୀ: ଦ ଅନ୍ଟୋଲ୍ଡ ଷ୍ଟୋରୀ’ ଚଳଚ୍ଚିତ୍ର ନିର୍ମାଣ ସମୟର। ସେତେବେଳେ ସୁଶାନ୍ତ ଧୋନୀଙ୍କ ଘରକୁ ସବୁବେଳେ ଯିବା ଆସିବା କରୁଥିଲେ। ଏପରିକି ଏକଦା ସେ ଅଙ୍କିତାଙ୍କୁ ନେଇଥିଲେ। ସେତେବେଳେ ଧୋନୀଙ୍କ ଝିଅ ଜିଭା ଛୋଟ ଥିଲେ। ଉଭୟ ତା ସହ ଖେଳିଥିବା ସମୟ ଅନେକ ସମୟ ବିତାଇଥିଲେ। ଏହି ସମୟର ଫଟୋ ଏବେ ଚର୍ଚ୍ଚାରେ ରହିଛି। ଅନେକ ଉଭୟଙ୍କ ଯୋଡ଼ିକୁ ପସନ୍ଦ କରୁଛନ୍ତି।
୨୦୧୫ରେ ସୁଶାନ୍ତ ଅଙ୍କିତାଙ୍କ ସହ ରହିଥିଲେ। ହେଲେ ଧୋନୀଙ୍କ ବାୟୋପିକ୍ ପରଦାକୁ ଆସିବା ପରେ ଉଭୟ ଅଲଗା ହୋଇଯାଇଥିଲେ। ବର୍ତ୍ତମାନ ଅଙ୍କିତା ଅନ୍ୟତ୍ର ନିର୍ବନ୍ଧ କରିସାରିଛନ୍ତି। ସେହିଭଳି ସୁଶାନ୍ତ ରିଆଙ୍କ ପ୍ରେମରେ ପଡ଼ିଥିବା ନେଇ ଚର୍ଚ୍ଚା ହେଉଥିଲା।
