ବମ୍ବେ,୨୭।୫: ନିକଟରେ ଭାରତୀୟ ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ ମୁମ୍ବାଇ ଇଣ୍ଡିଆନ୍ସ ସହ ଇନ୍ଷ୍ଟାଗ୍ରାମ ଲାଇଭ୍ରେ ନଜର ଆସିଥିଲେ। ଏହି ସମୟରେ ସେ ନିଜର ବ୍ୟକ୍ତିଗତ ରୁଚି ନେଇ ଅନେକ ମଜାଦାର କଥା ଶେୟାର କରିଛନ୍ତି। ସୂର୍ଯ୍ୟକୁମାର ବଲିଉଡ୍ର କମେଡି ଫିଲ୍ମ ଦେଖିବାକୁ ବେଶ ଭଲପାଆନ୍ତି। ଅନ୍ଦାଜ ଅପନା ଅପନା, ଚୁପ୍କେ-ଚୁପ୍କେ, ହେରା ଫେରି ଆଦି ୩ ଫିଲ୍ମକୁ ବାରମ୍ବାର ଦେଖିବାକୁ ପସନ୍ଦ କରନ୍ତି ସେ। ଏଥିରେ ସେ ବୋର୍ ହୁଅନ୍ତି ନାହିଁ। ମ୍ୟାଚ୍ ଶେଷ ହେବା ପରେ ସେ ସବୁବେଳେ ଏହି ଫିଲ୍ମ ଦେଖି ଖୁସି ହୋଇଥାନ୍ତି। ବିଶେଷକରି ଅନ୍ଦାଜ ଅପ୍ନା ଅପ୍ନାରେ ଆମିର ଖାନ୍ଙ୍କ ଅନେକ ଡାଏଲଗ୍ ତାଙ୍କର ବେଶ୍ ପସନ୍ଦ।
ତେବେ ଚଳିତ ବର୍ଷ ଇଂଲଣ୍ଡ ବିପକ୍ଷ ଟି୨୦ ଅନ୍ତର୍ଜାତୀୟ ସିରିଜରେ ସୂର୍ଯ୍ୟକୁମାର ଡେବ୍ୟୁ କରିଥିଲେ। ନିକଟରେ ସେ ଆଇପିଏଲ୍ ୨୦୨୧ରେ ମଧ୍ୟ ନଜର ଆସିଥିଲେ। ଚଳିତ ସଂସ୍କରଣରେ ସେ କ୍ରିକେଟର ୧୪୪ ଷ୍ଟାଇକ୍ ରେଟ୍ ସହ ୧୭୩ ରନ୍ କରିଥିଲେ। ହେଲେ ଏବେ ଟୁର୍ନାମେଣ୍ଟ ଅନିଶ୍ଚିତକାଳ ପାଇଁ ସ୍ଥଗିତ ହୋଇଯାଇଛି। ଏହା ପୁଣି ଆରମ୍ଭ ହେଲେ ତାଙ୍କୁ ପୁଣିଥରେ ଦେଖିବାକୁ ମିଳିବ। ତେବେ ଜୁଲାଇରେ ଶ୍ରୀଲଙ୍କା ଗସ୍ତ କରିବାକୁ ଥିବା ଭାରତୀୟ ଟିମ୍ରେ ତାଙ୍କର ଚୟନ ହୋଇପାରେ ବୋଲି ଆଶା କରାଯାଉଛି। ଏପରି ହେଲେ ତାଙ୍କ ପାଇଁ ଟି୨୦ ବିଶ୍ୱକପ୍ ଖେଳିବା ଲାଗି ବାଟ ଫିଟିଯିବ ବୋଲି କୁହାଯାଉଛି।
From ‘Andaz Apna Apna’ to ‘Hera Pheri’ 😂
📹: 106 seconds of Surya talking about his favourite comedy movies from Bollywood 🎬#OneFamily #MumbaiIndians #KhelTakaTak @surya_14kumar @MXTakaTak MI TV pic.twitter.com/9se9f2ZtaW
— Mumbai Indians (@mipaltan) May 26, 2021
