ଫେବୃୟାରୀ ୧୩ରୁ ମକର ରାଶିରୁ କୁମ୍ଭ ରାଶିରେ ପ୍ରବେଶ କରିବେ ସୂର୍ଯ୍ୟ। ଏହି ରାଶିରେ ପୂର୍ବରୁ କର୍ମର ଦେବତା ଶନି ରହିଛନ୍ତି। ଏଣୁ ଆସନ୍ତା ମାସେ ଯାଏ କୁମ୍ଭ ରାଶିରେ ସୂର୍ଯ୍ୟ ଏବଂ ଶନି ଉଭୟ ରହିବେ। ଜ୍ୟୋତିଷଶାସ୍ତ୍ରବିଦ୍ଙ୍କ କହିବାନୁଯାୟୀ ସୂର୍ଯ୍ୟଙ୍କ ଏହି ଗୋଚର ୪ ରାଶି ଲାଗି ଶୁଭଙ୍କର ନୁହେଁ। ଏଣୁ ଏହି ରାଶିର ବ୍ୟକ୍ତିଙ୍କୁ ଜଗିରଖି ଚଳିବାକୁ ହେବ।
-କର୍କଟ ରାଶି: ସୂର୍ଯ୍ୟ କୁମ୍ଭ ରାଶିରେ ପ୍ରବେଶ ପରେ ଏହି ରାଶିର ବ୍ୟକ୍ତିଙ୍କୁ ସାବଧାନ ରହିବାକୁ ହେବ। ଆର୍ଥିକ କ୍ଷତିର ସମ୍ଭାବନା ରହିଛି। ସ୍ବାସ୍ଥ୍ୟ ପାଇଁ ମଧ୍ୟ ସମୟ ଅନୁକୂଳ ନୁହେଁ। ବାଦ ବିବାଦ ବଢ଼ିବ। ଅଯଥା ଚିନ୍ତାଗ୍ରସ୍ତ ହେବେ। ଏଣୁ ଏହି ସମୟରେ ଶାନ୍ତ ରହିବା ଉଚିତ।
-ସିଂହ ରାଶି:ଏହି ରାଶିର ବ୍ୟକ୍ତି ସମ୍ଭାଳି ହୋଇ ରୁହନ୍ତୁ। ବ୍ୟବସାୟ, କାରବାର ମାନ୍ଦା ହେବ। ଆଶାନୁଯାୟୀ ପରିଣାମ ମିଳିବାରେ ଅସୁବିଧା ହେବ। ଆତ୍ମବିଶ୍ୱାସ କମିବ। ଭବିଷ୍ୟତ ବିଷୟକୁ ନେଇ ଚିନ୍ତିତ ହେବେ। ଅଫିସରେ ସହକର୍ମୀଙ୍କ ସହ କୌଣସି କଥାକୁ ନେଇ କଥା କଟାକଟି ହୋଇପାରେ। ଏଥିଲାଗି ରାଗ ଉପରେ ନିୟନ୍ତ୍ରଣ ରଖିବାକୁ ହେବ।
-କୁମ୍ଭ ରାଶି: ସୂର୍ଯ୍ୟ ଆଗାମୀ ଗୋଟିଏ ମାସ ପାଇଁ ଆପଣଙ୍କ ରାଶିରେ ରହିବେ। ଏହି ସମୟରେ ଆପଣ ଚିଡ୍ଚିଡ ହୋଇପାରନ୍ତି। ଏଣୁ ନିଜର କଥା ଏବଂ ଆଚରଣ ଉପରେ ସଂଯମତା ରକ୍ଷା କରନ୍ତୁ। କାର୍ଯ୍ୟକ୍ଷେତ୍ରରେ ହଠାତ ପରିବର୍ତ୍ତନକୁ ନେଇ ଚିନ୍ତାରେ ପଡ଼ିପାରନ୍ତି। ସମ୍ପତ୍ତିରେ ନିବେଶ କରିବାକୁ ଚାହୁଁଥିଲେ ବିରତ ହୁଅନ୍ତୁ। ଧନହାନିର ସମ୍ଭାବନା ରହିଛି।
ମୀନ ରାଶି: ଏହି ରାଶିର ଜାତକଧାରୀଙ୍କୁ ନିଜର ସ୍ବାସ୍ଥ୍ୟର ଯତ୍ନ ନେବାକୁ ହେବ। ମୁଣ୍ଡବିନ୍ଧା, ଆଖିରେ ଯନ୍ତ୍ରଣା, ଥଣ୍ଡା ଏବଂ କାଶ ଭଳି ସମସ୍ୟା ଦେଖାଦେଇପାରେ। ଅଯଥା ଖର୍ଚ୍ଚରୁ ସାବଧାନ ରୁହନ୍ତୁ। ଆୟ କମିବ। ଖର୍ଚ୍ଚ ବଢ଼ିବ। ମାନସିକ ଚିନ୍ତାକୁ ନେଇ ଅସୁବିଧା ଦେଖାଦେଇପାରେ।
