ବମ୍ବେ: କେତେବେଳେ ‘ଡା. ମଶହୁର ଗୁଲାଟୀ’ ତ କେବେ ‘ଗୁତ୍ଥି’ ଚରିତ୍ରରେ ଲୋକଙ୍କ ମୁହଁରେ ହସ ଫୁଟାଉଥିବା କମେଡିଆନ୍ ସୁନୀଲ ଗ୍ରୋଭରଙ୍କ ପାଇଁ ଆଜିର ଦିନଟି ଖାସ୍। କାରଣ ସେ ନିଜର ଜନ୍ମଦିନ ପାଳନ କରୁଛନ୍ତି। ଏହି ସ୍ବତନ୍ତ୍ର ଦିନରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି। ସୁନୀଲଙ୍କ ଜନ୍ମଦିନରେ ତାଙ୍କୁ ନେଇ କିଛି ଅଜଣା କଥା ବିଷୟରେ ଆସନ୍ତୁ ଜାଣିବା ।
ଦେଖିବାକୁ ଗଲେ ଟ୍ୟାଲେଣ୍ଟର ଗନ୍ତାଘର ହେଉଛନ୍ତି ସୁନୀଲ। ନିଜର କଳାକୁ ନେଇ ସେ ବେଶ ଲୋକପ୍ରିୟ ହୋଇପାରିଛନ୍ତି। ହେଲେ ଏମିତି ଏକ ସମୟ ଥିଲା ଯେତେବେଳେ ସୁନୀଲ ମାସକୁ ମାତ୍ର ୫୦୦ ଟଙ୍କା ରୋଜଗାର କରୁଥିଲେ। ବିଶ୍ୱାସ ନହେଲେ ବି କଥାଟି ସତ।
ସୁନୀଲ ଏକ ସାକ୍ଷାତକାରରେ ସାଧାରଣ ଯୁବକରୁ କମେଡିଆନ୍ ହେବାର ଯାତ୍ରା ବିଷୟରେ କହିଥିଲେ, ମୁଁ ସବୁବେଳେ ଅଭିନୟରେ ବହୁତ ଭଲ ଥିଲି। ଲୋକମାନଙ୍କୁ ସହଜରେ ହସାଇ ଦେଉଥିଲି। ଯୁକ୍ତ ୨ ପଢ଼ିବା ବେଳେ ଡ୍ରାମା ପ୍ରତିଯୋଗିତାରେ ଭାଗ ନେଇଥିଲି। ହେଲେ ମୁଖ୍ୟ ଅତିଥି ତାଙ୍କୁ ଭାଗ ନେବାର ନ ଥିବା କହିଥିଲେ। କାରଣ ଅନ୍ୟମାନଙ୍କ ପାଇଁ ତାଙ୍କ ସହ ଲଢ଼ିବା କଷ୍ଟକର ଥିଲା। ଥିଏଟରରେ ମାଷ୍ଟର ଡିଗ୍ରୀ ପରେ ମୁଁ ବମ୍ବେ ଚାଲି ଆସିଥିଲି। ବର୍ଷେ ଯାଏ କିଛି ନ କରି କେବଳ ପାର୍ଟି କରିଥିଲି। ନିଜର ସଞ୍ଚୟ ସାଙ୍ଗକୁ ଘରଲୋକଙ୍କ ପଇସାରେ ଚଳୁଥିଲି। ସେବେ ମାସକୁ ମୁଁ ୫୦୦ ଟଙ୍କା ରୋଜଗାର କରୁଥିଲି। ମାତ୍ର ଦିନେ ନା ଦିନେ ନିଶ୍ଚିତ ସଫଳ ହେବି ବୋଲି ମୋର ଧାରଣା ଥିଲା। ଧୀରେଧୀରେ କାମ ନ ମିଳିବା ଯୋଗୁ ଡିପ୍ରେସନକୁ ସେ ଚାଲିଯାଇଥିଲେ। ହେଲେ ହାର ନ ମାନି ଆଗକୁ ବଢ଼ିଥିଲେ। ପ୍ରଥମେ ରେଡିଓ ଜକି ଏବଂ ପରେ କମେଡି ଦୁନିଆରେ ପାଦ ରଖି ସେ ସମସ୍ତଙ୍କ ହୃଦୟ ଜିତିବାରେ ସଫଳ ହୋଇଥିବା କହିଛନ୍ତି। ଅନେକ ଫିଲ୍ମରେ ସେ କାମ କରିଥିବା ବେଳେ ଆଗାମୀ ଦିନରେ ମଧ୍ୟ ସେ ଏକାଧିକ ଫିଲ୍ମରେ ନଜର ଆସିବେ ବୋଲି ସେ କହିଥିଲେ।
