ଭୁବନେଶ୍ୱର,୨୫।୧୨(ବ୍ୟୁରୋ): ବହୁଚର୍ଚ୍ଚିତ ବ୍ରହ୍ମପୁର ତପସ୍ବିନୀ-ସୁମିତ ମାମଲାରେ ଶୁକ୍ରବାର ରାଜ୍ୟ ମାନବାଧିକାର କମିଶନ (ଓଏଚ୍ଆର୍ସି) ହସ୍ତକ୍ଷେପ କରିଛନ୍ତି। ତପସ୍ବିନୀ ଶାଶୁଘରେ ରହିବାକୁ ଜିଦ ଧରିବା ଓ ଏନେଇ ତପସ୍ବିନୀଙ୍କ ସପକ୍ଷରେ ମହିଳାମାନେ ଗେଟ୍ ଭାଙ୍ଗି ସୁମିତଙ୍କ ଘରେ ପଶିବା ପରେ ତାଙ୍କ ବାପା, ମା’ ଓ ଜେଜେମା’ଙ୍କ ସୁରକ୍ଷା ସୁନିଶ୍ଚିତ କରିବାକୁ ବ୍ରହ୍ମପୁର ଏସ୍ପିଙ୍କୁ କମିଶନ ନିର୍ଦ୍ଦେଶ ଦେଇଛନ୍ତି। ଏଥିସହ ଗତ ୨୦ତାରିଖରେ ମହିଳାମାନେ ଗେଟ ଭାଙ୍ଗି ପଶିବା ଘଟଣାକୁ ନେଇ କାର୍ଯାନୁଷ୍ଠାନ ରିପୋର୍ଟ ଦେବାକୁ ବୈଦ୍ୟନାଥୁର ଥାନା ଅଧିକାରୀଙ୍କୁ କୁହାଯାଇଛି।
ସୂଚନା ଅନୁାୟୀ, ଗତ ଏକ ମାସ ହେବ ତପସ୍ବିନୀ-ସୁମିତଙ୍କ ମଧ୍ୟରେ ବିବାଦ ଲାଗିରହିଛି। ଏହି ମାମଲା ଏବେ କୋର୍ଟରେ ବିଚାରଧୀନ ଥିବାବେଳେ ତପସ୍ବିନୀ ଶାଶୂ ଘରେ ରହିବାକୁ ଜିଦ କରିଆସୁଥିଲେ। କୋର୍ଟ ପରିବାରବର୍ଗଙ୍କ ଠାରୁ ଆଲଗାରେ ଏକଠି ରହି ମାମଲାକୁ ଆପଷ ସମାଧାନ କରିବାକୁ ନିର୍ଦ୍ଦେଶ ଦେଇ ପ୍ରଥମେ ଗେଷ୍ଟ ହାଉସ୍ ଓ ପରେ ଘରେ ରହିବାକୁ ନିର୍ଦ୍ଦେଶ ଦେଇଥିଲେ। କ୍ରମେ ସୁମିତ ଘରୁ ଲୁଚି ପଳାଇ ସ୍ବାସ୍ଥ୍ୟବସ୍ଥା ଠିକ ନ ଥିବା ଆଳ ଦେଖାଇ ଆଲଗା ରହିଥିଲେ। ତପସ୍ବିନୀଙ୍କୁ ସୁମିତଙ୍କ ଘରକୁ ପ୍ରବେଶ କରିବାକୁ ଅନୁମତି ମିଳୁନଥିବାରୁ ସେ ଘର ସାମ୍ନାରେ ଧାରଣା ଦେଇଥିଲେ। ତପସ୍ବିନୀଙ୍କ ସପକ୍ଷରେ ଗତ ୨୦ ତାରିଖରେ ସ୍ଥାନୀୟ ଅଞ୍ଚଳର ଶତାଧିକ ମହିଳା ସୁମିତ୍ଙ୍କ ଘର ଗେଟ୍ ଭାଙ୍ଗି ଭିତରକୁ ପଶିଥିଲେ। ଏହି ଘଟଣାକୁ ନେଇ ସୁମିତଙ୍କ ବାପା ପ୍ରମୋଦ ଥାନାରେ ଅଭିଯୋଗ କରିଛନ୍ତି। ଥାନା ମାମଲା ରୁଜୁ କରି ଘଟଣାର ତଦନ୍ତ କରୁଥିବା ବେଳେ ଓଏଚ୍ଆର୍ସି ଘଟଣାକୁ ଗୁରୁତର ସହ ନେଇଛନ୍ତି। ଥାନା ମାମଲା ରୁଜୁ କରି ଘଟଣାର ତଦନ୍ତ କରୁଥିବାବେଳେ ଓଏଚ୍ଆର୍ସି ଘଟଣାକୁ ଗୁରୁତର ସହ ନେଇଛନ୍ତି।
