ନୂଆଦିଲ୍ଲୀ,୧୫।୧୦: ସ୍ବଦେଶୀ ଜ୍ଞାନକୌଶଳରେ ନିର୍ମିତ ଭାରତର ଆଣବିକ ଶକ୍ତି ଚାଳିତ ବୁଡ଼ାଜାହାଜ ଆଇଏନ୍ଏସ୍ ଅରିହନ୍ତରୁ ଶୁକ୍ରବାର ଏକ ବାଲିଷ୍ଟିକ୍ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷା କରାଯାଇଛି। ବଙ୍ଗୋପସାଗରରେ ଏକ ନିର୍ଦ୍ଧାରିତ ଲକ୍ଷ୍ୟସ୍ଥଳକୁ ଏହି ମିସାଇଲ ସଠିକ୍ ଟାର୍ଗେଟ କରିଥିବା ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି। ଭାରତର ଆକ୍ରମଣ ଦକ୍ଷତା ବୃଦ୍ଧିରେ ଏହା ଏକ ବଡ଼ ମାଇଲଖୁଣ୍ଟ। ଆଣବିକ ଶକ୍ତିସମ୍ପନ୍ନ ବୁଡ଼ାଜାହାଜ ନିର୍ମାଣ କରିବାରେ ଭାରତ ବିଶ୍ୱରେ ଷଷ୍ଠ ରାଷ୍ଟ୍ର। ୨୦୦୯ ଜୁଲାଇରେ କାର୍ଗିଲ ବିଜୟ ଦିବସ ଅବସରରେ ଏହି ବୁଡ଼ାଜାହାଜକୁ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସ୍ତ୍ରୀ ଗୁରୁଶରଣ କୌର ଶୁଭାରମ୍ଭ କରିଥିଲେ। କେ-୧୫ ଏବଂ କେ-୪ ଭାରତ ନିର୍ମିତ ସବ୍ମାରିନ୍ ଲଞ୍ଚ୍ଡ ବାଲିଷ୍ଟିକ୍ ମିସାଇଲ ଯାହାର ଲକ୍ଷ୍ୟଭେଦ କ୍ଷମତା ୩,୫୦୦ କିଲୋମିଟର।
