ବରଗଡ଼,୮।୫(ପ୍ରେମାନନ୍ଦ ଖମାରୀ): ସମ୍ବଲପୁର ବିଶ୍ୱବିଦ୍ୟାଳୟ ଦ୍ୱାରା ପ୍ରକାଶିତ ଯୁକ୍ତତିନି କଳା, ବିଜ୍ଞାନ ଏବଂ ବାଣିଜ୍ୟ ଶେଷବର୍ଷ ପରୀକ୍ଷାରେ ବିକାଶ ହାୟର ଏଜୁକେଶନାଲ ଇନଷ୍ଟିଚ୍ୟୁଶନ ବିକାଶ ଡିଗ୍ରୀ କଲେଜର ୨୦ଛାତ୍ରୀଛାତ୍ର ସମ୍ବଲପୁର ବିଶ୍ୱବିଦ୍ୟାଳୟର ଶ୍ରେଷ୍ଠ ଦଶ ତାଲିକାରେ ରହିଛନ୍ତି। ପ୍ରାଣୀ ବିଜ୍ଞାନ ବିଭାଗରେ ଅର୍ପିତା ଚୌଧୁରୀ ୯.୭୧, ଉଦ୍ଭିଦ ବିଜ୍ଞାନ ବିଭାଗରେ ଇତିଶ୍ରୀ ମିଶ୍ର ୯.୬୪, ମନୋବିଜ୍ଞା ସମ୍ମାନରେ ଶିବରାଜ ବେହେରା ୯.୩୫ସିଜିପିଏ ରଖି ପ୍ରଥମ ଦଶଜଣଙ୍କ ମଧ୍ୟରେ ଅଛନ୍ତି। ସେହିପରି ବିପୁଳ ପ୍ରଧାନ ପ୍ରାଣୀ ବିଜ୍ଞାନ ବିଭାଗରେ ୯.୫୨ସିଜିପିଏ ରଖି ଦ୍ୱିତୀୟ ସ୍ଥାନରେ ରହିଥିବାବେଳେ ପଦାର୍ଥ ବିଜ୍ଞାନରେ ହିତେଶ ବିଶି ୯.୩୫ସିଜିପିଏ ରଖି ତୃତୀୟ ସ୍ଥାନରେ ଅଛନ୍ତି। ଉଦ୍ଭିଦ ବିଜ୍ଞାନରେ ରାହୁଳ ସାହୁ ୯.୩୧ସିଜିପିଏ ରଖି ଚତୁର୍ଥ, ଅନ୍ବେଷା ପ୍ରିୟଦର୍ଶିନୀ ବାରିକ ୯.୭୧ସିଜିପିଏ ରଖି ସପ୍ତମ, ଶୁଭଶ୍ରୀ ସୋନାଲିକା ପ୍ରଧାନ ୯.୧୬ସିଜିପିଏ ରଖି ଅଷ୍ଟମ, ସୁପ୍ରିତି ସୌମ୍ୟା ଷଡ଼ଙ୍ଗୀ ୯.୧୫ସିଜିପିଏ ରଖି ନବମ ସ୍ଥାନ ଅଧିକାର କରିଛନ୍ତି। ଗଣିତ ସମ୍ମାନରେ ସୋନାଲି ପ୍ରଧାନ ୮.୯୫ସିଜିପିଏ ରଖି ଚତୁର୍ଥ, ହିତେଶ ଗର୍ତ୍ତିଆ ୮.୮୪ସିଜିପିଏ ରଖି ସପ୍ତମ ସ୍ଥାନରେ ରହିଛନ୍ତି। ସେହିପରି ପଦାର୍ଥ ବିଜ୍ଞାନରେ ରିତେଶ ବାରିକ, ଅଙ୍କିତା ମହାପାତ୍ର, ବାଣିଜ୍ୟ ବିଭାଗରେ ବୋଡ୍ଡୁ ଧରଣୀ, ଆଶିର୍ବାଦ ଦାଶ, ଅରବିନ୍ଦ ବଡ଼ପଣ୍ଡା ପ୍ରଥମ ୧୦ଜଣଙ୍କ ମଧ୍ୟରେ ଅଛନ୍ତି। କଳା ବିଭାଗର ମନୋବିଜ୍ଞାନରେ ଶିବରାଜ ବେହେରା ୯.୩୫ସିଜିପିଏ ରଖି ପ୍ରଥମ ସ୍ଥାନ ଅଧିକାର କରିଥିବାବେଳେ କିରନ ପାଢ଼ୀ ୮.୯୫ସିଜ୍ିପିଏ ରଖି ଚତୁର୍ଥ ସ୍ଥାନ ଅଧିକାର କରିଛନ୍ତି। ଇଂରାଜୀ ସମ୍ମାନ ବିଭାଗରେ ଅମିତା ରାଣୀ ବାଗ, ଭାବାତ୍ମକ ପାଢ଼ୀ, ଅର୍ଥଶାସ୍ତ୍ର ସମ୍ମାନରେ ଜଗମୋହନ ସାହୁ ପ୍ରଥମ ୧୦ଜଣଙ୍କ ମଧ୍ୟରେ ରହିଛନ୍ତି। ଉକ୍ତ କଲେଜର ୧୯୨ଛାତ୍ରୀଛାତ୍ର ପରୀକ୍ଷା ଦେଇଥିବାବେଳେ ୧୪ଜଣ ୯ସିଜିପିଏ, ୬୭ଜଣ ୮ସିଜିପିଏ, ୭୦ଜଣ ୭ସିଜିପିଏ, ୩୦ଜଣ ସିଜିପିଏରୁ ଊର୍ଦ୍ଧ୍ୱ ନମ୍ବର ରଖିଥିବାବେଳେ ସଫଳତା ହାର ୯୫ପ୍ରତିଶତ ରହିଛି। ଏହି ସଫଳତା ପାଇଁ ଲକ୍ଷ୍ମୀ ବିକାଶ ଗ୍ରୁପର ଚେୟାରମ୍ୟାନ ଡି. ନାଗେଶ୍ୱର ରାଓ ଛାତ୍ରୀଛାତ୍ରଙ୍କୁ ଅଭିନନ୍ଦନ ଜଣାଇବା ସହିତ ବିକାଶ ଉଚ୍ଚଶିକ୍ଷା ବିଭାଗର ଉଚ୍ଚକୋଟିର ଶିକ୍ଷା ପଦ୍ଧତି, ଅଧ୍ୟାପିକା, ଅଧ୍ୟାପକଙ୍କ ବିଧିବଦ୍ଧ ମାର୍ଗଦର୍ଶନ ଯୋଗୁ ଏହି ସଫଳତା ମିଳିଥିବା ସେ କହିଛନ୍ତି। ସେହିପରି ଉକ୍ତ ଶିକ୍ଷାନୁଷ୍ଠାନର ଚିଫ୍ ଏଡ଼ମିନିଷ୍ଟ୍ରେଟିଭ ଅଫିସର ଇଂ ଅଜୟ କୁମାର ମହାପାତ୍ର, ବରିଷ୍ଠ ଅଧିକାରୀ, ଡିନ୍, ଅଧ୍ୟକ୍ଷ, ଉପାଧ୍ୟକ୍ଷ ପ୍ରମୁଖ ଛାତ୍ରୀଛାତ୍ରଙ୍କୁ ଅଭିନନ୍ଦନ ଜଣାଇଛନ୍ତି।
