କବିସୂର୍ଯ୍ୟନଗର,୩୧ା୭(ଡି.ଏନ୍.ଏ.): ଜଣେ ଶିକ୍ଷକଙ୍କ ମାଡ଼ରେ ଗଞ୍ଜାମ ଜିଲା କବିସୂର୍ଯ୍ୟନଗର ବ୍ଲକ ଅଧୀନ(ଏ) ବରିଡା ଗ୍ରାମର ଶ୍ରୀଦଧିବାମନ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଥମ ଶ୍ରେଣୀ ଛାତ୍ର ଅସୁସ୍ଥ ହୋଇଛନ୍ତି। ତାଙ୍କ ନାମ ଗୋପାଳ ମହାରଣା (୫)।
ଗୋପାଳଙ୍କ ବାପା ଦୁବାଇରେ କାମ କରୁଥିବାରୁ ସେ ମା’ଙ୍କ ସହ ବରିଡ଼ା ଗ୍ରାମରେ ରହୁଛନ୍ତି। ଶନିବାର ଗୋପାଳ ସ୍କୁଲକୁ ଯାଇଥିଲେ। ଶିକ୍ଷକ ଜଣକ ପାଠ ପଢ଼ାଇଲା ବେଳେ ଗୋପାଳ ମିଳନ ସ୍ତମ୍ଭରେ ଭୁଲରେ ଦୁଇଥର ଗାର ଟାଣିଦେଇଥିଲେ। ଏଥିରେ ରାଗିଯାଇ ଶିକ୍ଷକ ଜଣକ ତାଙ୍କୁ ନିସ୍ତୁକ ମାଡ଼ ମାରିିଥିଲେ। ଫଳରେ ଛାତ୍ରଜଣକ ଅସୁସ୍ଥ ହେବାରୁ ତାଙ୍କୁ ବରିଡ଼ା ମେଡ଼ିକାଲକୁ ନିଆଯାଇଥିଲା। ବର୍ତ୍ତମାନ ସେ ଘରେ ଥିବା ବେଳେ ସମ୍ପୃକ୍ତ ଶିକ୍ଷକ ସ୍ବାସ୍ଥ୍ୟାବସ୍ଥା ପଚାରି ବୁଝି ନ ଥିବା ପରିବାର ଲୋକେ ଅଭିଯୋଗ କରିଛନ୍ତି। ଏ ସମ୍ପର୍କରେ ଏବିଇଓ ବିଷ୍ଣୁପ୍ରିୟା ନାୟକ ଓ ବିଇଓ ଅକ୍ଷରତିବାଳା ପଟ୍ଟନାୟକଙ୍କୁ ପଚାରିବାରୁ ସୋମବାର ଉକ୍ତ ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି।
