ଦୁର୍ଘଟଣା କାହା ସହିତ କେତେବେଳେ ଘଟିବ କହିବ ହେବ ନାହିଁ। ବ୍ୟକ୍ତି ଯେତେ ସତର୍କ ରହିବାକୁ ଚେଷ୍ଟା କରନ୍ତୁ ନା କାହିଁକି, ଯଦି ଏହା ଘଟିବାର ଥିବ ତେବେ ତାକୁ କେହି ବି ଅଟକାଇ ପାରିବେ ନାହିଁ। ଯାହାର ପ୍ରମାଣ ଏକ ଭାଇରାଲ ଭିଡିଓରେ ଦେଖିବାକୁ ମିଳିଛି।
ଭିଡିଓରେ, ଏକ କାର୍ ଉପରେ ହଠାତ୍ ଏକ ବିରାଟ ବିଦ୍ୟୁତ ଖୁଣ୍ଟଟି ପଡ଼ିଯାଉଛି। ଏହା ଦେଖିଲେ ଲାଗିବ ଭିତରେ ଥିବା ଚାଳକ ଜଣକ ନିଶ୍ଚିତ ମୃତ୍ୟୁ ବରଣ କରିଥିବେ। ମାତ୍ର ଯାହାକୁ ଭଗବାନ ରକ୍ଷା କରିବେ ତାକୁ କିଏ ମାରିବ?
He had angels.pic.twitter.com/RR5irFPRI5
— Figen (@TheFigen) August 4, 2022
@TheFigen ନାମକ ଏକ ଟୁଇଟର ପେଜ୍ରେ ଭିଡିଓଟି ଶେୟାର କରାଯାଇଛି। ଏଥିରେ କାର୍ ଗୁଡ଼ିକ ରାସ୍ତା ପାର୍ ହେଉଛନ୍ତି। ଏହି ସମୟରେ ଏକ କାର୍ ଅତିକ୍ରମ କରିବା ପରେ ବିରାଟ ଷ୍ଟ୍ରିଟ୍ ଲାଇଟ୍ ଖୁଣ୍ଟ କାର୍ ଉପରେ ପଡ଼ିଯାଉଛି। ଫଳରେ କାର୍ର ଆଗଟି ସମ୍ପୂର୍ଣ୍ଣ ଚେପା ହୋଇଯାଇଛି। ଭିଡିଓ ଯେ କେହି ଦେଖିଲେ ବି ଭାବିବେ ଏହା ଭିତରେ ଥିବା ଚାଳକଙ୍କର ନିଶ୍ଚିତ ମୃତ୍ୟୁ ଘଟିଥିବ। ମାତ୍ର ଚାଳକ ଜଣକ ପଛ ସିଟ୍ ଦେଇ ବାହାରୁଛନ୍ତି। ଯାହା ଦେଖି ପଛରେ ଥିବା ଲୋକମାନେ ଆଶ୍ଚର୍ଯ୍ୟ ହୋଇଛନ୍ତି।
ୟୁଜରମାନେ ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ଏହି ଭିଡିଓକୁ ୩ ଲକ୍ଷରୁ ଅଧିକ ଲୋକ ଦେଖିସାରିଥିବା ବେଳେ ଅନେକ ଲୋକ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ରଖେ ହରି ମାରେ କିଏ? ସେହିପରି ଅନ୍ୟ ଜଣେ ୟୁଜର କହିଛନ୍ତି ଅଡି କାର୍ଟି ନଷ୍ଟ।
