ସାଧାରଣତଃ ଯଦି କୌଣସି ଘରେ ଭୁତ କିମ୍ବା ପ୍ରେତ ଥିବାର ସନ୍ଦେହ ହୁଏ ଲୋକେ ସେ ଘର ଛାଡି ଅନ୍ୟତ୍ର ରହିବାକୁ ପସନ୍ଦ କରନ୍ତି। କିନ୍ତୁ ଇଂଲଣ୍ଡରେ ରହୁଥିବା ବେକ୍ସ ପାମର ଏବଂ ତାଙ୍କ ସ୍ବାମୀ ସେନ୍ ଯେଉଁଠାରେ ଭୂତ କିମ୍ବା ଆତ୍ମା ବାସ କରନ୍ତି ସେମିତିି ଘରେ ଖୋଜି ଖୋଜି ରହିବାକୁ ପସନ୍ଦ କରନ୍ତି। ୩ ଛୋଟ ପିଲାଙ୍କୁ ନେଇ ଏହି ଦମ୍ପତ୍ତି ଶ୍ମଶାନରେ ନିର୍ମିତ ଏକ ଭୂତ ଘରେ ରୁହନ୍ତି। ଆଶ୍ଚର୍ଯ୍ୟଜନକ କଥା ହେଉଛି ଏହି ପୁରା ପରିବାର ଭୂତମାନଙ୍କ ସହିତ ରହିବାକୁ ପସନ୍ଦ କରନ୍ତି।
୩୮ ବର୍ଷୀୟ ବେକ୍ସ ଏବଂ ତାଙ୍କ ସ୍ବାମୀ ସେନ୍ ପେଶାରେ ଭୂତ ଶିକାରୀ। ଭୂତ ବାବହାରୁ ଥିବା ଭୟରେ ଯେଉଁ ଲୋକେ ଘର ଛାଡନ୍ତି ସେମାନଙ୍କୁ ଘରକୁ ଯାଇ ଭୂତ ଛଡାନ୍ତି ଏହି ଦମ୍ପତ୍ତି। ଏଥିପାଇଁ ସେମାନେ କିଛି ଉପକରଣର ସାହାଯ୍ୟ ମଧ୍ୟ ନିଅନ୍ତି। ଭୂତ ଥିବା ଘରକୁ ଯିବା, ଆତ୍ମାଙ୍କୁ ଭେଟିବା ମଧ୍ୟ ସେମାନଙ୍କର ଅଭ୍ୟାସ ବୋଲି କହନ୍ତି ବେକ୍ସ। କେବଳ ଏତିକି ନୁହେଁ, ସେମାନଙ୍କର ୧୦, ୮ ଏବଂ ୪ ବର୍ଷର ପିଲାମାନେ ମଧ୍ୟ ଭୂତମାନଙ୍କୁ ଭୟ କରନ୍ତି ନାହିଁ, ବରଂ ସେମାନଙ୍କ ସହିତ ରହିବାକୁ ପସନ୍ଦ କରନ୍ତି। ବେକ୍ସ କୁହନ୍ତି, ମୋ ପିଲାମାନେ ମଧ୍ୟ ଏହିପରି ଭୂତ କୋଠରୀକୁ ଭଲ ପାଆନ୍ତି। ସେମାନେ ଆତ୍ମା, ରାତିରେ ଚାଲିବାର ଶବ୍ଦ ହେଉ ଶୁଣିକି ଆଦୌ ଭୟ କରନ୍ତି ନାହିଁ। ମୁଁ ଏବଂ ମୋର ସ୍ବାମୀ ୨୦୧୦ ମସିହାରୁ ଭୂତ ଶିକାର କରିଆସୁଛୁ। ପିଲାଦିନରୁ ମୁଁ ତନ୍ତ-ମନ୍ତ୍ର ପ୍ରତି ଆଗ୍ରହ ସୃଷ୍ଟି କରିଥିଲି। ମୋ ମା ତ୍ରିଶ ମଧ୍ୟ ସମାନ କାମ କରୁଥିଲେ। ସେ ଆତ୍ମା ସହିତ ରହୁଥିଲେ। ପ୍ରଥମେ ମୁଁ ଏହି ଆତ୍ମାମାନଙ୍କୁ ଦେଖି ଭୟଭୀତ ହୋଇଥିଲି କିନ୍ତୁ ପରେ ମୁଁ ଅନୁଭବ କଲି ଯେ ସେମାନେ କୌଣସି କ୍ଷତି କରନ୍ତି ନାହିଁ। ଆମର ଭୂତ ଶିକାର ବ୍ୟବସାୟ ବହୁତ ଭଲ ଚାଳିଛି ବୋଲି ସେ କହିଛନ୍ତି।
