ମୁମ୍ବାଇ,୯।୩: ଭାରତୀୟ ଶେୟାର ବଜାର ମଙ୍ଗଳବାର ସର୍ବକାଳୀନ ଉଚ୍ଚତା ଛୁଇଁ ନୂଆ ଇତିହାସ ରଚିଛି। କିନ୍ତୁ ବଜାର ଏହି ସ୍ତରର ବନ୍ଦ ହୋଇନାହିଁ ଏବଂ ଗତ କାଲିର ତୁଳନାରେ ଆହୁରି ତଳକୁ ଖସି ବନ୍ଦ ହୋଇଥିଲା। ଦିନ ଯାକ ବଜାରରେ ଉତ୍ସାହ ଲାଗିରହିଥିଲା ବେଳେ ଶେଷ ବେଳକୁ ନିବେଶକଙ୍କ ଲାଭ ଆଦାୟ କାରଣରୁ ହ୍ରାସ ସହିତ ବନ୍ଦ ହୋଇଥିଲା।
ମଙ୍ଗଳବାର ବିଏସଇ ସେନସେକ୍ସ ସୁଚକାଙ୍କ ୫୮.୮୦ ପଏଣ୍ଟ ହ୍ରାସ ସହିତ ୭୪.୬୮୩ ପଏଣ୍ଟରେ ବନ୍ଦ ହୋଇଥିଲା ଏବଂ ନିଫ୍ଟି ୨୩.୫୫ ପଏଣ୍ଟ ହ୍ରାସ ସହିତ ୨୨, ୬୪୨ ସ୍ତରରେ ବନ୍ଦ ହୋଇଥିଲା।
ଦିନର କାରବାରରେ, ସେନସେକ୍ସ ସର୍ବକାଳୀନ ଉଚ୍ଚ ସ୍ତରକୁ ୭୫,୧୨୪.୨୮ ଛୁଇଁଥିଲା ଏବଂ ନିଫ୍ଟି ସର୍ବକାଳୀନ ଉଚ୍ଚ ସ୍ତରକୁ ୨୨,୭୬୮.୪୦ ଛୁଇଁଥିଲା। ଅବଶ୍ୟ, ଦିନ ଯେତିକି ଆଗକୁ ବଢ଼ୁଥିଲା, ଲାଭ ଆଦାୟ ବଜାରରେ ପ୍ରାଧାନ୍ୟ ବିସ୍ତାର କରି ବଜାରକୁ ତଳକୁ ଟାଣି ନେଇଥିଲା।
ସକାଳେ ୪୦୧ ଲକ୍ଷ କୋଟି ଟଙ୍କା ଅତିକ୍ରମ କରିଥିବା ମାର୍କେଟ କ୍ୟାପ୍ ବଜାର ବନ୍ଦ ହେବା ସମୟରେ ୪୦୦ ଲକ୍ଷ କୋଟିରୁ ତଳକୁ ଖସି ଯାଇଛି। ଆଜି ବିଏସଇରେ ତାଲିକାଭୁକ୍ତ କମ୍ପାନୀଗୁଡିକର ବଜାର ପୁଞ୍ଜି ୩୯୯.୯୮ ଲକ୍ଷ କୋଟିରେ ପହଞ୍ଚିଛି।
ଅନ୍ୟପଟେ ବ୍ୟାଙ୍କ ନିଫ୍ଟି ୧୪୮.୫୫ ପଏଣ୍ଟ କିମ୍ବା ୦.୩୧ ପ୍ରତିଶତ ବୃଦ୍ଧି ସହିତ ୪୮,୭୩୦.୫୫ ସ୍ତରରେ କାରବାର ଶେଷ କରିଥିଲା। ବ୍ୟାଙ୍କ ନିଫ୍ଟିର ୧୨ ଟି ସେୟାର ମଧ୍ୟରୁ କେବଳ ୪ ଟି ଲାଭ ସହିତ ବନ୍ଦ କରିବାରେ ସକ୍ଷମ ହୋଇଛି ଏବଂ ୮ ଟି ସେୟାର ହ୍ରାସ ସହିତ ବନ୍ଦ ହୋଇଥିବାର ଦେଖାଯାଇଛି।
