କୋଲକାତା,୨୩।୧: ନେତାଜୀ ସୁଭାଷ ପରାକ୍ରମର ପ୍ରତିମୂର୍ତ୍ତି। ଏହି କଥା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସୁଭାଷ ଚନ୍ଦ୍ର ବୋଷଙ୍କ ୧୨୫ତମ ଜୟନ୍ତୀ ପାଳନ ଅବସରରେ ଭିକ୍ଟୋରିଆ ମେମୋରିଆଲ ପରିସରରେ ଶନିବାର ଅନୁଷ୍ଠିତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ଉଦ୍ବୋଧନ ଦେଇ କଠିନ ପରିସ୍ଥିତିରେ ବି ତାଙ୍କ ସାହସ ଦେଖି ବିଶ୍ୱ ତାଜୁବ ହେଉଥିଲା। ନେତାଜୀଙ୍କ ଜନ୍ମ ଭାରତର ଆତ୍ମଗୌରବର ଜନ୍ମ। ତାଙ୍କ ବିଷୟରେ ବ୍ୟାଖ୍ୟା କଲେ ଶବ୍ଦର ଅଭାବ ପଡିଯିବ ବୋଲି କହିଥିଲେ। ନେତାଜୀ ରାଣୀ ଝାନ୍ସି ରେଜିମେଣ୍ଟ ଗଠନ କରି ମହିଳାଙ୍କୁ ଆଗକୁ ଆଣିଥିଲେ। ନିଜ ଭୂମିରେ ନିଜ ସରକାର ଆହ୍ବାନ ଦେଇ ଆଣ୍ଡମାନରେ ଜାତୀୟ ପତାକା ଉଡାଇ ନିଜ ସଂକଳ୍ପ ପୂରା କରିଥିଲେ। କିଏ ଏମିତି ଅଛି ଯାହା ପଛରେ ବ୍ରିଟିଶ ସରକାର ଲାଗିଥିଲେ। ହେଲେ ତାଙ୍କ ଆଗରେ ହାର ମାନି ବିଟ୍ରିଶ ସରକାର ଭାରତ ଛାଡିଥିଲେ।
କୋଲକାତା ଆସିବା ଏକ ଭାବବିହ୍ବଳ ମୁହୂର୍ତ୍ତ। ନେତାଜୀଙ୍କ କର୍ମଭୂମି ଅତ୍ୟନ୍ତ ପବିତ୍ର। ଏହି ମାଟି ଦେଶର ଆଧ୍ୟାତ୍ମିକ, ସାହିତ୍ୟ, ବିଜ୍ଞାନ ଏବଂ ସମାଜ ସଂସ୍କାର କ୍ଷେତ୍ରକୁ ବହୁ ମହାପୁରୁଷଙ୍କୁ ପ୍ରଦାନ କରିଛି। ଦେଶକୁ ରାଷ୍ଟ୍ରଗାନ ଏବଂ ରାଷ୍ଟ୍ରଗୀତ ଦେଇଛି ବୋଲି ପ୍ରଧାନମନ୍ତ୍ରୀ ମୋଦି ଭାଷଣରେ କହିଥିଲେ। ଏହି ଅବସରରେ ସେ ବିଶ୍ବକବି ରବୀନ୍ଦ୍ରନାଥ ଏବଂ ବଙ୍କିମଚନ୍ଦ୍ରଙ୍କୁ ସ୍ମରଣ କରିଥିଲେ। ହାଓ୍ବଡା ମେଲ୍ର ନାଁ ନେତାଜୀ ଏକ୍ସପ୍ରେସ କରାଗଲା ବୋଲି ଘୋଷଣା କରିଥିଲେ।