ଆମେରିକାରେ ରହୁଥିବା ଏକ ଦମ୍ପତି ସେମାନଙ୍କର ଚାରି ବଖରା ଘର, ସମ୍ପତ୍ତି ବିକ୍ରି କରି ଏକ ସ୍କୁଲ ବସରେ ରହିବାକୁ ନିଷ୍ପତ୍ତି ନେଇଛନ୍ତି। ଫ୍ଲୋରିଡାର ଏହି ଦମ୍ପତି ୧୪୦୦ ବର୍ଗଫୁଟ ଉପରେ ଥିବା ଘର ବିକି ଚାକିରି ଛାଡ଼ି ଏକ ଭିନ୍ନ ଜୀବନଶୈଳୀ ବଞ୍ଚିବାକୁ ଚାହୁଁଛନ୍ତି।
୩୨ ବର୍ଷର ଜ୍ୟାକ ଏବଂ ଜିଆନା ଭ୍ରମଣ କରିବାକୁ ବହୁତ ପସନ୍ଦ କରନ୍ତି। ୨୦୧୬ରେ ଦୁହେଁ ବିବାହ କରିଥିଲେ ଏବଂ ସେହି ବର୍ଷ ସେମାନଙ୍କର ଝିଅ ମଧ୍ୟ ଜନ୍ମ ହୋଇଥିଲେ। ଉଭୟ ସାରା ବିଶ୍ୱ ବୁଲିବା ସ୍ବପ୍ନକୁ ପୂରଣ କରିବାକୁ ଚାହୁଁଥିଲେ। ଏହି କାରଣରୁ, ସେ କିଛି ଅଲଗା କରିବା ବିଷୟରେ ଚିନ୍ତା କରିଥିଲେ। ପରେ, ବିବାହର ୨ ବର୍ଷ ପରେ ସେ ସ୍ଥିର କଲେ ପାରମ୍ପରିକ ଜୀବନଶୈଳୀ ଛାଡିଦେବେ।
୨୦୧୮ ମସିହାରେ, ଏହି ଦମ୍ପତି ଏକ ଅନ୍ଲାଇନ ସମ୍ପ୍ରଦାୟ ବିଷୟରେ ଜାଣିବାକୁ ପାଇଥିଲେ। ଏହା ହେଉଛି ଏକ ସମ୍ପ୍ରଦାୟ, ଯେଉଁମାନେ ସେମାନଙ୍କର ଅଫିସ ଜୀବନ ଛାଡି କ୍ୟାମ୍ପ ଭ୍ୟାନରେ ରୁହନ୍ତି । ସେମାନେ ସମାନ କାମ କରନ୍ତି ଏବଂ ଯାତ୍ରା କରନ୍ତି। ଜ୍ୟାକ ଏବଂ ତାଙ୍କ ପତ୍ନୀ ସମ୍ପ୍ରଦାୟରେ ଯୋଗ ଦେବାକୁ ସେମାନଙ୍କ ଘର କାର୍ ବିକ୍ରି କରିଦେଲେ। ଏହି ଟଙ୍କାରେ ସେ ଦ୍ୱିତୀୟ ହାତ ମର୍ସିଡିଜ ବେଞ୍ଜ ସ୍ପ୍ରିଣ୍ଟର୍ ଭ୍ୟାନ କିଣି ଏହାକୁ ଏକ ଘର ଭାବେ ପରିଣତ କରିଥିଲେ।
ଏ ବିଷୟରେ କଥାବାର୍ତ୍ତା କରି ଜ୍ୟାକ କହିଛନ୍ତି ଯେ ଚାରି ବଖରା ଘରରୁ ଏକ ଭ୍ୟାନରେ ରହିବା ପ୍ରଥମେ ଟିକେ ଚ୍ୟାଲେଞ୍ଜ ପରି ଲାଗୁଥିଲା। ହେଲେ ଏବେ ଅଭ୍ୟାସରେ ପରିଣତ ହୋଇଗଲାଣି।
