ପାଟଣା,୭।୩(ସ୍ବ. ପ୍ର): କେନ୍ଦୁଝର ଜିଲା ପାଟଣା ବ୍ଲକ ବଡ଼ପାଟଣା ପଞ୍ଚାୟତ ସ୍ବାମ ବିରଜୟ ଗୋବିନ୍ଦପୁର ଶାସନ, ଦୁର୍ଗାଦେଇପୁର, କାମେଶ୍ୱର ପୁର, ଶିବ ନାରାୟଣ ପୁରଶାସନ ଓ କପୁଣ୍ଡି ଗ୍ରାମର ଦୋଳ ଗୋବିନ୍ଦ ଠାକୁର ପାରମ୍ପରିକ ରୀତିରେ ସୋମବାର ରାତିରେ ବିମାନରେ ବସି ୪ ଶାସନ ସହ କପୁଣ୍ଡି ଗ୍ରାମ ପରି ଭ୍ରମଣ କରିଛନ୍ତି। ଏହି ଅବସରରେ ଠାକୁରଙ୍କ ସ୍ବତନ୍ତ୍ର ପୂଜାର୍ଚ୍ଚନା ସହ ଭୋଗ ଲାଗି ହୋଇଥିଲା।
ଭକ୍ତିମୟ ପରିବେଶ ରେ ମଙ୍ଗଳବାର ସକାଳୁ ସ୍ବାମ ଶାସନ ମେଲଣ ପଡ଼ିଆରେ ଠାକୁରଙ୍କ ଯଥା ରୀତିରେ ପୂଜାର୍ଚ୍ଚନା ସମ୍ପନ୍ନ ହୋଇଥିଲା। ପୂଜକ ପଣ୍ଡିତ ଅଜିତ କୁମାର ଦାଶ ଦେବନୀତି ସମ୍ପନ୍ନ କରିଥିବା ବେଳେ ଦୋଳ ଉତ୍ସ କୁ ସ୍ବାମ ଶାସନ ଗ୍ରାମର ଭାଗୀରଥି ଦାଶ, ବଳଭଦ୍ର କର, ଲୋକ ନାଥ ମିଶ୍ର, ଶିବ ପ୍ରସାଦ ଦାଶ, ବିରମୋହନ ଦ୍ବିବେଦୀ, ଦୈତାରୀ ଶତପଥୀ, ସୁମିତ ପତି, କପୁଣ୍ଡିରେ ଜିଲା ଯାଦବ ସଂଘ ସଭାପତି ତଥା ବରିଷ୍ଠ ଆଇନଜୀବୀ ରାହାସ ବିହାରୀ ପୃଷ୍ଟି, କିଶୋର ଚନ୍ଦ୍ର ପୃଷ୍ଟି, ପୀତାମ୍ବର ପୃଷ୍ଟି, ମହେଶ୍ବର ପୃଷ୍ଟି, ପ୍ରହଲ୍ଲାଦ ରଣା, କେଶବ ଚନ୍ଦ୍ର ପୃଷ୍ଟି, ଧନେଶ୍ୱର ବିଶୋଇ, ଗୌତମ ରଣା, ଶିବନାରାୟଣ ପୁରରେ ବିବେକାନନ୍ଦ ଦାଶ, ଶିବ ନାରାୟଣ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଦେବ ନୀତି ସମ୍ପନ୍ନ ହୋଇଥିଲା। ମଙ୍ଗଳବାର ଠାକୁରଙ୍କ ସହ ଭକ୍ତ ଭଜନ କୀର୍ତ୍ତନ କରି ଅବିର ଖେଳି ଥିଲେ।
