ଲାହୋର ୧୪ା୨: ସ୍ଥାନୀୟ ଗଦାଫି ଷ୍ଟାଡିୟମରେ ପାକିସ୍ତାନ ବିପକ୍ଷ ଦ୍ୱିତୀୟ ଅନ୍ତର୍ଜାତୀୟ ଟି୨୦ରେ ଦକ୍ଷିଣ ଆଫ୍ରିକା ୬ଉଇକେଟରେ ବିଜୟ ହାସଲ କରିଛି। ଏଥିସହିତ ଦଳ ୩ ମ୍ୟାଚ ବିଶିଷ୍ଟ ସିରିଜକୁ ୧-୧ ସ୍ତରକୁ ନେଇ ଆସିଛି। ଗୁରୁବାର ଅନୁଷ୍ଠିତ ପ୍ରଥମ ଟି୨୦ରେ ପାକିସ୍ତାନ ୩ରନରେ ବିଜୟ ହାସଲ କରିଥିଲା। ଶନିବାର ଖେଳାଯାଇଥିବା ଏହି ମ୍ୟାଚରେ ଦକ୍ଷିଣ ଆଫ୍ରିକା ଟସ୍ ଜିତି ପାକିସ୍ତାନକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ଡ୍ବେନ ପ୍ରିଟୋରିଅସ୍ (୫/୧୭)ଙ୍କ ଉଚ୍ଚକୋଟୀର ବୋଲିଂ ଯୋଗୁ ଘରୋଇ ଦଳର ସ୍କୋର ୧୪୪/୭ରେ ସୀମିତ ହୋଇଯାଇଥିଲା। ଦକ୍ଷିଣ ଆଫ୍ରିକା ୧୬.୨ଓଭରରେ ୪ ଉଇକେଟ ବିନିମୟରେ ବିଜୟ ଲକ୍ଷ୍ୟ ହାସଲ କରିନେଇଥିଲା।
ପାକିସ୍ତାନ ଇନିଂସ: ୨୦ଓଭରରେ ୧୪୪/୭ (ମହମ୍ମଦ ରିଜଓ୍ବାନ-୫୧, ଫହିମ୍ ଅଶ୍ରଫ୍-୩୦*, ଇଫ୍ତିକର ଅହମ୍ମଦ-୨୦; ଡ୍ବେନ ପ୍ରିଟୋରିଅସ୍-୫/୧୭)।
ଦକ୍ଷିଣ ଆଫ୍ରିକା ଇନିଂସ: ୧୬.୨ ଓଭରରେ ୧୪୫/୪ (ରିଜା ହେଣ୍ଡ୍ରିକ୍ସ-୪୨, ପିଟ୍ ଭାନ୍ ବିଲ୍ଜୋନ୍-୪୨, ଡେଭିଡ୍ ମିଲର-୨୫*; ଶାହିନ ଆଫ୍ରିଦି-୨/୧୮)।
