ନୂଆଦିଲ୍ଲୀ,୭।୯: କଂଗ୍ରେସ ସଭାପତି ସୋନିଆ ଗାନ୍ଧୀ ବୁଧବାର ‘ଭାରତ ଯୋଡ ଯାତ୍ରା’କୁ ଏକ ଗୁରୁତ୍ୱପୂର୍ଣ୍ଣ ଘଟଣା ବୋଲି ବର୍ଣ୍ଣନା କରିଛନ୍ତି। ବୁଧବାର କଂଗ୍ରେସ ପକ୍ଷରୁ ‘ଭାରତ ଯୋଡ ଯାତ୍ରା’ କନ୍ୟାକୁମାରୀରୁ ଆରମ୍ଭ ହୋଇଛି। ଏହି ଅବସରରେ ସୋନିଆ ଗାନ୍ଧୀ ଏକ ଭାବପ୍ରବଣ ଚିଠି ଲେଖି ଯାତ୍ରାକୁ ସମ୍ବୋଧିତ କରିଥିଲେ।
ସୋନିଆ କର୍ମୀମାନଙ୍କୁ ସମ୍ବୋଧନ କରି କହିଛନ୍ତି, ମୁଁ ଚାଲିଥିବା ଡାକ୍ତରୀ ଚିକିତ୍ସା ଯୋଗୁ ଆପଣଙ୍କ ସହ ଯୋଗଦେଇପାରିନାହିଁ। ଏଥିପାଇଁ ମୁଁ ଦୁଃଖିତ। ମହାନ ଦଳ କଂଗ୍ରେସ ପାଇଁ ଏହା ଏକ ଐତିହାସିକ ସମୟ। ମୋର ବିଶ୍ୱାସ ଅଛି, ଏହାଦ୍ୱାରା ଆମ ଦଳର ସଂଗଠନ ଆହୁରି ମଜଭୁତ ହେବ। ଏହି ଯାତ୍ରା ଭରତୀୟ ରାଜନୀତିରେ ପରିବର୍ତ୍ତନଶୀଳ ମୁହୂର୍ତ୍ତ।
ଏହାସହ ସୋନିଆ ପଦଯାତ୍ରାରେ ସାମିଲ ୧୨୦ଜଣ ଦଳୀୟ ସହକର୍ମୀଙ୍କୁ ଅଭିନନ୍ଦନ ଜଣାଇଛନ୍ତି। ବିଭିନ୍ନ ରାଜ୍ୟରେ ଏହି ପଦଯାତ୍ରାରେ ଯୋଗଦେବାକୁ ଆହୁରି ଶହ ହଜାର ହଜାର ଲୋକ ଯୋଗଦେବେ ବୋଲି କହିଛନ୍ତି।
ଯୋଜନା ଅନୁଯାୟୀ, ଏହି ପଦଯାତ୍ରା ଦୁଇଟି ସିଫ୍ଟରେ ଚାଲିବ। ଏହି ଯାତ୍ରା ପ୍ରଥମ ସିଫ୍ଟରେ ସକାଳ ୧୦.୩୦ରେ ଏବଂ ଅପରାହ୍ନ ୩.୩୦ରେ ଆରମ୍ଭ ହେବ। ପ୍ରତିଦିନ ୨୨ ରୁ ୨୩ କିଲୋମିଟର ଦୂରତା ଅତିକ୍ରମ କରିବାର କାର୍ଯ୍ୟକ୍ରମ ରହିଛି। ବିଭିନ୍ନ ରାଜ୍ୟରୁ ପ୍ରତିନିଧିତ୍ୱ କରୁଥିବା ୧୨୦ଭ କଂଗ୍ରେସ ନେତା ଏହି ଯାତ୍ରାରେ ଅଂଶଗ୍ରହଣ କରିବେ। କଂଗ୍ରେସ କର୍ମୀମାନେ ମଧ୍ୟ ସେଠାରେ ପଦଯାତ୍ରା କରିବେ।
